NTʼUDI 04
¿Tó genkʼa Tsi Mähkí Tá?
Ta mu̱ nga mu̱dí ga ʼmu̱i goʼtho yu̱ kjäʼni nuua ha nu̱ ximojoi, yu̱ kjäʼni i xo̱hkimbeni ndunthi yä kjä. Pe nu̱ Biblia i ñä de ʼna Tsi Mähkí Tá “má i peʼtsi tse̱dí de goʼtho yu̱ piʼra yä kjä” (2 Crónicas 2:5). ¿Tó genkʼa? ¿Té i kjá ge gege má i peʼtsi tse̱dí di genku̱ piʼra yä kjä i xo̱hkimbeni yä kjäʼni? Ha nuná ntʼudi gi ma pädi té ʼbenkʼa i ne kʼa Tsi Mähkí Tá gi pädi de gege.
1. ¿Ndänakʼa ro thuhu kʼa Tsi Mähkí Tá, nihi ankja dra pädihu̱ ge gege i ne go pädihu̱ kʼa ro thuhu?
Po madé nu̱ Biblia, kʼa Tsi Mähkí Tá i mänse kʼa ro thuhu: “Gengo dro Jehová. Gehnu̱ ma thuhu” (xödí Isaías 42:5, 8). Nuná thuhu Jehová xi nkju̱hkí de kʼa hñä hebreo, ndunthi yä kjäʼni ge i ndo̱ pädihu̱ de nuná tema i mähmu̱, ge nuná thuhu i ne da mä “gege i kjá kʼa i ne da nkjá”. Jehová i ne go pädihu̱ kʼa ro thuhu (Éxodo 3:15). ¿Ankja dra pädihu̱? Di pädihu̱ ge i nkjapu̱, xo gege bi kjá ge kʼa ro thuhu di nthutsí ha nu̱ Biblia po má de 7. 000 yä bes. a Jehová, genkʼa ro thuhu de kʼa “hä ro Tsi Mähkí Tá amaña nu̱ jitsi nihi nuua ha nu̱ ximojoi” (Deuteronomio 4:39).
2. ¿Té i xihkígihu̱ nu̱ Biblia de kʼa Jehová?
Nu̱ Biblia i mä ge, de goʼtho yu̱ kjä i xo̱hkimbeni yä kjäʼni, kʼa ho̱nse hä ro Tsi Mähkí Tá genkʼa Jehová. ¿Ó i nkjapu̱? I ʼbu̱i ndunthi yä rraso. Kʼa Jehová genkʼa má i ndo̱ mända, “kʼa i ʼBu̱i Amaña de goʼtho nu̱ ximojoi” (xödí Salmo 83:18). Ho̱nse Gege i peʼtsi “Goʼtho kʼa Tse̱dí”, nuná i ne da mä ge i peʼtsi kʼa tse̱dí pa da kjá goʼtho kʼa i ne gege. Nihi xi ʼyo̱te “goʼtho yu̱ i ʼbu̱i”: amaña nu̱ jitsi nihi goʼtho yu̱ i ʼbu̱i nuua ha nu̱ Ximojoi (Apocalipsis 4:8, 11). Nihi, ho̱nse kʼa Jehová zäi xi ʼmu̱i, nihi zäi da ma ʼmu̱i (Salmo 90:2).
MA PÄDIHU̱ MÁ RA NGU DE NU̱ TEMA
Ma núhu̱ ó hi i hñe̱hmi ngu ga thsifí kʼa Tsi Mähkí Tá ko genkʼa ro thuhu, ʼna thuhu ro mehtise gege. Nihi go ma pädihu̱ ankja gege i úhtigihu̱ té ro hu nihi ó i ne go pädihu̱ kʼa ro thuhu.
3. Ndunthi ga thsifí kʼa Tsi Mähkí Tá pe ʼnatho kʼa ro thuhu
Pa go núhu̱ ó hi i hñe̱hmi ngu ga thsifí ʼna kjäʼni ko kʼa ro thuhu, núhu̱ nu̱ VIDEO nihi ñähu̱ de gehna:
-
¿Ó hi i hñe̱hmi ngu ga thsifí ʼna kjäʼni kjangutho nzoya ko genkʼa ro thuhu?
Nu̱ Biblia i mä ge yu̱ kjäʼni i xo̱hkimbeni ndunthi yä kjä nihi yä nzoya. Xödíhu̱ Salmo 136:1-3 nihi ñähu̱ de gehna:
-
¿Tó genkʼa “Tsi Mähkí Tá de yu̱ kjä” nihi tó genkʼa “Nzoya de yu̱ nzoya”?
