ਕਾਮੇ ਫਾਈਬਰਗਲਾਸ ਨੂੰ ਨਮੀ ਤੋਂ ਬਚਾਉਣ ਲਈ ਪਲਾਸਟਿਕ ਦੇ ਬੈਗ ਵਿਚ ਪੈਕ ਕਰਦੇ ਹੋਏ। ਉਨ੍ਹਾਂ ਨੇ ਆਪਣੀ ਚਮੜੀ ਨੂੰ ਬਚਾਉਣ ਵਾਲੇ ਕੱਪੜੇ ਪਾਏ ਹੋਏ ਹਨ।

ਕਾਮੇ ਫ਼ਿਲਪਾਈਨੀ ਸੈਨਤ ਭਾਸ਼ਾ ਲਈ ਰਿਕਾਰਡਿੰਗ ਸਟੂਡੀਓ ਦੀਆਂ ਛੱਤਾਂ ਦਾ ਕੰਮ ਪੂਰਾ ਕਰਦੇ ਹੋਏ। ਛੱਤਾਂ ਵਿਚ ਚੌਰਸ ਖਾਨੇ HVAC ਡਿਫਊਜ਼ਰਾਂ ਲਈ ਹਨ ਜਿਨ੍ਹਾਂ ਰਾਹੀਂ ਸਟੂਡੀਓ ਵਿਚ ਠੰਢੀ ਹਵਾ ਚਾਰੇ ਪਾਸੇ ਬਰਾਬਰ ਫੈਲ ਜਾਵੇਗੀ।

ਠੰਢੇ ਪਾਣੀ ਦਾ ਸਿਸਟਮ ਬਣਾਉਣ ਲਈ ਖ਼ੁਦਾਈ ਕਰਦਾ ਹੋਇਆ। ਇਸ ਨਵੇਂ ਸਿਸਟਮ ਰਾਹੀਂ ਪੂਰੇ ਸ਼ਾਖ਼ਾ ਦਫ਼ਤਰ ਦੀਆਂ ਇਮਾਰਤਾਂ ਨੂੰ ਫ਼ਾਇਦਾ ਹੋਵੇਗਾ।

ਇਹ ਨਵਾਂ ਰਸਤਾ ਸਾਰੀਆਂ ਮੁੱਖ ਇਮਾਰਤਾਂ ਨੂੰ ਜੋੜੇਗਾ ਜਿਨ੍ਹਾਂ ਵਿਚ ਇਮਾਰਤ 1 ਵੀ ਹੈ ਜਿੱਥੇ ਡਾਇਨਿੰਗ ਹਾਲ ਹੈ। ਇਹ ਰਾਹ ਖ਼ਾਸ ਕਰਕੇ ਇਮਾਰਤ 7 ਵਿਚ ਕੰਮ ਕਰ ਰਹੇ 300 ਤੋਂ ਵੀ ਜ਼ਿਆਦਾ ਕਰਮਚਾਰੀਆਂ ਲਈ ਫ਼ਾਇਦੇਮੰਦ ਹੋਵੇਗਾ।

50 ਟਨ ਦਾ ਭਾਰ ਚੁੱਕਣ ਵਾਲੀ ਕਰੇਨ ਰਾਹੀਂ ਛੱਤ ਲਈ ਚਾਦਰਾਂ ਚੁਕਦੇ ਹੋਏ। ਪੈਸੇ ਦੇ ਕੇ ਰੱਖੇ ਹੋਏ ਠੇਕੇਦਾਰਾਂ ਵੱਲੋਂ ਅਲੱਗ-ਅਲੱਗ ਆਕਾਰ ਦੀਆਂ ਕਰੇਨਾਂ ਵਰਤੀਆਂ ਗਈਆਂ।

