ʼBe̱pu̱ dä za̱ gä nuhu̱ manʼna yu̱ nho nangeʼu̱ ʼna ngü ʼna yu̱ nxa̱di
Dä mi nxa̱di nuna su̱kuä ko na mfa̱ʼtsi ʼna xa̱mbäte ge Biblia. Dä za̱ gi ʼya̱pi ʼna nxa̱di ge Biblia nuʼä jäʼi bi ʼraʼä na su̱kuä o dä za̱ gi ʼya̱ʼä ʼna nxa̱di ge Biblia nubu̱ jw.org.
MU̱DI XE̱KI
Dä mi ma ga̱ʼtho yu̱ parrafo. Nuʼu̱ yu̱ nʼta̱nni ge di hye̱ʼtsi na ku̱hu̱ (A) ʼne nuʼu̱ yu̱ texto ge Biblia manʼna xi mpothi (B) üdi nuʼä manʼna jaʼtse̱di. Dä mi hyandi ge bä ʼyëhë ʼra yu̱ texto ge Biblia ge ja ge gi ma.
YOHO XE̱KI
Nuʼä na mu̱di parrafo ge nuʼä “Gä pähmu̱ manʼna nangehna” xikju̱ nuʼä manʼna gä nxa̱hmu̱ (C). Nuʼu̱ yu̱ subtitulo bä hä yu̱ numero ge üdi nuʼu̱ yu̱ nhma manʼna jaʼtse̱di (D). Dä mi manʼu̱ yu̱ texto, dä mi thäʼu̱ yu̱ nʼta̱nni bä ʼyëpu̱, ʼne hyanʼtu̱ yu̱ bideo (E).
Hyandi xi nho nuʼu̱ yu̱ dibujo gi ma nuʼu̱ yu̱ ʼtohni bä ʼyëpu̱ (F), ʼne dä mi bëni ʼbe̱pu̱ gi thädi “Nuʼä ʼbe̱ʼä manʼu̱ ʼra yu̱ jäʼi” (G).
HÑU XE̱KI
Nubu̱ na nze̱gi ge ʼna ngü ʼnaʼu̱ yu̱ nxa̱di bä ʼyëhe “Nuʼä manʼna jaʼtse̱di” ʼne “Nuʼä dä pähmu̱” (H). Nuʼbu̱ gä juadi gä nxa̱di hñuʼtsi nuʼä ra pa gä juadi. Nubu̱ ëna “Nuʼä dä za̱ gi ʼyo̱ʼte” bä ʼyëpu̱ yu̱ nʼtsofo ge dä ze̱ʼi ge dä za̱ gi ʼyo̱ʼte nuʼä xkä pädi (I). Nubu̱ ëna “Dä mi pädi manʼna” gi timbu̱ yu̱ bideo, yu̱ su̱kuä ʼne yu̱ audio ge kextä dä ze̱ʼi (J).
ʼBe̱pu̱ dä za̱ gi tinʼä ʼna texto nubu̱ ja Biblia
Nuʼu̱ yu̱ texto bä ’yëkua, mu̱ditho ma nuʼä ra thü’ä libro (A), ʼne m’be̱fa n’to’ti nuʼä ra kapitulo (B), ʼne ra nze̱gi bä n’to’ti nuʼä ra bersikulo o yu̱ bersikulo (C). Gä nuhu̱ ’na ejemplo, Apocalipsis 21:4 ne dä ma ge “nu’ä Apocalipsis, ge’ä ra libro’ä, ʼne nu’ä 21 ge’ä ra kapitulo’ä, ʼne nu’ä 4 ge’ä ra, bersikulo 4”.
