ʼBu̱ʼu̱ ʼra yu̱ jäʼi di hëi ge di nxa̱ʼä Biblia, pe̱ geʼbu̱ di nxa̱ʼä Biblia, emme xi ngü yu̱ nho ʼne yu̱ njäpi dä hyäni. Dä za̱tho, jaʼbu̱ gi mbëni ge ya hindä za̱ gi thoki gi nxa̱ʼä Biblia. Pe̱, ¿hanja mahyoni ge gi nxa̱ʼä Biblia? ¿ʼBe̱ʼä dä ze̱ʼi gi thoki gi nxa̱di madägeʼä jaʼi yu̱ hëi?

1. ¿Hanja ge xi nho ge gä nxa̱hmu̱ʼä Biblia?

“Pe̱ nuʼä na nhman Ojä di mpe̱fi tengüʼbu̱ ra the̱ni yoho yu̱ he̱ʼti, pe̱ manʼna i ja na ʼtse̱diʼä xindä ge ra the̱ni, ge i sa̱ dä zo̱rbu̱ mbo ni mu̱i ʼna” (Hebreos 4:12). Nuʼä Biblia emme di muuiʼä geʼtho mambu̱ ʼbe̱ʼä mbënʼä Ojä ʼne ʼbe̱ʼä ne pa nangeʼi. Xi ngü ʼbe̱ʼä manʼna gi pädi, ʼne dä za̱ gi pädi ʼbe̱ʼä gi ʼyo̱ʼte pa dä za̱ manʼna gi mʼbu̱manho nuya ʼne nuʼu̱ yu̱ pa bä ëpu̱. ʼNe nuʼä manʼna mahotho, ge nuʼä Biblia di ze̱ʼi pa dä za̱ gi nʼamigouiʼä Jeoba. ʼNa pa ʼne ngü ʼna pa ge gi nxa̱ʼä Biblia, manʼna gi njohyabu̱ ni mʼbu̱i.

2. ¿Hanja jaʼtse̱di gä pähmu̱ ge di muuiʼä mambu̱ ja Biblia?

Nuʼä nʼtoʼtibu̱ ja Biblia emme di muuiʼä, tengütho ra oro ʼne ra plata. Nangeʼä, nuʼä Biblia xikju̱ gä ta̱nhmu̱ nuʼä majuäni nʼtoʼtibu̱ ʼne hingä pa̱hu̱ (Proverbios 23:23). Nuʼbu̱ hingä pumbënihu̱ ge emme di muui nuʼä nʼtoʼtibu̱ ja Biblia, gä hähmu̱ ma ʼtse̱dihu̱ ge gä thoki gä nxa̱hmu̱, madägeʼä gä thohmu̱ yu̱ hëi (dä mi nu Proverbios 2:4, 5).

3. ¿ʼBe̱pu̱ dä ze̱ʼi nuʼä Jeoba gi thoki gi nxa̱ʼä Biblia?

Nuʼä Jeoba bi hoki ga̱ʼthoʼä ja, ni amigoʼä, päʼi xi nho ʼne ne dä ze̱ʼi ge manʼna gi pädi nangeʼä. Nuʼä Ojä “di ʼrakju̱ na pa̱ha̱ ʼne na ʼtse̱di ge gä o̱rbähu̱ na pa̱ha̱” (dä mi nu Filipenses 2:13). Dä za̱tho jaʼbu̱ tü ni mu̱i o hingi ne gi thoki gi nxa̱di, o ge gi mbëni ge xi nhëi gi te̱nnu̱ yu̱ nʼtsofo ge bä ʼyëpu̱ ja Biblia, o di tü ni mu̱i, nuʼä Ojä dä ze̱ʼi. Dä za̱tho, ʼbu̱ʼu̱ yu̱ jäʼi o ʼbu̱ʼu̱ ni meni ge hingi numanho gi nxa̱ʼä Biblia, o jaʼä di hënʼi pa gi nxa̱ʼä Biblia, o di tü ni mu̱i, Jeoba dä ze̱ʼi. Dä mi thoki gi ʼya̱ʼpä Jeoba dä ze̱ʼi gi nxa̱ʼä Biblia (1 Tesalonicenses 5:17).

