“Kʼa Tsi Mähkí Tá i ʼbu̱i ha nu̱ jitsi da ítsi ʼna reino hin da ma hño̱ʼte.” (Daniel 2:44, Traducción del Nuevo Mundo.)

“ʼNa tʼu̱ xi tʼahkigihu̱; ʼne kʼa reino da ma ʼmu̱i amaña ro nchiʼnxi.” (Isaías 9:6.)

• I nkja ʼna reino ra zo pa da möxkígihu̱ kada ʼna de nugohu̱ (Isaías 48:17, 18).

• Hin da dé nuná reino pa da kjá go ʼmu̱fu̱ ko ndunthi poho ha ʼna ximojoi abu̱ hin da nkja yä gihí (Revelación [Apocalipsis] 21:3, 4).

Hä, i ʼbu̱i ndunthi pe nuyá núhma gehya yoho yä rraso:

• Kʼa Hesu bi úhti té da ma me̱fí ro Reino rä Tsi Mähkí Tá. Hesu bi úhti yo te̱nite, pa di ʼöhpihu̱ kʼa Tsi Mähkí Tá, ge di ʼníhi ro Reino, ʼne di tʼo̱te kʼa i ne kʼa Tsi Mähkí Tá nugua ha nu̱ Ximojoi (Mateo 6:9, 10). Hesu nihi bi úhti ankja da ma thogi nkjapu̱.

  Mu̱ nga ʼmu̱hkua ha nu̱ Ximojoi, kʼa Hesu bi ʼuiní ku̱ mi tumthu, bi ʼyo̱the ku̱ doʼthi ʼne pi bi ʼuni kʼa nzahki ʼra yä kjäʼni ka dú (Mateo 15:29-38; Juan 11:38-44). Xo gege di nkja kʼa ndä ha ro Reino rä Tsi Mähkí Tá, bi zo bi úhti ʼra de ku̱ ra nchala da ma o̱te pa ku̱ kjäʼni da ʼyo̱de (Revelación 11:15).

• Kʼa i thogi ha nu̱ Ximojoi i úhti ge ro Reino rä Tsi Mähkí Tá hin da ndé pa da íhi. Hesu bi mä ge ha nu̱ Joi di nkja ndunthi yä ntú, yä thuhu, ʼne yä ʼñahmojoi; ʼme̱fa di ʼníhi ro Reino rä Tsi Mähkí Tá, pa da kjá go ʼmu̱fu̱ má ra zo (Mateo 24:3, 7).

  Di núhu̱ goʼtho gehya dumu̱i ha yu̱ ma mpahu̱. Po gehna di pädihu̱ ge ro Reino rä Tsi Mähkí Tá, hiʼtsa da ndé pa da gu̱ʼtsi gehya dumu̱i.