“Ga̱ʼtho ra ʼtohni Ojä bi bëmbä Ojä nangeʼä ra mu̱i toʼo bi ʼyoʼti” (2 Timoteo 3:16, Ra ʼDaʼyonhogui nangue ma Hmuhu̱ ra Jesucristo, ko yu̱ letra ge nuʼä ñuhü ja ya).

Gä tinhmu̱ yu̱ nthädi yu̱ nʼta̱nni jaʼtse̱di nangeʼä ma mʼbu̱ihu̱ (Proverbios 2:1-5).

Gä tinhmu̱ yu̱ nzofo ge dä ʼyonju̱ nubu̱ ma mʼbu̱ihu̱ (Salmo 119:105).

Di njaju̱ ʼna nthüʼtämu̱i nuʼu̱ yu̱ pa bä ëpu̱ (Romanos 15:4).

Ähä, geʼtho:

• Njämʼbu̱ di nthe̱kpi. 40 yu̱ nʼyohu̱ bi ʼyoʼtä Biblia, bi thogi 1,600 nje̱ya pa bi guadi. Madägeʼä nuʼu̱ yu̱ nʼyohu̱ himbi mpädi, nuʼä Biblia hindi nthe̱kpi ʼne ʼnaʼtä ra nʼyomfëni i te̱nni.

• Nuʼu̱ bi ʼyoʼtä Biblia himbi nha̱te. Nuʼu̱ miʼda yu̱ ʼyoʼtä su̱kuä jaʼbu̱ hingi hüʼtsi nuʼbu̱ mi ʼbe̱di yu̱ su̱i. Pe̱ nuʼu̱ bi ʼyoʼtä Biblia himbi ʼyägi yu̱ ʼtsoki ʼne nuʼu̱ yu̱ ʼtsokiʼu̱ na hnini (2 Crónicas 36:15, 16; Salmo 51:1-4).

• Nuʼä ʼbe̱ʼä bi ʼyoʼtu̱ yu̱ po̱ngähña nangeʼä Biblia nzäntho i nja. 200 nje̱ya ante, nuʼä Biblia bi ma ge da mba ma juaʼä hnini Babilonia (Isaías 13:17-22). Hingä ho̱ntho bi ma ge ʼbe̱pu̱ i mba ma juadi nuʼä hnini, kexʼtä bi ma nuʼä na thühü toʼo bi juadi (Isaías 45:1-3).

  Nuʼä ʼbe̱ʼä manʼna bi ma yu̱ po̱ngähña, bi nja ga̱ʼtho tengüthoho bi manʼä Biblia. ¿Ha hingä geʼä di to̱hmu̱ nangeʼä na Nhman Ojä? (2 Pedro 1:21).