NXA̱DI 25
¿Hanja bä sa̱ngähu̱ʼä Ojä?
Nuʼä Biblia ëna ge nuʼu̱ yu̱ jäʼi hingi gü yu̱ je̱ya ʼbu̱i ʼne emme thohyu̱ hëi (Job 14:1). Pe̱ ¿ha ngübu̱ bä sa̱nnä Ojä ge gä mʼbu̱hmu̱? Geʼbu̱ ya hingä geʼä mi neʼä, ¿hanja bä sa̱ngähu̱? ¿Ha dä zo̱nʼä ra pa ge di njaʼä mi neʼä Ojä? Dä mi pädi ʼbe̱pu̱ hürkähu̱ ma mu̱ihu̱ʼä Biblia.
1. ¿ʼBe̱pu̱ ne Ojä ge gä mʼbu̱hmu̱?
Nuʼä Jeoba ne ge gä mʼbu̱hmu̱ xi nho. Nuʼbu̱ Jeoba mi za̱nʼä Adán ʼne Eva bi ünna ʼna ha̱i emme mahotho pa hapu̱ di mʼbu̱i, na thü Edén. “Nuʼä Ojä bi jäʼpu̱ ʼne bi ʼyëmʼpu̱: ʼDä mi tinhmu̱ ni ʼtu̱hnihu̱, dä mi nxändui ʼne yüʼtsui ra ha̱i, ʼne dä mi fa̱hmiʼä ra ha̱iʼ” (Génesis 1:28). Nuʼä Jeoba mi ne ge nuʼu̱ Adán ʼne Eva dä dinyu̱ ʼtu̱hni ʼne mi ne ge ga̱ʼtho ra ha̱i dä gohi ʼna nhuädo̱ni, ʼne ge dä jamansü yu̱ züʼuë ʼne yu̱ zate. Nuʼä Jeoba mi ne ge nuʼu̱ yu̱ jäʼi di mʼbu̱manho ʼne te ʼbe̱ʼä ma nʼu̱ dä hye̱mbi ʼne di mʼbu̱i pa nzäntho
Madägeʼä himbi njaʼä nuʼä mi ne Jeoba nuʼbu̱ ra mu̱di, a pe̱ genhma dä ʼyo̱ʼte nuʼä bi za̱nni (Isaías 46:10, 11). Nuʼä Jeoba ne ge nuʼu̱ yu̱ jäʼi di mʼbu̱manho ʼne di mʼbu̱i pa nzäntho (dä mi nu Apocalipsis 21:3, 4).
2. ¿ʼBe̱pu̱ dä za̱ gä mʼbu̱mahohu̱ desde nuʼu̱ yu̱ pa jabu̱?
Nuʼä Jeoba bi hogähu̱ pa gä ne gä te̱nhnu̱ʼä, ge gä ne gä pähmu̱ nangeʼä ʼne gä thännehu̱ (dä mi nu Mateo 5:3-6). Nuʼä Ojä ne ge gä nsixmanhohu̱ʼä ge gä o̱thu̱ ma amigohu̱ʼä, nuʼä ne ge nzäntho gä ʼte̱nhnu̱ʼu̱ yu̱ nʼtëdi ʼne nuʼu̱ yu̱ nʼtsofo, gä o̱thu̱ na pa̱ha̱ ʼne gä thännehu̱ ko ga̱ʼtho ma mu̱ihu̱ (Deuteronomio 10:12; Salmo 25:14). Nuʼbu̱ gä o̱thu̱ ngübu̱ dä za̱ gä njohyahu̱ madägeʼä di thohmu̱ yu̱ hëi. Nuʼbu̱ gä o̱thu̱ na pa̱ha̱ʼä Jeoba ʼne gä thännehu̱, dä za̱ majuäni gä njohyahu̱.
GÄ PÄHMU̱ MANʼNA NANGEHNA
Gä pähmu̱ ge emme di huëgähu̱ Ojä nange ʼbe̱pu̱ bi hyoki nuna ra ha̱i, ʼne gä pähmu̱ nuʼä mambu̱ ja Biblia ge hanja bä sa̱ngähu̱.
3. Nuʼä Jeoba ne ge gä mʼbu̱manhohu̱ ʼne gä njohyahu̱
Dä mi nuui ä BIDEO ʼne manhmi nangehna:
-
¿Hanja emme mahotho ge ʼbe̱pu̱ bä sa̱nnä Ojä nuna ra ha̱i?
