NTʼUDI 05
Ha nu̱ Biblia di tötihu̱ kʼa i ne da xihkígihu̱ kʼa Tsi Mähkí Tá
Kʼa Jehová xi nahkígihu̱ ʼna ndo̱ chala regalo: yu̱ 66 yä libro ba íʼ ha nu̱ Biblia. Pe ʼbu̱i gi ʼñöni: “¿Abu̱ ri ʼníh nu̱ Biblia? ¿Tó genkʼa bi mä di nthutsí?”. Pa go thädíhu̱ gehya ntʼöni, ma núhu̱ ankja xi zo̱ho̱ ta yu̱ ma mpahu̱ kʼa i ne da xihkígihu̱ kʼa Tsi Mähkí Tá.
1. Mu̱ nu̱ Biblia bi hñutsí yä ʼño̱ho̱, ¿ó di mähmu̱ ge kʼa Tsi Mähkí Tá bi mä kʼa di nthutsí?
40 yä ʼño̱ho̱ —hi mi hñe̱hmi ku̱ yo ʼbe̱fí mi peʼtsihu̱ nihi a mi nkjahu̱— bi hñutsíhu̱ nu̱ Biblia. Bi mu̱dí bi nthutsí kʼa kjea 1513 ante de yu̱ ma mpahu̱ nihi bi guadi ga nthutsí kʼa kjea 98 de yu̱ ma mpahu̱ya. Po gehna, bi thogi 1.600 yä kjea pa di guadi di nthutsí. Mahke i nkjanu̱ kʼa xi nthutsí ha nu̱ Biblia i nthe̱. ¿Ó i nkjanu̱? Xo kʼa Tsi Mähkí Tá bi mä ge di nthutsí (xödí 1 Tesalonicenses 2:13). Gehya ʼño̱ho̱ hin ga hutsíhu̱ ku̱ yo mfenise. Má ra zo, “bi ñähu̱ de kʼa Tsi Mähkí Tá po madé kʼa espíritu santo” (2 Pedro 1:21). a Ko kʼa ro espíritu santo, kʼa Tsi Mähkí Tá bi kjá ge gehya ʼño̱ho̱ di hutsíhu̱ kʼa mi mbeni gege (2 Timoteo 3:16).
2. ¿Tó genku̱ da zo da meʼtsi ʼna Biblia?
Yä kjäʼni de “goʼtho yä ndo̱ hnini, yä lengu hnini, nihi pa goʼtho yä hñä” da zo da bädihu̱ kʼa i úhtite nu̱ Biblia (xödí Apocalipsis 14:6). Kʼa Tsi Mähkí Tá xi kjá da nthutsí pa ndunthi yä hñä. Hä, ta yu̱ ma mpahu̱ya nuná libro xi nraʼtsi ha maʼra yä hñä. Ndunthi yä kjäʼni da zo da bädihu̱ kʼa i úhtite nu̱ Biblia, mahke i ʼbu̱fu̱ ha maʼra yä hnini o i ñähu̱ maʼra yä hñä.
3. ¿Ankja ga födí kʼa Jehová nu̱ Biblia?
Abu̱ bi nthutsí nu̱ Biblia hi mi dé mi thege. Bi nthutsí ha ku̱ rollo kʼa tʼo̱te ko yo xifaní yä zuʼui nihi ko ʼna paxí mi tʼimbi papiro. Pe ku̱ ʼño̱ho̱ mi mädíhu̱ nu̱ Biblia bi ndo̱ hähu̱ ro guenda mu̱ nga hñutsíhu̱ ndunthi yä Biblia ga ʼye̱tho. Mahke ndunthi yä kjäʼni mi ne di gu̱ʼtsihu̱ nu̱ Biblia, pe maʼra ta bi ʼunihu̱ kʼa ro nzahki pa di födíhu̱. Kʼa Jehová hi xi he̱gi ge tó da döhki pa da zo da ñä ko nugohu̱. Nu̱ Biblia i mä: “Nu̱ ro hñä nu ma Tsi Mähkí Táhu̱ zäi da ma ʼmu̱i” (Isaías 40:8).
MA PÄDIHU̱ MÁ RA NGU DE NU̱ TEMA
Ma pädihu̱ má ra zo ankja kʼa Tsi Mähkí Tá bi kjá ge maʼra yä ʼño̱ho̱ di zo di hñutsíhu̱ nu̱ Biblia. Nihi go ma käʼtihu̱ té ʼbenkʼa xi me̱fí pa da mödí, pa nkjanu̱ goʼtho yä kjäʼni da zo da meʼtsihu̱ ʼna Biblia.
4. Nu̱ Biblia i xihkígihu̱ tó genkʼa bi mä di nthutsí
Núhu̱ nu̱ VIDEO. Mapia xödíhu̱ 2 Timoteo 3:16 nihi ñähu̱ de gehna:
-
Mu̱ nu̱ Biblia bi hñutsí yä ʼño̱ho̱, ¿ó i hmä ge ro hñä kʼa Tsi Mähkí Tá?
-
¿Da zo go íhkjihu̱ ge kʼa Tsi Mähkí Tá bi xiʼ ku̱ ʼño̱ho̱ di hñutsí ku̱ yo mfeni de gege?
Kʼa i hux kʼa karta genkʼa secretario, pe kʼa ra thutsí ro me̱hti kʼa lamu, xo ra xifí té ʼbenkʼa da ma hutsí. Nihi i thogi nkjanu̱ ko nu̱ Biblia: mahke bi hutsí yä ʼño̱ho̱, kʼa bi nthutsí yo mfeni kʼa Tsi Mähkí Tá.
