Ko nangeʼä na ʼTsu̱ʼtabi, nuʼä Jeoba ya mi ʼtsu̱tho di ʼueke o di juadi nuʼu̱ yu̱ nʼu̱mbi ge di jaʼu̱ yu̱ jäʼi. ¡Emme mahothomähä ge ga̱ʼtho yu̱ jäʼi dä bädi nuʼä dä ʼyo̱ʼtä Ojä! Geʼä mi neʼä Jesús ge dä ʼyo̱ʼtu̱ yu̱ disipulo, ge dä xifi ga̱ʼtho yu̱ jäʼi nuʼä dä ʼyo̱ʼtä na ʼTsu̱ʼtabi Ojä (Mateo 28:19, 20). ¿ʼBe̱ʼä xi ʼyo̱ʼtu̱ yu̱ testigoʼä Jeoba pa dä ʼyo̱ʼte nuʼä bi mandaʼä Jesús?

1. ¿ʼBe̱pu̱ xi nja nuʼä mambu̱ Mateo 24:14?

Nuʼä Jesús bi ʼyëna ge ga̱ʼtho ra noho ra ximha̱i, dä hma nuʼä ra hogä notisia o nuʼä ra hogä nhma nangeʼä na ʼTsu̱ʼtabi Ojä (Mateo 24:14). Nuje ge di testigo ä Jeoba, emme di johyahe ge di nʼyombähe na Nhmanʼä Ojä, geʼtho geʼä bi mandaʼä Jesús ge dä ʼto̱ʼte. Di predikahe nuʼä ra Nhman Ojä ga̱ʼtho ra noho ra Ha̱i, ʼne pongä 1,000 yu̱ ne o yu̱ idioma ge di xihmeʼu̱ yu̱ jäʼi nangeʼä ra ʼTsu̱ʼtabi Ojä. Emme xi ngü ra ʼbe̱fi mahyoni pa dä ʼto̱ʼte nuʼä bi mandaʼä Jesús. Nuʼbu̱ hindä gëʼä Jeoba ge di ze̱kje, njämʼbu̱ dä za̱ gä o̱the nuna ra ʼbe̱fi.

2. ¿ʼBe̱ʼä di o̱the pa dä za̱ gä nzohme ga̱ʼtho yu̱ jäʼi?

Di predikahe ho̱mbu̱ go hapu̱ ʼbu̱hyu̱ jäʼi. Tengü mi o̱ʼtu̱ yu̱ mu̱di ʼyëʼkyëi, di häʼtahe yu̱ ngü (Hechos 5:42). Pa dä za̱ gä o̱the xi nho nuʼä na ʼbe̱fiʼä Ojä di pa̱hmebu̱ yu̱ ngü yu̱ jäʼi pa gä xihme na Nhman Ojä. Jaʼbu̱ hindi tinhmebu̱ na ngüʼu̱ yu̱ jäʼi, nangeʼä di ʼyombähe na Nhmanʼä Ojä nubu̱ ja yu̱ ta̱i, ʼne nubu̱ ja yu̱ kaye. Nzäntho di honhmeʼu̱ zu̱ jäʼi ho̱mbu̱ go hapu̱ gä tinhme pa gä xihme nangeʼä Jeoba ʼne nangeʼä sa̱nni dä ʼyo̱ʼte.

3. ¿Toʼoʼu̱ ʼyo ra gue̱nda ge dä ʼyombä na Nhman Ojä?

Ga̱ʼthoʼu̱ yu̱ ʼyëʼkyëi majuäni ja dä ʼyombä na Nhman Ojä. Pa nangeka̱he emme jaʼtse̱di gä o̱the nuʼä bi mandaʼä Jesús ge gä ʼyombähe na Nhman Ojä. Emme di o̱the ʼtse̱di ge gä ʼyombähe na Nhman Ojä pa ge xi ngü yu̱ jäʼi dä ñannä na te (dä mi nu 1 Timoteo 4:16). Njoʼo toʼo jürkähe nangeʼä ra ʼbe̱fi Ojä di o̱the, tengü mambu̱ ja Biblia hingi ja gä a̱hme ma nza̱bihe geʼtho te dä jüthe nuʼbu̱ mi sikje na Nhman Ojä (Mateo 10:7, 8). Madägeʼä hingä ga̱ʼtho yu̱ jäʼi dä ʼyo̱de nuʼä di xihme, pe̱ di thoki di ʼyombähe na Nhman Ojä geʼtho ko nangeʼä ra ʼbe̱fi di o̱the di thänneheʼä Jeoba ʼne di o̱the ge di njohya.

 GÄ PÄHMU̱ MANʼNA NANGEHNA

4. Di o̱the ʼtse̱di ge gä nzohme ga̱ʼtho yu̱ jäʼi

6. Nuʼbu̱ di predikahe di o̱the nuʼä di mandaʼä Ojä

Nuʼu̱ yu̱ nsu̱ihu̱ʼu̱ yu̱ mu̱di ʼyëʼkyëi hinmi nepe dä ʼyombä na Nhman Ojäʼu̱. Nuʼu̱ yu̱ mu̱di ʼyëʼkyëi bi ñani nuʼä na nʼtëdi mi jaʼu̱ pa dä ʼyombä na Nhman Ojä, ʼne te ʼbe̱ʼä bi japi ge dä hye̱kpäʼu̱ ge dä ʼyo̱rpä ra ʼbe̱fi Ojä (Filipenses 1:7). Nuʼu̱ yu̱ pa jabu̱, nuʼu̱ yu̱ testigo ä Jeoba kextä di ñanʼä ra nʼtëdi ge jaʼu̱ pa dä nʼyombä na Nhman Ojä. a

NUʼÄ MANʼNA JAʼTSE̱DI

Nuʼä Jesús bi mandabiʼu̱ yu̱ me̱fi ge dä ʼyombä na Nhman Ojä ga̱ʼtho na noho ra nximha̱i. Nuʼä Jeoba fa̱xä na hnini pa ge dä ʼyombä na nhma.

Nuʼä dä pähmu̱

• ¿ʼBe̱ʼä pa nʼto̱ʼte pa ge dä mbä ma ʼyombä na Nhman Ojä ga̱ʼtho ra noho ra nximha̱i?

• ¿Xiʼä ra ʼbe̱fi di o̱the ʼbe̱pu̱ üdi ge majuäni di huëkje ma mikjäʼihe?

• ¿Ha gi mbëni ge manʼna gä njohyahu̱ nuʼbu̱ gä ʼyombähu̱ na Nhman Ojä? ¿Hanja?