Dä mi nuui Eclesiastés 3:11 ʼne manhmi nangehna:
-
¿Hanja ngübu̱ xikju̱ Jeoba?
4. Hinxi pa̱di nuʼä mi ne Jeoba ge dä ʼyo̱ʼte
Dä mi nuui Salmo 37:11, 29 ʼne Isaías 55:11, ʼne manhmi nangehna:
-
¿Hanja di pähmu̱ ge hinxi pa̱di nuʼä mi mbënʼä Jeoba dä ʼyo̱ʼte pa nangekju̱?
ʼNa ra ngü emme xi nʼtsoni dä za̱ dä mba ma hoki maho̱nʼä. Njarbu̱tho ra ha̱i, madägeʼä nuʼu̱ yu̱ jäʼi emme xi ʼtsonna ha̱i, nuʼä Ojä dä hoki pa dä za̱ di mʼbu̱kuaʼu̱ yu̱ jäʼi ge majuäni o̱ʼte nuʼä na pa̱ha̱.
5. Majuäni gä njohyahu̱ nuʼbu̱ gä thännehu̱ʼä Jeoba
Nuʼbu̱ di pähmu̱ hanja bä sa̱ngähu̱ Ojä, majuäni di johyahu̱. Dä mi nuui ä BIDEO ʼne manhmi nangehna:
-
¿ʼBe̱pu̱ bi ze̱ʼä Terumi nuʼbu̱ mi bädi ge hanja bä sa̱ngähu̱ Ojä?
Dä mi nuui 1 Juan 5:3 ʼne manhmi nangehna:
-
Nangeʼä ga̱ʼtho ʼbe̱ʼä xi ʼyo̱ʼte Jeoba pa nangekju̱, ¿ʼbe̱ʼä dä za̱ gä o̱thu̱ pa gä ünhnu̱ jamädi?
NUʼÄ ʼBE̱ʼÄ MANʼU̱ ʼRA YU̱ JÄʼI: “¿ʼBe̱ʼä ja gä o̱ʼte pa gä mʼbu̱manho ʼne gä njohya?”.
-
Xiʼe ¿ʼbe̱ʼä gi mbëni?
NUʼÄ MANʼNA JAʼTSE̱DI
Nuʼä Jeoba ne ge gä mʼbu̱manhohu̱ ʼne gä mʼbu̱hmu̱ pa nzäntho nuua ja ra ha̱i. Nuʼbu̱ gä thännehu̱ʼä Jeoba ko ga̱ʼtho ma mu̱ihu̱ desde nuʼu̱ yu̱ pa jabu̱, dä za̱ majuäni gä njohyahu̱.
Nuʼä dä pähmu̱
-
¿Hanja nuʼä Jeoba bä sa̱nnu̱ Adán ʼne Eva?
-
¿Hanja di pähmu̱ ge hinxi pa̱di nuʼä ya xi za̱nnä Jeoba dä ʼyo̱ʼte pa nangekju̱?
-
¿ʼBe̱ʼä dä ʼyo̱ʼte ge majuäni gi njohya?
DÄ MI PÄDI MANʼNA
Dä mi pädi hanja dä za̱ gä ka̱mfënihu̱ ge majuäni mi jaʼä nhuädo̱ni Edén.
“¿Ha ʼna kuentothoʼä nhuädo̱ni Edén?” (La Atalaya, 1 enero ge 2011)
Dä mi pädi hanja dä za̱ gä ka̱mfënihu̱ ge nuna ra ha̱i njämʼbu̱ di mʼbe̱di.
“¿Ha dä zo̱nʼä ʼna ra pa ge di mʼbe̱di o di nxe̱nna ra ha̱i?” (Bä ʼyëpu̱ jw.org)
Dä mi pädi nuʼä mambu̱ ja Biblia ge hanja di ʼbu̱hmu̱ o bä sa̱ngähu̱ Ojä.
Dä mi pädi nange ʼna ra nʼyohu̱ ge mi o̱ʼte ga̱ʼtho nuʼä mi ne, pe̱ hinmajuäni mi johya.
a Nubu̱ manʼna ra nxa̱di gä pähmu̱ hanja himbi nja nuʼä mi ʼneʼä Ojä.
