NXA̱DI 31
¿ʼBe̱ʼä ä ra ʼTsu̱ʼtabi Ojä?
Nuʼä Biblia üdi ge nuʼä na ʼTsu̱ʼtabi Ojä emme jaʼtse̱diʼä. Geʼtho nangeʼä na ʼTsu̱ʼtabi, nuʼä Jeoba dä ʼyo̱ʼte ga̱ʼtho nuʼä mi mbëni dä ʼyo̱ʼte desde na mu̱di. Pe̱, ¿ʼBe̱ʼä ä ra ʼTsu̱ʼtabi Ojä? ¿Hanja di pähmu̱ ge ya di mandaʼä na ʼTsu̱ʼtabi Ojä? ¿ʼBe̱ʼä xi ʼyo̱ʼtä na ʼTsu̱ʼtabi Ojä nuʼu̱ yu̱ pa jabu̱? ¿ʼNe ʼbe̱ʼä dä ʼyo̱ʼte nuʼu̱ yu̱ pa bä ëpu̱? Gä pähmu̱ nangehya yu̱ nʼta̱nni nuna nxa̱di jaua ʼne nuʼu̱ mi yoho yu̱ nxa̱di 32 ʼne 33.
1. ¿ʼBe̱ʼä ä ra ʼTsu̱ʼtabi Ojä, ʼne toʼoʼä di mandabu̱?
Nuʼä ra ʼTsu̱ʼtabi Ojä, ʼna ra ʼtsu̱ʼtabi ge bä sa̱nnä Jeoba. ʼNe nuʼä Jeoba bi ʼyëxä Jesucristo pa geʼä di Nʼtsu̱ʼtabiʼä desde ma mahëʼtsi (Mateo 4:17; Juan 18:36). Nubu̱ ja Biblia ma ge nuʼä Jesús di nʼtsu̱ʼtabi pa nzäntho (Lucas 1:32, 33). Nuʼä Jesús dä manda ga̱ʼthoʼu̱ yu̱ jäʼi di mʼbu̱kua Ha̱i.
2. ¿Toʼoʼu̱ miʼra di mandahu̱ʼä Jesús nubu̱ mahëʼtsi?
Nuʼä Jesús hindi ʼnase̱ ge di mandaʼä. Di nʼtsu̱ʼtabihu̱ yu̱ jäʼi ge ʼrahmi ʼnanʼyo yu̱ hnini ge bi neʼtsi (Apocalipsis 5:9, 10). ¿Hangüʼu̱ yu̱ jäʼi di nʼtsu̱ʼtabihu̱ʼä Jesús? Desde nuʼbu̱ mi nʼyoua Ha̱iʼä Jesús, yu̱ miyonetho yu̱ jäʼi xi ʼyëʼkyëi nangeʼä ʼne xi de̱nnä. Pe̱ ho̱ntho 144,000 dä mbabu̱ mahëʼtsi ʼne di nʼtsu̱ʼtabihu̱ʼä Jesús (dä mi nu Apocalipsis 14:1-4). Nuʼu̱ hinma huanhni ge dä mbabu̱ mahëʼtsi di mʼbu̱kua Ha̱iʼu̱ (Salmo 37:29).
3. ¿Hanja manʼna po̱manho na ʼTsu̱ʼtabi Ojä ge dä geʼu̱ yu̱ ʼtsu̱ʼtabiʼu̱ yu̱ jäʼi?
ʼBu̱ʼu̱ ʼra yu̱ ʼtsu̱ʼtabi ge ne dä ʼyo̱ʼte xi nhoʼä na ʼbe̱fi geʼtho di huëktätho yu̱ jäʼi, pe̱ hingi sa̱ dä ʼyo̱ʼte ga̱ʼthoʼä mbënʼu̱, geʼtho hingi gü yu̱ je̱ya di mandaʼu̱. ʼNe̱ nuʼu̱ miʼra ge yu̱ mponihu̱ dä za̱tho hingi u̱rpä gue̱nda o hingi tü na mu̱i nangeʼu̱ yu̱ jäʼi. Pe̱ nuʼä Jesús njämʼbu̱ dä mba ma pa̱diʼä, geʼtho geʼä ra ʼTsu̱ʼtabi ge bi ʼyëxä Ojäʼä. Nuʼä ra ʼTsu̱ʼtabi Ojä njämʼbu̱ dä mba ma juadiʼä ʼne njämʼbu̱ dä mba ma ʼueke (Daniel 2:44). Nuʼä Jesús dä manda ga̱ʼtho ra noho ra Ha̱i ʼne hindä huandäʼu̱ yu̱ jäʼi ge dä huëki ʼne dä fa̱ʼtsi. Nuʼä Jesús ʼna ra ʼTsu̱ʼtabi ge emme hokjäʼiʼä ʼne nzäntho o̱ʼte nuʼä po̱manho. ʼNe ngübu̱ dä xa̱mbäʼu̱ yu̱ jäʼi ge dä ʼyo̱ʼte, ge dä huëʼku̱ yu̱ mikjäʼihu̱ ʼne di nʼyo̱rpä ra nho ʼna ngü ʼnaʼu̱ (dä mi nu Isaías 11:9).
