“ʼNe gese̱ Ojä di üni ra njohya, ʼne hinma nja yu̱ gida̱ yu̱ jäʼi, ʼne hindi nja ra ndäte maho̱nʼäbu̱, ʼne hindi nja yu̱ dünmu̱ibu̱. Geʼtho ga̱ʼtho ʼbe̱ʼä ma nʼu̱mbi mi ja, ya bi thogi” (Apocalipsis 21:4, Ra ʼDaʼyonhogui nangue ma Hmuhu̱ ra Jesucristo, ko yu̱ letra ge nuʼä ñuhü ja ya).

Gä pähmu̱ nuʼä majuäni, ge Ojä hingä geʼä di jakju̱ gä thohmu̱ yu̱ hëi (Santiago 1:13).

Dä hyürkähu̱ ma mu̱ihu̱ gä pähmu̱ ge Ojä pädi yu̱ nʼu̱ di thohmu̱ (Zacarías 2:8).

Di njaju̱ ʼna nthüʼtämu̱i ge yu̱ pa bä ëpu̱ ya hinte di nja ʼbe̱ʼä di u̱ngähu̱ (Salmo 37:9-11).

Ähä, geʼtho:

• Ojä di u̱kpi ra nʼu̱mbi ʼne ra nʼto̱tmanʼtso. Dä mi bëni, ¿ʼbe̱ʼä bi za̱ Jeoba nuʼbu̱ mi nu na hnini ge mi pa ma u̱mbi? Nuʼä Biblia ma ge Ojä bi ʼyëna “dä nu ma ʼtu̱hni [...] ge i pa ma u̱mbi. ʼNe dä o̱ka̱ yu̱ hmafiʼu̱” (Hechos 7:34).

  Ojä hingi numanho nuʼu̱ yu̱ jäʼi ge di u̱mbäʼu̱ miʼda. Nuʼä Biblia ma ge di u̱kpi toʼo i ho nuʼu̱ hinte ndüpäte (Proverbios 6:16, 17).

• Ojä i u̱rpä gue̱nda ʼna ngü ʼna yu̱ jäʼi. Nuʼbu̱ gi mbëni ge njoʼo i pädi “ni nʼu̱mbi ʼne ni dünmu̱i”, hingi njabu̱, geʼtho nuʼä Jeoba pädi ʼbe̱ʼä gi thogi (2 Crónicas 6:29, 30).

  Nangeʼä na Nʼtsu̱ʼtäbi, nuʼä Ojä ya mi ʼtsu̱tho dä juadi yu̱ nʼu̱mbi ge ja ʼna ngü ʼna yu̱ jäʼi (Mateo 6:9, 10). Pe̱ nuya di huëki ʼne i hürpä na mu̱i toʼo ge majuäni i honi (Hechos 17:27; 2 Corintios 1:3, 4).