Nuʼä Jeoba ne ge gä pähmu̱ʼä na familia ge bi ʼbu̱h mahëʼtsi. Nuʼä na familia ge bi ʼbu̱pu̱ mahëʼtsi geʼu̱ yu̱ anxe̱, kextä ʼtëmbi ge na ʼtsu̱nʼtu̱ Ojäʼu̱ (Job 38:7). ¿ʼBe̱ʼä ürkähu̱ Biblia nangeʼu̱ yu̱ anxe̱? ¿ʼBe̱ʼä o̱ʼtu̱ yu̱ anxe̱? ¿Ha ga̱ʼtho yu̱ anxe̱ na familia Ojäʼu̱?

1. ¿Toʼoʼu̱ yu̱ anxe̱?

Nuʼä Jeoba mu̱di bi hokju̱ yu̱ anxe ante ge dä hoʼkä ra Ha̱i. Hingi sa̱ gä nuhu̱ʼu̱ yu̱ anxe̱, nuʼu̱ bi ʼbu̱pu̱ mahëʼtsi (Hebreos 1:14). Yu̱ miyonetho yu̱ anxe̱ ʼbu̱i ʼne di hye̱ʼtsi ʼna ngü ʼnaʼu̱ (Apocalipsis 5:11). Nuʼu̱ yu̱ anxe̱ o̱ʼte nuʼä di mandaʼä Jeoba (Salmo 103:20). Nuʼbu̱ mayaʼbu̱, nuʼä Jeoba bi me̱nhni yu̱ anxe̱ pa dä hyäxu̱ yu̱ mensaje ʼne pa dä ze̱di ʼne dä ñanʼä na hniniʼä Jeoba. Nuʼu̱ yu̱ pa di ʼbu̱hmu̱ ya, nuʼu̱ yu̱ anxe̱ kextä di ze̱ʼu̱ yu̱ ʼyëʼkyëi pa dä za̱ dä dinʼu̱ yu̱ jäʼi ge ne dä bädi manʼna nangeʼä Ojä.

2. ¿Toʼoʼä Zithü ʼne toʼoʼu̱ yu̱ ʼtso anxe̱?

ʼBu̱ʼu̱ ʼra yu̱ anxe̱ ge bi hye̱gi ge bi ’yo̱ʼte na pa̱ha̱ʼä Jeoba. Nuʼä na mu̱di ge bi zoʼä Ojä ʼne ya himbi thoki bi ʼyo̱rpä na pa̱ha̱, geʼä ʼna ra ʼtso anxe̱ ge na thü Zithü o Diablo, nuʼä, ha̱ʼti ga̱ʼtho yu̱ jäʼi ge ʼbu̱kua Ha̱i (Apocalipsis 12:9). Nuʼä Zithü mi ne ge di nja ra nʼtëdi o di manda tengüʼä Jeoba, nangeʼä bi hya̱ʼtä Adán ʼne Eva pa ge nuʼu̱ dä de̱nni. ʼNe kextä bi hya̱ʼtu̱ ʼra yu̱ anxe̱. Nuʼu̱ yu̱ anxe̱ ge bi de̱nʼä Zithü, o bi fa̱xä Zithü, ʼtëmbi yu ʼtso anxe̱ʼu̱. Nuʼä Jeoba bä e̱ngua ha̱iʼu̱ yu̱ ʼtso anxe̱, pe̱ mi ’tsu̱tho nuʼä Ojä dä juaʼu̱. (dä mi nu Apocalipsis 12:9, 12).

3. ¿ʼBe̱pu̱ ne dä hya̱kju̱ʼä Zithü ʼne nuʼu̱ yu̱ ʼtso anxe̱?

