NXA̱DI 09

Nuʼä orasion di ze̱ʼi ge gi nsixuiʼä Ojä

Tso̱ke ge

Xi ngü ʼbe̱pu̱ dä za̱ di ze̱ʼi nuʼä orasion. Tengüʼbu̱ gi honʼä mfa̱ʼtsibu̱ ni mʼbu̱i o gi ne gi pädi nangeʼu̱ ʼra yu̱ nʼta̱nni ge jaʼbu̱ gi o̱ʼte nangeʼä ga̱ʼthoʼä thogi. ʼNepu̱ya, nuʼä orasion dä za̱ di ze̱ʼi ʼne dä hyüʼtä ni mu̱i. Kextä, dä ze̱ʼi ge manʼna gi päʼä Ojä. Pe̱ dä za̱tho gi ëna: ¿ʼBe̱pu̱ dä za̱ gä orabi Ojä pa dä ʼyo̱de ʼne dä numanho nuʼä di xifi?

1. ¿Toʼoʼä ja gä o̱rpähu̱ orasion? ¿ʼBe̱ʼä dä za̱ gä manhmu̱ nuʼbu̱ dä orahu̱?

Nuʼä Jesús bi xa̱ngähu̱ ge ho̱nse̱ʼä ma Tahu̱ Ojä Jeoba bi ʼbu̱ mahëʼtsi, ja gä orabähu̱. Nuʼä Jesús bi orabäʼä Jeoba, ʼnandi bi ʼyëna: “Pe̱ gi mbënhmu̱ʼbu̱ gi ñahu̱ Ojä ʼra yu̱ nhma tengü di xiʼähu̱ ge: ‘Nuya ma Taʼähe gi ʼbu̱pu̱ mahëʼtsi...ʼ” (Mateo 6:9). Nuʼbu̱ di orabähu̱ʼä Jeoba manʼna di nsixmanhohu̱ʼä.

Dä za̱ ho̱nʼtä go ʼbe̱ʼä gä a̱pfu̱ʼä Ojä nuʼbu̱ di orabähu̱. Pe̱ nuʼbu̱ di nehu̱ ge dä ʼyo̱de ʼne di ʼrakju̱ nuʼä di a̱pfu̱, hingi ja gä a̱hmu̱ nuʼä hingi numanhoʼä. Nubu̱ Biblia ma “ʼne dä di njohyahu̱ ge dä nñahu̱ Ojä, di pähmu̱ i numanhohu̱. ʼNe nuʼbu̱ di nthe̱ui na pa̱ha̱ Ojäʼä di a̱hmu̱, di pähmu̱ ge o̱manho ʼbu̱ di ñahu̱ʼä” (1 Juan 5:14). Nuʼä Jesús bi xikju̱ ʼbe̱ʼä sa̱ gä a̱hmu̱ nuʼbu̱ di orahu̱ (dä mi ma Mateo 6:9-13). ʼNepu̱ya nuʼbu̱ di a̱pfu̱ nuʼä di honhmu̱ o di xihmu̱ ʼbe̱ʼä di thohmu̱, hingä pumbënihu̱ gä ünhnu̱ jamädiʼä Ojä nangeʼä ga̱ʼtho xi ʼyo̱ʼte pa nangekju̱, ʼne gä a̱pfu̱ ge dä ze̱ʼu̱ miʼra yu̱ jäʼi.

2. ¿ʼBe̱pu̱ ja gä orahu̱?

Nuʼä Biblia ënju̱: “Gi xihmu̱ [ä Ojä] ga̱ʼtho nuʼä jabu̱ ni mu̱ihu̱” (Salmo 62:8). Nangeʼä, nuʼbu̱ di orabähu̱ Ojä, ja dä bo̱xä mbo ma mu̱ihu̱ nuʼä di xihmu̱. Nuʼbu̱ di orabähu̱ Ojä dä za̱ gä ñahu̱ o dä za̱ gä mbënthohu̱ nuʼä gä xihmu̱. Nuʼä Jeoba hingi a̱kju̱ ge gä ndädiähmühu̱, gä mʼba̱hmu̱ o gä hühmu̱ nuʼbu̱ di orabähu̱. Pa nangeʼä Jeoba manʼna jaʼtse̱di gä ühmu̱ ge di ëspähu̱ nuʼbu̱ di orabähu̱. Dä za̱ gä orabähu̱ ho̱nʼtä go ʼbe̱ʼä ma ora ʼne ho̱mbu̱ go hapu̱ di ʼyohu̱.

3. ¿ʼBe̱pu̱ ni däʼä Ojä nuʼbu̱ di orabähu̱?

Di hye̱ʼtsi ʼbe̱pu̱ thäʼä Ojä nuʼbu̱ di orabähu̱. Nuʼä Ojä di ze̱kju̱ nangeʼä Biblia pa gä pähmu̱ nangeʼu̱ ʼra yu̱ nʼta̱nni jaʼbu̱ di o̱ʼthu̱. Nuʼbu̱ gä manhmu̱ Biblia dä ze̱kju̱ manʼna di nja ma nʼyomfënihu̱ ʼne ma mfädihu̱ (Salmo 19:7; dä mi nu Santiago 1:5). ʼNe nuʼbu̱ jaju̱ yu̱ hëi, nuʼä Jeoba di ʼrakju̱ na hogä mfëni ʼne hürkä ma mu̱ihu̱. ʼNepu̱ya, dä za̱ dä hyonʼu̱ yu̱ me̱fi pa di ze̱kju̱.

