“[Ojä] nangeʼi bä neki ra te” (Salmo 36:9). ¿Ha gi ëʼkyëʼi na? ʼBu̱ʼu̱ yu̱ jäʼi ëʼkyëi ge nuʼä ra te bi nekize̱he̱, ʼne njoʼo toʼo bä sa̱nni. Geʼbu̱ ya bä nekize̱he̱ ma tehu̱, ne dä ma te ni mbatho ge di ʼbu̱hmu̱. Pe̱, geʼbu̱ geʼä Jeoba bä sa̱nnä ra te, genhma jaʼä bi mbëmʼbu̱ mi za̱nni, ¿ha hinmajuäniʼä? a Gi nuʼä mambu̱ ja Biblia ge hapu̱ bä fu̱ʼä ra te ʼne hanja ge dä za̱ gä ëʼkyëihu̱ nuʼä mambu̱.

1. ¿Hapu̱ bä neki ga̱ʼtho ʼbe̱ʼä ja?

Nuʼä Biblia ëna: “Nuʼbu̱ na mu̱di, Ojä bi hoʼkä mahëʼtsi ʼne ra ha̱i” (Génesis 1:1). ʼBe̱ ga̱ʼtho yu̱ bäsu̱kuä, nuʼu̱ ʼtëmbi sientifiko, ëʼkyëi ge nuʼä ga̱ʼtho ʼbe̱ʼä ja, jabu̱ bä fu̱di. ¿ʼBe̱pu̱ bi hoʼkä Ojä ga̱ʼtho ʼbe̱ʼä ja? Bi hyonʼä na ʼtse̱di, nuʼä di ëmfu̱ espiritu santo, pa di hoki ga̱ʼtho ʼbe̱ʼä ja, yu̱ galaksia, yu̱ so̱, yu̱ planeta ʼne ga̱ʼtho ʼbe̱ʼä ja (Génesis 1:2).

2. ¿Hanja bä hoʼkä Ha̱iʼä Ojä?

Nuʼä Jeoba hingä ho̱ntho bi hoktäthoʼä Ha̱i, bi hoki pa di mʼbu̱hyu̱ jäʼi (Isaías 45:18). Nuʼä, bi hoki nuna ha̱i di ʼbu̱hmu̱ ge emme mahotho, pa nzäntho di mʼbu̱manho yu̱ jäʼi (dä mi nu Isaías 40:28 ʼne 42:5). Nuʼu̱ yu̱ sientifico ëna ge nuua Ha̱i di ʼbu̱hmu̱, emme mahotho ʼne emme xi ngü di muui. Njongi pädi geʼbu̱ ja manʼna planeta hapu̱ dä za̱ gä mʼbu̱hmu̱.

3. ¿ʼBe̱ʼä o̱ʼte ge di hye̱ʼtsi nuʼu̱ yu̱ jäʼi ko nuʼu̱ yu̱ züʼuë ʼne yu̱ zate?

Nuʼbu̱ mi guadi mi hoʼkä Ha̱i, nuʼä Jeoba bi ünna te ga̱ʼthoʼu̱ ʼbu̱kua Ha̱i. Mu̱ditho bi yüsʼna Ha̱i ko yu̱ za, yu̱ paxi, yu̱ züʼuë ʼne yu̱ zate. ʼNe mʼbe̱fa “nuʼä Ojä bi hoʼkä jäʼi tengüthoʼä” (dä mi nu Génesis 1:27). ¿ʼBe̱ʼä o̱ʼte ge di hye̱ʼtsu̱ yu̱ züʼuë ʼne yu̱ zate? Nuʼä Ojä bi hogähu̱ tengüʼä, nangeʼä sa̱ gä häkpähu̱ yu̱ hogä nja, tengüʼä ra hmädi o ra nhuëkäte, o ge gä ne gä o̱ʼthu̱ nuʼä po̱manho. Nuʼä bi hogähu̱ pa dä za̱ ge gä pähmu̱ yu̱ idioma o yu̱ ne ge ña yu̱ jäʼi, ʼne gä njohyahu̱ ko yu̱ ʼbe̱i ʼne yu̱ thühü, ge gä hohu̱ ga̱ʼtho ʼbe̱ʼä bi hoki. Nuju̱ sa̱ gä thännehu̱ʼä Ojä, hingä tengüʼu̱ yu̱ züʼuë o yu̱ zate.

 5. Dä za̱ gä ëʼkyëihu̱ ge majuäniʼä mambu̱ Biblia nangeʼä ʼbe̱pu̱ bä nekiʼä ra te

6. Nuju̱ hingä ʼraingüju̱ nuʼu̱ miʼra bi hoʼkä Ojä

Nuju̱ hingä ʼraingühu̱ yu̱ züʼuë o yu̱ zate. Dä mi nuui Génesis 1:26 ʼne manhmi nangehna:

• Nuju̱ sa̱ gä ühmu̱ ra nhuëkäte, ra hmädi ʼne ra nyemu̱i, geʼtho nuʼä Ojä bi hogähu̱ tengüʼä. Nuna ¿ʼbe̱ʼä xa̱nniʼi nangeʼä na hogä nja o na hogä nʼto̱ʼteʼä Jeoba?

 NUʼÄ MANʼNA JAʼTSE̱DI

Nuʼä Jeoba bi hoki ga̱ʼtho ʼbe̱ʼä ja.

Nuʼä dä pähmu̱

• ¿ʼBe̱ʼä manʼä Biblia nangeʼä ʼbe̱pu̱ bä neki ga̱ʼthoʼä ja?

• ¿Xiʼä Ojä ha mu̱ditho bä hoʼkä ʼna ra ʼtu̱züʼuë ʼne ʼme̱fa ʼrahmi ʼtsu̱ bi mpa̱di asta geʼbu̱ mi gohi bi njäʼi? ¿O ʼradbu̱ mi hoʼkä Ojä ga̱ʼtho ʼbe̱ʼä ʼbu̱i?

• ¿Hanja manʼna di muui yu̱ jäʼi?