GÄ PÄHMU̱ MANʼNA NANGEHNA
Gä pähmu̱ hanja nuʼä na ʼTsu̱ʼtabi Ojä manʼna di manda xi nhoʼä ge di geʼu̱ yu̱ ʼtsu̱ʼtabiʼu̱ yu̱ jäʼi.
4. Nuʼä ra ʼTsu̱ʼtabiʼä Ojä dä manda ga̱ʼtho ra noho ra ximha̱i
Ho̱nʼtä Jesús manʼna ja na mfädi ʼne na ʼtse̱di pa di manda ge dä geʼu̱ yu̱ ʼtsu̱ʼtabi xi mʼbu̱i. Dä mi nuui Mateo 28:18 ʼne manhmi nangehna:
-
¿Hanja nuʼä Jesús sa̱ di mandabu̱ mahëʼtsi ʼnekua Ha̱i?
Nuʼu̱ yu̱ ʼtsu̱ʼtabi ʼbu̱kua Ha̱i ho̱ntho sa̱ dä manda ʼra yu̱ hninitho, pe̱ nuʼbu̱ bi guaʼä tiempo ge bi ʼtsa̱mbäʼu̱, ja gepu̱ juadi nuʼä ra ʼbe̱fi ge o̱ʼtu̱. ¿Pe̱ ha ngübu̱ dä thoʼä na ʼTsu̱ʼtabi Ojä? Dä mi nuui Daniel 7:14 ʼne manhmi nangehna:
-
¿ʼBe̱ʼä ma njäpi gä hänhmu̱ ge njämʼbu̱ dä guaʼä na ʼTsu̱ʼtabi Ojä ?
-
¿ʼBe̱ʼä ma njäpi di nja nuʼbu̱ bi manda ga̱ʼtho ra noho ra Ha̱i nuʼä na ʼTsu̱ʼtabi Ojä?
5. Ja ge dä mba ma pa̱diʼu̱ yu̱ ʼtsu̱ʼtabi̱ yu̱ jäʼi
¿Hanja mahyoni ge nuʼä na ʼTsu̱ʼtabi Ojä dä ʼueʼku̱ yu̱ ʼtsu̱ʼtabiʼu̱ yu̱ jäʼi ʼne geʼä di mandaʼä? Dä mi nuui ä BIDEO ʼne manhmi nangehna:
-
¿ʼBe̱ʼä ma hëi o ʼbe̱ʼä ma nʼu̱mbi xi ʼyo̱rpä yu̱ jäʼiʼu̱ yu̱ ʼtsu̱ʼtabi?
Dä mi nuui Eclesiastés 8:9 ʼne manhmi nangehna:
-
¿Ha gi mbëni ge nuʼä na ʼTsu̱ʼtabi Ojä ja ge dä ʼueʼku̱ yu̱ ʼtsu̱ʼtabiʼu̱ yu̱ jäʼi ʼne gese̱ʼä di manda? ¿Hanja?
6. Nuʼu̱ di mandabu̱ ja na ʼTsu̱ʼtabi Ojä pädi nuʼä di thohmu̱
Nuʼä ma ʼTsu̱ʼtabihu̱ Jesús, bi mʼbu̱kua Ha̱i, nangeʼä pädi nuʼä ga̱ʼtho ʼbe̱ʼä di thohmu̱ (Hebreos 4:15). Nuʼä Jeoba xi huanhni 144,000 yu̱ nʼyohu̱ ʼne yu̱ xisu pa di mandahu̱ʼä Jesús. Nuya yu̱ jäʼi ʼrahmi ʼnanʼyobu̱ yu̱ hnini ge ni neʼtsi (Apocalipsis 5:9).
-
¿Ha hüʼtä ni mu̱i ge nuʼä Jesús ʼne nuʼu̱ di nʼtsu̱ʼtabihu̱ʼä pädi nuʼä ʼbe̱ʼä di thohmu̱? ¿Hanja?
Nuʼä Jeoba bi huanhni ʼra yu̱ nʼyohu̱ ʼne yu̱ xisu ge ho̱mbu̱ go hapu̱ mengü ʼne ho̱nʼtä go ʼbe̱ʼä ma je̱ya bi mʼbu̱i pa di mandahu̱ʼä Jesús.