GÄ PÄHMU̱ MANʼNA NANGEHNA

Gä pähmu̱ ʼbe̱pu̱ ja gä orahu̱, pa ge Ojä dä ʼyo̱de ʼne dä numanho nuʼä di xihmu̱, ʼne kextä gä pähmu̱ ʼbe̱pu̱ di ze̱kju̱ nuʼbu̱ di orahu̱.

4. Nuʼä ja gä o̱thu̱ nuʼbu̱ di orabähu̱ Ojä

¿ʼBe̱ʼä ja gä o̱thu̱ pa dä ʼyo̱ʼä Ojä nuʼbu̱ di orabähu̱? Dä mi nuui BIDEO.

BIDEO: ¿Ha o̱ʼä Ojä ga̱ʼtho yu̱ orasion pa nʼto̱ʼte? (ʼna xe̱kitho) (2:42)

Nuʼä Jeoba ne ge ho̱nse̱ʼä gä orabähu̱. Dä mi nuui Salmo 65:2 ʼne manhmi nangehna:

¿Ha gi ëʼkyëʼi ge Ojä ne ge gi orabi? ¿Hanja gi mbënʼä ngübu̱?

Geʼbu̱ di nehu̱ ge Ojä dä ʼyo̱de nuʼbu̱ di orabähu̱, ja gä o̱thu̱ ʼtse̱di gä te̱nhnu̱ʼu̱ yu̱ nʼtëdi. Dä mi nuui Miqueas 3:4 ʼne 1 Pedro 3:12, ʼne manhmi nangehna:

¿ʼBe̱ʼä dä za̱ gä o̱ʼthu̱ pa majuäni dä ʼyo̱ʼä Ojä nuʼbu̱ di orabähu̱?

Dä mi bëni ge yoho yu̱ grupo ge yu̱ dofu̱i dä mba di nsu̱i, pe̱ ante ʼna ngü ʼna di orabi Ojä pa dä dähä. Xi nuʼä Ojä, ¿ha dä ʼyo̱ʼä orasion ge o̱ʼtu̱?

5. Nuʼbu̱ di orabähu̱ Ojä ja dä bo̱xä mbo ma mu̱ihu̱ nuʼä di xihmu̱

Xi ngü yu̱ jäʼi xi nsa̱mbäbi, ge nuʼbu̱ bi orabi Ojä ja ho̱ntho dä ma xi ngü yu̱ nidi yu̱ orasion ge ya xi nʼtoʼti. Pe̱ ¿ha numanho Ojä yu̱ orasion tengüʼu̱? Dä mi nuui Mateo 6:7 ʼne manhmi nangehna:

¿ʼBe̱ʼä sa̱ gä o̱thu̱ pa hingä ʼraʼtä gä manhmu̱ nuʼbu̱ di orabähu̱ Ojä?

Nuʼä dä za̱ gä o̱thu̱ geʼä ge gä mbënhmu̱ ga̱ʼtho mahotho dä thohmu̱ ʼnahma ʼna pa, ʼne gä ünhnu̱ jamädi Jeoba nangeʼä. Nuʼbu̱ gi ʼyo̱ʼte ngübu̱, nuʼbu̱ bi guaʼä semana ya xkä ünnä jamädiʼä Ojä nangeʼu̱ yoto yu̱ kosa xkä thogi. ʼNe hingä ho̱ntho xi ngü yu̱ nidi ʼraʼtä gi ma.

Tengü ʼna ra hogä papa ne ge nuʼä na ʼtu̱hni o na bätsi dä xifi ʼbe̱ʼä mbëni ʼne dä xifi ga̱ʼtho nuʼä jabu̱ na mu̱i, njarbu̱thoho, nuʼä Jeoba ne ge nuʼbu̱ di orabähu̱, dä bo̱xpu̱ ma mu̱ihu̱ nuʼä di xihmu̱.t

6. Nuʼä orasion, ʼna ra hogä regalo di ʼrakju̱ʼä Ojä

¿ʼBe̱pu̱ di ze̱kju̱ nuʼä orasion nuʼbu̱ di thohmu̱ yu̱ hëi nʼtse̱di? Dä mi nuui ä BIDEO.

BIDEO: Nuʼä orasion di ze̱kju̱ (1:32)

Nuʼä Biblia ma ge nuʼä orasion, majuäni dä za̱ dä hyürkä ma mu̱ihu̱. Dä mi nuui Filipenses 4:6, 7 ʼne manhmi nangehna:

Madägeʼä nuʼä orasion hindi ʼueke ga̱ʼtho yu̱ hëi, pe̱ ¿ʼbe̱pu̱ di ze̱kju̱?
¿ʼBe̱ʼä gi ne gi xiʼä Ojä nuʼbu̱ gä orabi?

¿Ha mi päkëna?

Nuʼä ra nhma ʼtëmbi amén ne dä ma “geʼä di njabu̱” o “geʼä di njaʼä”. Desde ma njämʼbu̱ nuʼä ra nhma “amén” ya mi hmanʼä nuʼbu̱ mi juaʼä ʼna orasion (1 Crónicas 16:36).

7. Dä mi hyäkni tiempo pa gi orabiʼä Ojä

Jaʼbu̱ ʼnandi di pumbënihu̱ gä orabähu̱ Ojä, nangeʼä ge emme ja ma ʼbe̱fihu̱. ¿Ha mi jaʼtse̱di pa nangeʼä Jesús ge dä orabiʼä Ojä? Dä mi nuui Mateo 14:23 ʼne Marcos 1:35, ʼne manhmi nangehna: