Nuʼä Jeoba ne ge manʼna gi pädi nangeʼä. ¿Hanja? Geʼtho nuʼä Ojä to̱ʼmi ge nuʼbu̱ manʼna gä pädi xi nho nangeʼu̱ yu̱ hogä nja o nuʼu̱ yu̱ hogä nʼto̱ʼte ʼne nuʼä ʼbe̱ʼä mbëni dä ʼyo̱ʼte, nuʼi manʼna gi ne gi ʼyo̱tni amigo. ¿Pe̱ ha majuäni dä za̱ gä o̱thu̱ ma amigohu̱ʼä Ojä? (dä mi nu Santiago 2:23). ¿ʼBe̱ʼä ja gi ʼyo̱ʼte pa dä za̱ gi ʼyo̱tni amigoʼä Jeoba? Nuya yu̱ nʼta̱nni dä za̱ gä pähmu̱bu̱ ja Biblia, ʼne xikju̱ hanja emme di muui ge gä o̱thu̱ ma amigohu̱ʼä Jeoba.

1. ¿ʼBe̱ʼä ne Jeoba ge gi ʼyo̱ʼte?

“Zäi dä mi bënhmu̱ ge ʼrarbu̱ gi ʼbu̱hmu̱ Ojä, ʼne zäi dä hyüʼtä ni mu̱ihu̱ bu̱ya” (Santiago 4:8). ¿ʼBe̱ʼä ne dä manhna texto? Ge nuʼä Jeoba ne ge gi ʼyo̱tni amigo. Xi ngüʼu̱ dä za̱tho mbëni ge hindä za̱ dä ʼyo̱tnä amigo ʼna ra jäʼi ge hingi sa̱ dä nu, manʼnathoʼä Ojä bu̱ya. Pe̱ nuʼä Ojä xi ʼrakju̱ʼä Biblia, nuʼä na Nhma, nubu̱ bä nʼtoʼtibu̱ ga̱ʼthoʼä mahyoni gä pähmu̱ pa dä za̱ gä o̱thu̱ ma amigohu̱ʼä. Nuʼbu̱ di manhmu̱ʼä na Nhman Ojä, manʼna di ne gä nsixu̱ xi nhoʼä, madägeʼä hindi nuhu̱.

2. ¿Hanja nuʼä Jeoba manʼna ra hogä amigoʼä?

Geʼtho njoʼo toʼo manʼna ʼbu̱i ge di huëʼkiʼi tengüʼä Jeoba. Nuʼä neʼi ge gi njohya ʼne nzäntho gi nzofo nuʼbu̱ gä hyonʼä mfa̱ʼtsi. Nuʼä Biblia ma “gä xihmu̱ Ojä ga̱ʼtho ma dümu̱ihu̱, geʼtho di jamansüju̱ʼä” (1 Pedro 5:7). Nuʼä Jeoba nzäntho ne di ze̱ʼu̱ yu̱ amigo, ʼne dä hyürpä yu̱ mu̱iʼu̱ ʼne nzäntho o̱de nuʼä manʼu̱ (dä mi nu Salmo 94:18, 19).

3. ¿ʼBe̱ʼä ne Jeoba ge dä ʼyo̱ʼtu̱ yu̱ amigo?

Nuʼä Jeoba di huëki ga̱ʼtho yu̱ jäʼi, pe̱ manʼna di huëki ʼne di nsixuiʼu̱ nuʼu̱ o̱ʼte nuʼä po̱manho (Proverbios 3:32). Nuʼä Jeoba to̱ʼmi ge nuʼu̱ yu̱ amigo dä ʼyo̱ʼte nuʼä numanho ʼne hindä ʼyo̱ʼte nuʼä hingi numanhoʼä. Dä za̱tho ʼbu̱ʼä dä ʼyënä ge njämʼbu̱ dä zo̱ni dä ʼyo̱ʼte nuʼä ʼbe̱ʼä ga̱ʼtho neʼä Jeoba. Pe̱ nuʼä Ojä numanho ʼne simanhoʼu̱ toʼo majuäni di huëki ʼne o̱ʼtä ʼtse̱di dä ʼyo̱ʼte nuʼä na pa̱ha̱ (Salmo 147:11; Hechos 10:34, 35).

 GÄ PÄHMU̱ MANʼNA NANGEHNA

4. Jeoba bi ʼyo̱tna amigoʼä Abrahán

Nuʼä Biblia ürkähu̱ ʼbe̱ʼä ne dä ma ge gä o̱thu̱ ma amigohu̱ʼä Jeoba, gä nuhu̱ na ejemploʼä Abrahán (ante mi ʼtëmbi Abrán). Dä mi pähmi nangeʼä Abrahán nubu̱ Génesis 12:1-4 ʼne manhmi nangehna:

• ¿ʼBe̱ʼä bi ʼya̱ʼä Jeoba ge dä ʼyo̱ʼtä Abrahán?

• ¿ʼBe̱ʼä bi manʼä Jeoba ge dä ʼyo̱ʼte pa nangeʼä Abrahán?

• Xi nuʼä Abrahán, ¿ha bi ʼyo̱ʼtä bi xiʼä Jeoba?

5. ʼBe̱ʼä neʼä Jeoba ge dä ʼyo̱ʼte nuʼu̱ yu̱ amigo

Ga̱ʼthogähu̱ di nehu̱ ge nuʼu̱ ma amigohu̱ di nhokjäʼi.

• ¿ʼBe̱ʼä gi ne ge dä ʼyo̱ʼtu̱ ni amigo?

Dä mi nuui 1 Juan 5:3 ʼne manhmi nangehna:

• ¿ʼBe̱ʼä neʼä Jeoba ge dä ʼyo̱ʼtu̱ yu̱ amigo?

Pa gä o̱thu̱ nuʼä neʼä Jeoba dä za̱tho mahyoni gä pa̱hmu̱ nuʼä di o̱thu̱ ʼne nuʼä di mbënhmu̱. Dä mi nuui Isaías 48:17, 18 ʼne manhmi nangehna:

• ¿Hanja nuʼä Jeoba ne ge nuʼu̱ yu̱ amigo dä pa̱di yu̱ mʼbu̱i o yu̱ nʼto̱ʼte?

 6. Nuʼä ʼbe̱ʼä o̱ʼtä Jeoba pa nangeʼu̱ yu̱ amigo

 NUʼÄ MANʼNA JAʼTSE̱DI

Nuʼä Jeoba ne gi ʼyo̱tni amigo, ʼne xiʼi ʼbe̱ʼä gi ʼyoʼte pa dä za̱ gi nsixui.

Nuʼä dä pähmu̱

• ¿ʼBe̱pu̱ ni ze̱ʼä Jeoba nuʼu̱ yu̱ amigo?

• ¿Hanja nuʼä Jeoba a̱pi ge di pa̱di yu̱ nʼto̱ʼteʼu̱ yu̱ amigo?

• ¿Ha gi mbëni ge emme xi nhëi ʼbe̱ʼä a̱ʼä Jeoba ge dä ʼyo̱ʼtu̱ yu̱ amigo? ¿Hanja gi mbëni ngübu̱?