NTUDI 4
¿Te bi thogi mu̱ rä Adán ko ra Eva bi y’o̱hteui rä Zithu?
Adán ko Eva bi duui nge hin bi yʼo̱hteui rä Tsi Dada (Génesis 3:6, 23)
Rä Eva bi yʼo̱hte kʼa kʼiña nihi bi za kʼa ixi ge xki mä Jehová hin di zaui. Meefa bi uni rä Adán nihi gege bi za.
Kʼa bi peehmi mbra ndo̱ ntsʼo: bi kjaui nʼa tsʼohki. Rä Tsi Dada bi fongi rä Adán ko rä Eva de kʼa chala joi.
Bi nkja ra ndo̱ nthi kʼa nzahki pa gegeui nihi pa ku̱ yä tʼu̱. Bi thogi yä kjeeya, gegeui bi ndo̱htaui nihi bi duui. Mu̱ bi duui hin bi meui a hitsʼi niʼ manänguadi. Ho̱nse bi thege ro nzahkiui..
Yä kjäʼni xi du i nkjahu̱ fonthoi nihi xaʼtho da zo da peehmu̱ (Génesis 3:19)
Di gothohu̱ da ihmu̱ de rä Adán ko rä Eva. Nsohtho di tuhu̱. Yä kjäʼni xi du hi i tso da handihu̱, hi i o̱dehu̱ ni xaʼtho da zo da peehmu̱ (Eclesiastés 9:5, 10).
Jehová hi mi ne ge yä kjäʼni di du. Yä ba kuatʼi kʼa mpa pi da uni ro nzahki yä kjäʼni xi du. Mu̱ da yʼo̱htehu̱ rä Tsi Dada da zo da mu̱fu̱ pa zäi.
Puede que también le interese
ESSENTIAL BIBLE TEACHINGS
¿Té i thogi ko ku̱ kjäʼni xi dú?
Nu̱ Biblia i ʼñähtigihu̱ ge da zo̱ho̱ kʼa mpa da ma thsotsi ku̱ kjäʼni ya xi dú, ngu xi thogi kʼa Lázaro.