4. Kʼa Jehová i ne ge nuke gi pädi kʼa ro thuhu nihi gi no̱ni
¿Ankja dra pädihu̱ ge kʼa Jehová i ne ge nuke gi pädi kʼa ro thuhu? Núhu̱ nu̱ VIDEO nihi ñähu̱ de gehna:
-
¿Ó nuke gi beni ge kʼa Jehová i ne ge da mphädi kʼa ro thuhu?
Kʼa Jehová i ne ge yu̱ kjäʼni da no̱mbi kʼa ro thuhu. Xödíhu̱ Romanos 10:13 nihi ñähu̱ de gehna:
-
¿Ó ra ndo̱ zo go no̱mbihu̱ kʼa ro thuhu kʼa Tsi Mähkí Tá Jehová?
-
¿Té gi tsoge mu̱ ʼna kjäʼni da nzoʼki po kʼa ri thuhu?
-
¿Té gi beni ge i tso kʼa Jehová mu̱ nuke gi no̱mbi kʼa ro thuhu?
5. Kʼa Jehová i ne ge nuke gi nkja ro amigo
ʼNa ʼbe̱hña ga Camboya ro thuhu Soten bi mä ge mu̱ go pädihu̱ kʼa ro thuhu kʼa Tsi Mähkí Tá genkʼa má ra ndo̱ zo da thogi ha nu ma nzahkihu̱. Núhu̱ nu̱ VIDEO nihi ñähu̱ de gehna:
-
Ngu i mä nu̱ video, ¿ankja ga mötsí kʼa Soten mu̱ nga bädi kʼa ro thuhu kʼa Tsi Mähkí Tá?
Pa da zo go nkjahu̱ ro amigo ʼna kjäʼni, ʼme̱tʼo ra zo go pädihu̱ kʼa ro thuhu. Xödíhu̱ Santiago 4:8 nihi ñähu̱ de gehna:
-
¿Té i ne kʼa Jehová gi pe̱hke?
-
¿Nuke gi beni ge mu̱ gi pädi nihi gi no̱mbi kʼa ro thuhu kʼa Tsi Mähkí Tá da zo da möxkí pa má gi kuati ko gege? ¿Ó i nkjapu̱?
KʼA I MÄHMU̱ PIʼRA YÄ KJÄʼNI: “Ho̱nse ʼnatho Tsi Mähkí Tá i ʼbu̱i, nsohtho da zo go xihmu̱ ngu di nehu̱”.
-
¿Nuke gi beni ge kʼa ro thuhu̱ kʼa Tsi Mähkí Tá ro Jehová?
-
¿Ankja da zo gi xih yu̱ maʼra ge kʼa Tsi Mähkí Tá i ne go no̱mbihu̱ kʼa ro thuhu?
KʼA KO PÄDI
Kʼa ro thuhu kʼa hä ro Tsi Mähkí Tá ro Jehová. Gege i ne go pädihu̱ kʼa ro thuhu nihi go no̱mbibihu̱ pa da zo go nkjahu̱ yo amigo.
Kʼa to núhu̱
-
¿Ó kʼa Jehová hi i hñe̱hmi ko ku̱ piʼra yä kjä i xo̱hkimbeni yä kjäʼni?
-
¿Ó ra zo go no̱mbibihu̱ kʼa ro thuhu kʼa Tsi Mähkí Tá?
-
¿I ne kʼa Jehová gi nkjage ro amigo? ¿Ankja gri pädi?
MÁ GI PÄDI DE GEHNA
Nú ku̱ta yä rraso i úhtite ge kʼa Tsi Mähkí Tá hä i ʼbu̱i.
Pädi ó ra zo go mbenihu̱ ge kʼa Tsi Mähkí Tá zäi xi ʼmu̱i.
“¿Tó bi o̱te kʼa Tsi Mähkí Tá?” (La Atalaya, 1 de agosto de 2014)
Nú ó ra zo go no̱mbibihu̱ kʼa ro thuhu kʼa Tsi Mähkí Tá mahke hin di pädihu̱ ankja mbri hno̱ni ma ʼme̱tʼo.
¿Kja ra zo go núhu̱ ankja dra no̱mbibihu̱ kʼa ro thuhu kʼa Tsi Mähkí Tá? Nú ó di mähme ge kʼa Tsi Mähkí Tá i peʼtsise ʼna ro thuhu.
“¿Tengu yo thuhu i peʼtsi kʼa Tsi Mähkí Tá?” (Artículo de jw.org)
a Ha nu̱ apéndice A4 de La Biblia. Traducción del Nuevo Mundo má gi töti kʼa xi nthutsí de kʼa i ne da mä kʼa ro thuhu kʼa Tsi Mähkí Tá, nihi ó xi nkju̱ʼtsi kʼa thuhukʼa ha ʼra yä Biblia.