Nuʼä Zithü ʼne nuʼu̱ yu̱ ʼtso anxe̱ o̱ʼte ge xi ngü yu̱ jäʼi dä ʼyëʼkyëiʼu̱ yu̱ bädi ʼne gese̱ʼu̱ yu̱ ʼtso anxe̱ o̱rpä yu̱ nʼtsoʼu̱ yu̱ jäʼi. Tengü, ʼbu̱ʼu̱ ʼra yu̱ jaʼi di ho dä ma o dä ʼyo̱de yu̱ oroskopo, o a̱nnu̱ yu̱ jäʼi ge honyu̱ so̱ pa dä bädi nuʼä da thogi, honʼu̱ yu̱ bädi, o honi ʼbe̱pu̱ di ñahu̱ʼu̱ xi ndü. ʼNe ʼbu̱hyu̱ jäʼi ge o̱tyu̱ mfu̱ki o nuʼbu̱ xi nʼu̱ pabu̱ ʼbu̱ʼu̱ yu̱ bädi pa di nʼyo̱the. ʼBu̱ʼu̱ yu̱ jäʼi ge honi ʼbe̱pu̱ di ñahu̱ʼu̱ xi ndü. Pe̱ nuʼä Jeoba ënju̱: “Hingi mba ba honhmu̱ nuʼu̱ ñahu̱ʼu̱ xi ndü ʼne hingi hyonhmu̱ʼu̱ yu̱ bädi” (Levítico 19:31). Nuʼä Jeoba ne ge di jamansüju̱ nangeʼä Zithü ʼne nuʼu̱ yu̱ ʼtso anxe̱ geʼtho na nsu̱ihu̱ʼu̱, ʼne nuʼu̱ yu̱ ʼtso anxe̱ ʼne dä ʼyo̱rkähu̱ yu̱ nʼtso.

 GÄ PÄHMU̱ MANʼNA NANGEHNA

6. Gi njamansü o gi mfa̱di nangeʼä Zithü ʼne nangeʼu̱ yu̱ ʼtso anxe̱

Nuʼä Zithü geʼä na hmüʼu̱ yu̱ ʼtso anxe̱. Pe̱ nuʼu̱ yu̱ anxe̱ʼä Ojä, te̱nnä ra arkanjel Miguel, ge geʼtä Jesús. ¿Hangü na ʼtse̱di jaʼä Miguel? Dä mi nuui Apocalipsis 12:7-9 ʼne manhmi nangehna:

• ¿Toʼoʼu̱ manʼna ja ra ʼtse̱di, ha geʼä Miguel ʼne nuʼu̱ yu̱ anxe̱ o nuʼä Zithü ʼne nuʼu̱ yu̱ ʼtso anxe̱?

• Xiʼu̱ yu̱ ʼyëʼkyëi, ¿ha ja dä züʼä Zithü ʼne nuʼu̱ yu̱ ʼtso anxe̱?

Nuʼi dä za̱ gi njamansü o gi mfa̱di nangeʼä Zithü ʼne nuʼu̱ yu̱ ʼtso anxe̱. Dä mi nuui Santiago 4:7 ʼne manhmi nangehna:

• ¿ʼBe̱pu̱ dä za̱ gi njamansü o gi mfa̱di nangeʼä Zithü ʼne nuʼu̱ yu̱ ʼtso anxe̱?

NUʼÄ MANʼNA JAʼTSE̱DI

Nuʼu̱ yu̱ anxe̱ Jeoba di ze̱kju̱ʼu̱. Nuʼä Zithü ʼne nuʼu̱ yu̱ ʼtso anxe̱ na nsu̱ihu̱ Jeobaʼu̱, ʼne nuʼu̱ honʼu̱ yu̱ bädi ʼne ho̱nʼtä go ʼbe̱ʼä o̱ʼte pa dä ha̱tyu̱ jäʼi.

Nuʼä dä pähmu̱

• ¿ʼBe̱ʼä o̱ʼtu̱ yu̱ anxe̱ pa dä ze̱ʼu̱ yu̱ jäʼi dä bäʼä Jeoba?

• ¿Toʼoʼä Zithü ʼne toʼoʼu̱ yu̱ ʼtso anxe̱?

• ¿Hanja hingi ho ge gi ne gi hyonʼu̱ yu̱ bädi ʼne ga̱ʼtho ʼbe̱ʼä manʼna o̱ʼtu̱ yu̱ ʼtso anxe̱?