5. Mähke ndunthi te ga nkjáhpi nu̱ Biblia hin ga zo ga nkju̱ʼtsí
Mu̱ nu̱ Biblia ba íʼ de kʼa Tsi Mähkí Tá, ra zo go mbenihu̱ ge gege i födí. Po ndunthi yä kjea ndunthi yä áhte mi ne di gu̱ʼtsíhu̱ nu̱ Biblia. Nihi ndunthi yä mökjä hi mi nehu̱ ge yä kjäʼni di xödíhu̱ ʼna Biblia. Pe, mahke mi ʼbu̱i yä nkontra nihi mi thsifíhu̱ ku̱ kjäʼni ge di böʼtihu̱, ndunthi bi ne bi ʼunihu̱ ku̱ yo nzähki pa nkjanu̱ di mödíhu̱ kʼa Biblia. Pa da zo go pädihu̱ a mi nkja ʼna de gehya ʼño̱ho̱, núhu̱ nu̱ VIDEO nihi ñähu̱ de gehna:
-
Mu̱ nuyá gi pädi ge bi tʼo̱te ndunthi yä tse̱dí pa di mfödí nu̱ Biblia, ¿gi ne má gi xödí? ¿Ó i nkjapu̱?
Xödíhu̱ Salmo 119:97 nihi ñähu̱ de gehna:
-
¿Ó ndunthi yä kjäʼni xi ne xi ʼunihu̱ nu̱ ro nzahki pa da raʼtsihu̱ nu̱ Biblia ha maʼra yä hñä pa nkjanu̱ da meʼtsihu̱ ndunthi yä kjäʼni?
6. ʼNa libro pa goʼtho yä kjäʼni
Nu̱ Biblia gehnu̱ libro má xi nraʼtsi ha maʼra yä hñä pa nkjanu̱ da meʼtsi ndunthi yä kjäʼni. Xödíhu̱ Hechos 10:34, 35 nihi ñähu̱ de gehna:
-
¿Ó kʼa Tsi Mähkí Tá i ne ge nu̱ ro hñä da nraʼtsi ha maʼra yä hñä nihi da meʼtsihu̱ ndunthi yä kjäʼni de maʼra yä luga?
-
¿Té ʼbenkʼa má ra zo gi nú de nu̱ Biblia?
Ya ta zu̱dí nu̱
100%
de yu̱ kjäʼni de nu̱ ximojoi
i tso da xödíhu̱ nu̱ Biblia ko genkʼa ro hñä i ñähu̱
Nu̱ Biblia xi nthutsí po má de
3.000
yä hñä,
goʼtho o chu̱tho
5.000 yä millón
De yä Biblia xi tʼo̱te.
Po gehna, hi i ʼbu̱i piʼna libro xi tʼo̱te ngu nuná
KʼA I MÄHMU̱ PIʼRA YÄ KJÄʼNI: “Nu̱ Biblia i nkja ʼna libro bi hutsí yä ʼño̱ho̱ ta ma kjaʼmu̱”.
-
¿Nuke té gi beni?
-
¿Té ʼbenkʼa i úhtigihu̱ ge nu̱ Biblia ro hñä kʼa Tsi Mähkí Tá?
KʼA KO PÄDI
Nu̱ Biblia ro hñä kʼa Tsi Mähkí Tá, gege xi nú ankja kʼa kjá pa goʼtho yu̱ kjäʼni da meʼtsihu̱ ʼna Biblia, pa nkjanu̱ da zo da xödíhu̱.
Kʼa to núhu̱
-
¿Té i ne da mä ge kʼa Tsi Mähkí Tá bi kjá ge yä ʼño̱ho̱ di hutsíhu̱ nu̱ Biblia?
-
¿Té gi núge má ra zo de nu̱ Biblia ko goʼtho kʼa bi nkjáhpi, pe hin ga zo ga nku̱ʼtsí? ¿Té gi núge má ra zo de kʼa xi nthutsí nu̱ Biblia ha maʼra yä hñä, nihi pa da meʼtsihu̱ goʼtho yu̱ kjäʼni?
-
¿Té gi tsoge ko goʼtho kʼa xi o̱te kʼa Tsi Mähkí Tá pa da zo da ñä ko nuke?
MÁ GI PÄDI DE GEHNA
Nú goʼtho kʼa bi nkjáhpi nu̱ Biblia: ta mu̱ nga mu̱dí bi nthutsí nihi ta yu̱ ma mpahu̱.
“Ankja do peʼtsihu̱ ʼna Biblia” (¡Despertad!, noviembre de 2007)
Nú ankja nu̱ Biblia hin ga zo ga nku̱ʼtsí mahke mi peʼtsi hñu yä ndo̱ nkontra.
“Nu̱ Biblia. Ko goʼtho kʼa bi nkjáhpi hin ga zo ga nku̱ʼtsí” (La Atalaya, núm. 4 2016)
Nú kʼa ra nthí bi thogihu̱ ʼra yä kjäʼni, mu̱ nga raʼtsihu̱ nu̱ Biblia ha maʼra yä hñä.
Xi tʼo̱te ndunthi yä Biblia nihi xi nraʼtsi ha maʼra yä hñä. ¿Nuke ankja da zo gi pädi ge kʼa ro hñä kʼa Tsi Mähkí Tá hi xi mbödi?
“¿Kja xi mbödi nu̱ Biblia o hi xi nthutsí ra zo?” (Artículo de jw.org)