 GÄ PÄHMU̱ MANʼNA NANGEHNA

4. Dä mi ʼyüdi ge ni nxa̱di nangeʼä Biblia emme jaʼtse̱di pa nangeʼi

Jaʼbu̱ ʼnandi xi ngü ʼbe̱ʼä di hënju̱ pa gä nxa̱hmu̱ʼä Biblia. Pe̱ ¿ʼbe̱ʼä dä za̱ gi ʼyo̱ʼte? Dä mi nuui Filipenses 1:10 ʼne manhmi nangehna:

• ¿Ndaʼä gi mbëni ge manʼna jaʼtse̱di ge gä o̱thu̱?

• ¿ʼBe̱pu̱ dä za̱ gi ʼyüdi ge pa nangeʼi manʼna jaʼtse̱di gi nxa̱ʼä Biblia?

1. Nuʼbu̱ gi ne gi ñuʼtsä ʼna bote ge ra ʼbomü ʼne mʼbe̱fa gi ʼyu̱rpä yu̱ do, nuʼu̱ yu̱ do hindi nʼye̱mbu̱.

2. Pe̱ nuʼbu̱ mu̱di gi ʼyu̱ʼtyu̱ do bu̱ ja bote ʼne mʼbe̱fa gi ʼyu̱ʼtä ʼbomü, manʼna di guapu̱ʼu̱. Njarbu̱thoho, nuʼbu̱ gi ʼbe̱ʼtobäbu̱ ni mʼbu̱i nuʼä manʼna jaʼtse̱di dä za̱ gi ʼyo̱ʼtä manʼä Ojä ʼne dä bongni tiempo pa gi ʼyo̱ʼtä manʼna gi ne.

Ga̱ʼtho yu̱ jäʼi di honhmu̱ʼä Ojä, ʼne nuʼbu̱ hinnangeʼä hindä za̱ gä mʼbu̱hmu̱, nangeʼä nuʼbu̱ di nxa̱hmu̱ʼä Biblia emme di johyahu̱ ge di pähmu̱ʼä Jeoba ʼne ge di thännehu̱. Dä mi nuui Mateo 4:4 ʼne manhmi nangehna:

• Nubu̱ gä ʼbe̱ʼtobähu̱bu̱ ma mʼbu̱ihu̱ ge gä nxa̱hmu̱ʼä Biblia, ¿ʼbe̱ʼä ma nho ʼne ʼbe̱ʼä ma njäpi gä hänhmu̱?

 5. Dä mi thoki gi nxa̱di madägeʼä ʼbu̱ʼu̱ miʼra di nkue̱

6. Gi ka̱mfëni ge nuʼä Jeoba dä ze̱ʼi

 NUʼÄ MANʼNA JAʼTSE̱DI

Dä za̱tho jaʼbu̱ xtä nhëi ge gi nxa̱ʼä Biblia, pe̱ nuʼbu̱ gi hyümbi gi nxa̱di, dä za̱ gi mʼbu̱i pa nzäntho. Nuʼbu̱ gi thoki gi ka̱mfëniʼä Jeoba, nuʼä dä jäʼpiʼi.

Nuʼä dä pähmu̱

• ¿Hanja gi mbëni ge emme di muui nuʼä nʼtoʼtibu̱ ja Biblia?

• Nuya ge gä pädi nuʼä jaʼtse̱di ge mambu̱ ja Biblia, ¿ʼbe̱ʼä ja ge gi ʼyo̱ʼte?

• ¿Hanja mahyoni ge gi ʼya̱ʼpä Jeoba ge di ze̱ʼi gi thoki gi nxa̱ʼä Biblia?