Tengü dä nuhu̱bu̱ nxa̱di 13, nuʼä Ojä hingä ga̱ʼtho numanhoʼu̱ yu̱ nʼtëʼkyëi ja. Pe̱ dä za̱ gä thännehu̱ʼä Ojä tengü numanhoʼä. ¿ʼBe̱pu̱ neʼä Ojä ge dä mba ma thännebi ʼne ndaʼä ra mpe̱ti numanhoʼä? (Santiago 1:27; nota). Gä nuhu̱ nuʼä mambu̱ ja Biblia.

1. ¿Hapu̱ xikju̱ʼä Ojä ʼbe̱pu̱ ne ge gä thännehu̱?

Nubu̱ Biblia mambu̱ ʼbe̱pu̱ ja gä thännehu̱ʼä Ojä. Nuʼä Jesús bi ʼyënä ge nuʼä na Nhman Ojä geʼä majuäniʼä (Juan 17:17). Xi ngü yu̱ nʼtëʼkyëi hingi te̱nni nuʼä mambu̱ ja Biblia, manʼna o̱ʼte nuʼä i numanhose̱, ʼne xa̱mbä yu̱ jäʼi nuʼä na nʼyomfënise̱ʼu̱. Nuʼä Jeoba hingi numanho ge hindä ʼtëspäʼu̱ yu̱ nʼtëdi (dä mi nu Marcos 7:9). Pe̱ nuʼbu̱ di te̱nhnu̱ʼu̱ yu̱ nʼtëdiʼä Ojä di o̱thu̱ ge emme di njohya.

2. ¿ʼBe̱pu̱ ʼneʼä Jeoba ge gä thännehu̱?

Nuʼä Jeoba, geʼä bi hogähu̱ʼä, janangeʼä ho̱nse̱ʼä ja gä thännehu̱ʼä (Apocalipsis 4:11). Nuʼä Jeoba hingi numanho gä thännehu̱ yu̱ santo, yu̱ ʼto̱ho̱, yu̱ dehe, ra hyadi o ho̱nʼtä go ʼbe̱ʼä manʼna ge thänneʼu̱ yu̱ jäʼi (dä mi nu Isaías 42:8).

Nuʼbu̱ di thännehu̱ʼä Ojä ja xtä nho nuʼä di o̱thu̱, xtä ndu̱xki pa dä numanhoʼä (Romanos 12:1). Nuna, ne dä ma ge ja gä te̱nhnu̱ ga̱ʼthoʼu̱ yu̱ nʼtëdiʼä. Tengüʼu̱ xi nthäti ge mädi o neʼä Jeoba, te̱nnu̱ yu̱ nʼtëdi ʼne yu̱ nʼtsofo ge di manda Jeoba pa nangeʼu̱ xi nthäti. Kextä, nuʼu̱ ge majuäni neʼä Jeoba hingi ïtï, hingi su̱ʼtä ʼyu̱i, mariguana o ʼbe̱ʼä manʼna ge di ʼtsombä na jäʼi ʼne di ʼtsombä na ña. a

3. ¿Hanja ʼrarbu̱ ja gä thännehu̱ʼä Jeoba ko nuʼu̱ miʼra yu̱ jäʼi ge i te̱nni nuʼu̱ yu̱ nʼtëdi?

Nuʼu̱ yu̱ mpe̱ti ja ga̱ʼtho yu̱ semana “di ze̱kju̱ o di jakju̱ gä thännehu̱ʼä Jeoba nubu̱ ʼbu̱ʼu̱ ma kühu̱” (Salmo 111:1, 2). Di thännehu̱ʼä Ojä nuʼbu̱ di tühmu̱bu̱ ja yu̱ mpe̱ti (dä mi nu Salmo 104:33). Nuʼä Jeoba ne ge gä mpe̱tihu̱ geʼtho di huëgähu̱ ne i pädi ge nuʼu̱ yu̱ mpe̱ti di ze̱kju̱ gä njohyahu̱ ʼne gä mʼbu̱hmu̱ pa mazäi. Nuʼbu̱ di pa̱ha̱bu̱ ja yu̱ mpe̱ti di nhyürpä ma mu̱ihu̱.

 GÄ PÄHMU̱ MANʼNA NANGEHNA

4. Hingi ho gä honhmu̱ yu̱ santo pa gä thännehu̱ʼä Ojä

5. Nuʼbu̱ ho̱nse̱ʼä Jeoba gä thännehu̱, te ʼbe̱ʼä manʼna gä ëʼkyëihu̱ ge himbä ʼyëpu̱ ja Biblia

 6. Nuʼbu̱ di pa̱ha̱ yu̱ mpe̱ti di thännehu̱ʼä Jeoba

Nuʼbu̱ di tühmu̱ o di thähmu̱ yu̱ nʼta̱nni ʼto̱rbu̱ ja yu̱ mpe̱tiʼu̱ yu̱ testigo di thännehu̱ʼä Jeoba, ʼne kextä di nhyürpä ma mu̱ihu̱ ʼna ngü ʼnaju̱. Dä mi nuui Salmo 22:22 ʼne manhmi nangehna:

• Xiʼbu̱ gi pabu̱ ja yu̱ mpe̱ti ¿ha hüʼtä ni mu̱i nuʼä gi o̱pu̱?

• ¿Ha gi ne gi nxa̱di pa gi ünʼä ʼna komentario nubu̱ ja mpe̱ti?

7. Nuʼä Jeoba emme di johya nuʼbu̱ di xihmu̱ʼu̱ miʼra nuʼä di pähmu̱bu̱ ja Biblia

Xi ngü ʼbe̱pu̱ dä za̱ gä xihmu̱ʼu̱ miʼra nuʼä xtä pähmu̱bu̱ ja Biblia. Dä mi nuui Salmo 9:1 ʼne 34:1, ʼne manhmi nangehna:

• Nangeʼä ga̱ʼtho xkä päpu̱ ja Biblia, ¿ʼbe̱ʼä gi ne gi xiʼu̱ miʼra?

NUʼÄ MANʼNA JAʼTSE̱DI

Nuʼä Jeoba emme di johya nuʼbu̱ ho̱nse̱ʼä di thännehu̱. Di thännehu̱ nuʼbu̱ di pa̱ha̱bu̱ ja yu̱ mpe̱ti ʼne nuʼbu̱ di xihmu̱ʼu̱ miʼra nuʼä xtä pähmu̱bu̱ ja Biblia.

Nuʼä dä pähmu̱

• ¿Hapu̱ ürkähu̱ʼä Ojä ʼbe̱pu̱ ne ge gä thännehu̱ʼä?

• ¿Hanja ho̱nse̱ʼä Jeoba ja gä thännehu̱?

• ¿Hanja ʼrarbu̱ ja gä thännehu̱ʼä Jeoba nuʼu̱ miʼra ge te̱nnu̱ yu̱ nʼtëdi?