ਦੋ ਮੰਜ਼ਲੀ, 125 ਵਰਗ-ਮੀਟਰ (1,345 ਵਰਗ ਫੁੱਟ) ਦੀ ਇਮਾਰਤ ਜਿਸ ਵਿਚ ਦੋ ਬਾਥਰੂਮ, ਇਕ ਪੌੜੀ ਅਤੇ ਇਕ ਲਿਫ਼ਟ ਹੈ। ਇਸ ਇਮਾਰਤ ਵਿਚ ਬਾਥਰੂਮ ਅਤੇ ਪੌੜੀਆਂ ਹੋਣ ਨਾਲ ਇਮਾਰਤ 5 ਵਿਚ ਕਾਫ਼ੀ ਜਗ੍ਹਾ ਖ਼ਾਲੀ ਬਚਦੀ ਹੈ। ਇਮਾਰਤ 5 ਦੀ ਬਜਾਇ ਇਸ ਪੋਡ ਵਿਚ ਲਿਫ਼ਟ ਹੋਣ ਨਾਲ ਅਡੀਓ ਜਾਂ ਵੀਡੀਓ ਰਿਕਾਰਡਿੰਗ ਵਿਭਾਗ ਵਿਚ ਸ਼ੋਰ ਸੁਣਾਈ ਨਹੀਂ ਦੇਵੇਗਾ।

ਕਾਮੇ ਧੁੱਪ ਤੋਂ ਬਚਣ ਲਈ ਛਾਂ ਹੇਠਾਂ ਬੈਠ ਕੇ ਸਰੀਏ ਪਾਉਂਦੇ ਹੋਏ। ਜਨਵਰੀ ਵਿਚ ਦਿਨ ਵੇਲੇ ਵੱਧ ਤੋਂ ਵੱਧ ਤਾਪਮਾਨ ਲਗਭਗ 29 ਡਿਗਰੀ ਸੈਲਸੀਅਸ (84°F) ਅਤੇ ਅਪ੍ਰੈਲ ਵਿਚ ਲਗਭਗ 34 ਡਿਗਰੀ ਸੈਲਸੀਅਸ (93°F) ਹੁੰਦਾ ਹੈ।

ਕਾਮੇ ਛੱਤਾਂ ਨੂੰ ਮਜ਼ਬੂਤ ਕਰਨ ਲਈ ਲੱਕੜੀ ਦੇ ਬਾਲੇ ਫੜਾਉਂਦੇ ਹੋਏ। ਇਮਾਰਤ 5 ਲਈ ਤਕਰੀਬਨ 800 ਵਧੀਆ ਲੱਕੜੀਆਂ ਦੇ ਟੁਕੜੇ ਵਰਤੇ ਗਏ।

ਇਕ ਛੋਟੇ ਪ੍ਰਾਜੈਕਟ ਲਈ ਹੱਥ ਨਾਲ ਮਸਾਲਾ ਤਿਆਰ ਕਰਦੇ ਹੋਏ। ਉਸਾਰੀ ਦੇ ਪ੍ਰਾਜੈਕਟ ਵਿਚ ਕੰਮ ਕਰਨ ਵਾਲੇ ਕਾਮਿਆਂ ਵਿੱਚੋਂ 100 ਤੋਂ ਜ਼ਿਆਦਾ ਕਾਮੇ ਆਸਟ੍ਰੇਲੀਆ, ਕੈਨੇਡਾ, ਫਰਾਂਸ, ਜਪਾਨ, ਨਿਊਜ਼ੀਲੈਂਡ, ਦੱਖਣੀ ਕੋਰੀਆ, ਸਪੇਨ, ਅਮਰੀਕਾ ਅਤੇ ਹੋਰ ਦੇਸ਼ਾਂ ਤੋਂ ਆਏ ਹਨ।

ਇਮਾਰਤ 5 ʼਤੇ ਸਟੀਲ ਦੀਆਂ ਚਾਦਰਾਂ ਪਾਉਂਦੇ ਹੋਏ, ਜਿੱਥੇ ਪਹਿਲਾਂ ਅਨੁਵਾਦ ਵਿਭਾਗ ਸੀ। ਆਡੀਓ/ਵੀਡੀਓ ਅਤੇ ਸੇਵਾ ਵਿਭਾਗ ਲਈ ਵਰਤੀ ਜਾਣ ਵਾਲੀ ਇਸ ਇਮਾਰਤ ਦੀ ਮੁਰੰਮਤ ਕੀਤੀ ਜਾ ਰਹੀ ਹੈ।

ਦਫ਼ਤਰ ਦੀਆਂ ਕੰਧਾਂ ਲਈ ਢਾਂਚਾ ਬਣਾਉਣ ਵਾਸਤੇ ਲੋਹੇ ਨੂੰ ਕੱਟਦੀ ਹੋਈ।