Nuʼä na ʼTsu̱ʼtabi Ojä bi mu̱di bi mandabu̱ mahëʼtsi nuʼä ra je̱ya 1914. Geʼtä ra je̱yaʼä bi mu̱ʼu̱ yu̱ nze̱gi yu̱ pa ge di mandaʼu̱ yu̱ ʼtsu̱ʼtabi ʼbu̱kua Ha̱i. ¿Hanja di manhmu̱ ngübu̱? Gä nuhu̱ nuʼä mambu̱ ja Biblia ge dä thogi, ʼne nuʼä o̱tyu̱ jäʼi ga̱ʼtho ra noho ra nximha̱i desde nuʼä ra je̱ya 1914.

1. ¿ʼBe̱ʼä xi manʼä Biblia ge dä thogi?

Nuʼä libro bi ʼyoʼtä Daniel mi mambu̱ ge nuʼä ra ʼTsu̱ʼtabiʼä Ojä dä mu̱di di manda nuʼbu̱ bi guaʼu̱ yu̱ pa ge ʼtëmbi “yoto yu̱ tiempo” (Daniel 4:16, 17). Mʼbe̱fa nuʼä Jesús bi ma nangehya yu̱ tiempo nuʼbu̱ mi ʼyënä ge geʼu̱ yu̱ tiempo ge bi ʼtsa̱mbäʼu̱ yu̱ hnini, ʼne bi ma ge tobe hinmi juaʼu̱ yu̱ tiempoʼu̱ (Lucas 21:24). Gä nuhu̱ ge nuʼu̱ yoto yu̱ tiempo bi guadi nuʼä je̱ya 1914.

2. Desde nuʼä je̱ya 1914 ¿ʼbe̱pu̱ xi mpa̱di nuna ra nximha̱i ʼne nuʼu̱ yu̱ nʼto̱ʼteʼu̱ yu̱ jäʼi?

Nuʼu̱ yu̱ disipulo bi ʼya̱nnä Jesús: “ʼBe̱ʼä ni hmepia [o ma nʼtüti] di njaʼbu̱ gua pengi maho̱nʼä ʼne ʼbu̱ ra nze̱gi ra pa” (Mateo 24:3). Nuʼä Jesús bi ma ge nuʼbu̱ bi mu̱di bi mandaʼä ra ʼTsu̱ʼtabi Ojä xi ngü ʼbe̱ʼä dä thogi. Tengü ge emme di nja yu̱ däsu̱i, ra thühü ʼne yu̱ nhuänha̱i (dä mi nu Mateo 24:7). Nuʼä Biblia kextä bi ma ʼbe̱pu̱ di ngü ra nʼto̱ʼteʼu̱ yu̱ jäʼi nuʼbu̱ na nze̱gi yu̱ pa ʼne nuʼä na nʼto̱ʼteʼu̱ geʼä dä ʼyo̱ʼte ge emme xtä nhëi yu̱ pa (2 Timoteo 3:1-5). Desde nuʼä ra je̱ya 1914, manʼna emme xi nʼtso na ʼto̱ʼteʼu̱ yu̱ jäʼi ʼne manʼna emme xi nhëi yu̱ pa di ʼbu̱hmu̱.

3. ¿Hanja manʼna xi nʼtsoua ra ximha̱i desde nuʼbu̱ mi mu̱di bi mandaʼä na ʼTsu̱ʼtabi Ojä?

Nuʼbu̱ hinnä yaʼä bi mu̱di bi mandaʼä Jesús nubu̱ mahëʼtsi bi nja ʼna ra däsu̱ibu̱, nuʼä Jesús bi nsu̱hmu̱ʼä Zithü ʼne nuʼu̱ yu̱ ʼtso anxe̱. Nuʼä Zithü bi ʼbe̱ʼä ra nsu̱i, ʼne nuʼä Biblia ma ge bä ʼte̱ngua Ha̱i ko nuʼu̱ yu̱ ʼtso anxe̱ (Apocalipsis 12:9, 12). Nuʼä Zithü emme kue̱ geʼtho pädi ge ya hinmi gü yu̱ pa di mʼbu̱i. Janangeʼä, emme o̱tyu̱ nʼtso ʼne emme di u̱mbä yu̱ jäʼi. ¡Njabu̱ emme xi yükua yu̱ nʼtso ʼne yu̱ nʼu̱mbi ua ximha̱i! Pe̱ nuʼä na ʼTsu̱ʼtabi Ojä ya mi ʼtsu̱tho dä juadi ga̱ʼthoʼu̱ yu̱ nʼtso.