7. Nuʼu̱ yu̱ nʼtëdiʼä ra ʼTsu̱ʼtabi Ojä manʼna po̱manho ge dä geʼu̱ yu̱ nʼtëdiʼu̱ yu̱ jäʼi
Nuʼu̱ yu̱ ʼtsu̱ʼtabi ʼbu̱kua Ha̱i sa̱nyu̱ nʼtëdi pa di jamansüʼu̱ yu̱ jäʼi. Nuʼä ra ʼTsu̱ʼtabi Ojä kextä ja yu̱ nʼtëdi, ʼne nuʼu̱ toʼo fa̱ʼtsi ja ge dä de̱nnu̱ yu̱ nʼtëdi. Dä mi nuui 1 Corintios 6:9-11 ʼne manhmi nangehna:
-
¿ʼBe̱pu̱ gi mbëni ge di nja ra nximha̱i nuʼbu̱ ga̱ʼtho yu̱ jäʼi bi ʼyëspäʼu̱ yu̱ nʼtëdiʼä na ʼTsu̱ʼtabi Ojä? a
-
¿Ha po̱manho ge nuʼä Jeoba a̱ʼpu̱ yu̱ jäʼi ge dä ʼyëspi ʼne dä de̱nnu̱ yu̱ nʼtëdi? ¿Hanja?
-
¿Ha gi mbëni ge nuʼu̱ yu̱ jäʼi ge hingi ëspäʼu̱ yu̱ nʼtëdiʼä Ojä dä za̱ di pa̱ʼu̱ yu̱ nʼto̱ʼte? (Dä mi nuuiʼä bersikulo 11).
Nuʼu̱ yu̱ ʼtsu̱ʼtabi ʼbu̱kua ja ha̱i, sa̱nnu̱ yu̱ nʼtëdi pa di jamansüʼu̱ yu̱ jäʼi. Pe̱ nuʼu̱ yu̱ nʼtëdiʼä na ʼTsu̱ʼtabiʼä Ojä, manʼna xi nhoʼu̱ geʼtho fa̱ʼtsi ʼne di jamansüʼu̱ yu̱ jäʼi ge te̱nni nuʼä na ʼTsu̱ʼtabi.
NUʼÄ ʼBE̱ʼÄ MANʼU̱ ʼRA YU̱ JÄʼI: “Nuʼä na ʼTsu̱ʼtabiʼä Ojä obu̱ ma mu̱ihu̱”.
-
¿ʼBe̱ʼä gi thädi geʼbu̱ ʼbu̱ʼä toʼo dä xiʼi ngübu̱?
NUʼÄ MANʼNA JAʼTSE̱DI
Nuʼä ra ʼTsu̱ʼtabi Ojä majuäni bi jabu̱ mahëʼtsi ʼne di mandaua Ha̱i.
Nuʼä dä pähmu̱
-
¿Toʼoʼu̱ dä mandabu̱ bi ja na ʼTsu̱ʼtabiʼä Ojä?
-
¿Hanja nuʼä ra ʼTsu̱ʼtabiʼä Ojä manʼna di manda xi nhoʼä ge dä geʼu̱ yu̱ ʼtsu̱ʼtabiʼu̱ yu̱ jäʼi?
-
¿ʼBe̱ʼä ne Jeoba ge dä ʼyo̱ʼtu̱ yu̱ jäʼi nuʼbu̱ bi mandaʼä na ʼTsu̱ʼtabi?
DÄ MI PÄDI MANʼNA
Dä mi pädi nuʼä bi manʼä Jesús nange desde hapu̱ dä mandaʼä ra ʼTsu̱ʼtabiʼä Ojä.
“Xiʼä na ʼTsu̱ʼtabiʼä Ojä, ¿ha obu̱ mbo ma mu̱ihu̱?” (Bä ʼyëpu̱ jw.org)
¿Hanja nuʼu̱ yu̱ testigoʼä Jeoba fa̱ʼtsi nuʼä na ʼTsu̱ʼtabiʼä Ojä ge dä geʼu̱ yu̱ ʼtsu̱ʼtabiʼu yu̱ jäʼi?
Dä mi pädi nuʼä mambu̱ ja Biblia nangeʼu̱ 144,000 yu̱ jäʼi ge bi huanhnä Jeoba pa di nʼtsuʼtabihu̱ʼä Jesús.
Dä mi pädi ʼbe̱ʼä bi ze̱ʼä ʼna xisu ge mi ofa̱di dä ga̱mfëni ge nuʼä Ojä dä juadi ga̱ʼthoʼu̱ yu̱ nʼtso ge jaua ja ximha̱i
“Dä pädi ʼbe̱pu̱ dä guadi ga̱ʼthoʼu̱ yu̱ nʼtso ge ja” (¡Despertad!, nobiembre ge 2011)
a Nubu̱ ja xe̱ki 3 gä pähmu̱ manʼna nangeʼu̱ yu̱ nʼtëdi ge di ünʼä Ojä.