 GÄ PÄHMU̱ MANʼNA NANGEHNA

4. Nuʼu̱ yu̱ profesia bä ʼyëpu̱ ja Biblia bi nja nuʼä ra je̱ya 1914

Na mu̱di ge bi njaʼä profesia:

• D) ¿Toʼoʼä ra za mambu̱ ja profesia? (Dä mi nuui ä bersikulo 22).

• E) ¿Hanja himbi thoki bi nʼtsu̱ʼtabiʼä Nabucodonosor? (Dä mi nuui Daniel 4:29-33).

• F) ¿ʼBe̱ʼä bi jaʼä Nabucodonosor nuʼbu̱ mi thoʼu̱ “yoto yu̱ tiempo”? (Dä mi nuui Daniel 4:34-36).

Na yondi ge bi njaʼä profesia:

• G) ¿Toʼoʼu̱ nja tengüʼä ra za? (Dä mi nuui 1 Crónicas 29:23).

• H) ¿Hanja himbi thoki bi nʼtsu̱ʼtabiʼu̱? ¿Hanja di pähmu̱ ge nuʼu̱, ya hinmi ʼtsu̱ʼtabiʼu̱ nuʼbu̱ mi mʼbu̱kua Ha̱iʼä Jesús? (Dä mi nuui Lucas 21:24).

• I)  ¿Njämʼbu̱ bi manda maho̱nʼä nuna ra ʼtsu̱ʼtabi ʼne hapu̱?

 6. Dä mi ʼyüdi ge gi ëʼkyëi ge ya di mandaʼä na ʼTsu̱ʼtabi Ojä

Dä mi nuui Mateo 24:3, 14 ʼne manhmi nangehna:

• ¿ʼBe̱ʼä ma ʼbe̱fi pa nʼto̱ʼte ge üdi ge ya di manda ra ʼTsu̱ʼtabi Ojä?

• ¿ʼBe̱ʼä dä za̱ gi ʼyo̱ʼte pa gi fa̱ʼtsi nuna ra ʼbe̱fi?

Ya di manda na ʼTsu̱ʼtabi Ojä bu̱ mahëʼtsi, ʼne ya mi ʼtsu̱tho dä manda ga̱ʼtho ra noho ra nximha̱i. Dä mi nuui Hebreos 10:24, 25 ʼne manhmi nangehna:

• ¿ʼBe̱ʼä ja gä o̱thu̱ya ge di pähmu̱ ge di ʼbu̱hmu̱ na nze̱gi yu̱ pa?

NUʼÄ MANʼNA JAʼTSE̱DI

Nuʼä mambu̱ ja Biblia ʼne nuʼä di nuhu̱ua ja nximha̱i ürkähu̱ ge ya di manda na ʼTsu̱ʼtabi Ojä. Nuʼbu̱ di predikahu̱ nangeʼä na ʼTsu̱ʼtabi Ojä ʼne di pa̱ha̱bu̱ ja yu̱ mpe̱ti di ühmu̱ ge di ëʼkyëihu̱ ge ya di mandaʼä na ʼTsu̱ʼtabi Ojä.

Nuʼä dä pähmu̱

• ¿ʼBe̱ʼä bi nja nuʼbu̱ mi guaʼu̱ yoto yu̱ tiempo ge mambu̱ na libroʼä Daniel?

• ¿Hanja gi ëʼkyëi ge nuʼä na ʼTsu̱ʼtabiʼä Ojä bi mu̱di bi manda nuʼä ra je̱ya 1914?

• ¿ʼBe̱pu̱ dä za̱ gi ʼyüdi ge gi fa̱xä na ʼTsu̱ʼtabi Ojä?