ਨਹੀਂ, ਇਹ ਜ਼ਰੂਰੀ ਨਹੀਂ ਹੈ। ਯਹੋਵਾਹ ਦੇ ਗਵਾਹ ਬਣੇ ਬਿਨਾਂ ਲੱਖਾਂ ਹੀ ਲੋਕ ਸਾਡੇ ਨਾਲ ਬਾਈਬਲ ਸਟੱਡੀ ਕਰਦੇ ਹਨ। a ਬਾਈਬਲ ਸਟੱਡੀ ਕਰਵਾਉਣ ਦਾ ਮਕਸਦ ਇਹੀ ਹੈ ਕਿ ਅਸੀਂ ਤੁਹਾਨੂੰ ਦੱਸੀਏ ਕਿ ਬਾਈਬਲ ਕੀ ਸਿਖਾਉਂਦੀ ਹੈ। ਇਹ ਗਿਆਨ ਲੈ ਕੇ ਤੁਸੀਂ ਖ਼ੁਦ ਫ਼ੈਸਲਾ ਕਰਨਾ ਹੈ ਕਿ ਤੁਸੀਂ ਕੀ ਕਰਨਾ ਚਾਹੁੰਦੇ ਹੋ। ਅਸੀਂ ਜਾਣਦੇ ਹਾਂ ਕਿ ਸਾਰਿਆਂ ਦਾ ਆਪਣਾ ਫ਼ੈਸਲਾ ਹੈ ਕਿ ਉਨ੍ਹਾਂ ਨੇ ਕਿਸ ʼਤੇ ਵਿਸ਼ਵਾਸ ਕਰਨਾ ਹੈ।​—ਯਹੋਸ਼ੁਆ 24:15.

 ਹਾਂਜੀ। ਭਾਵੇਂ ਅਸੀਂ ਨਵੀਂ ਦੁਨੀਆਂ ਅਨੁਵਾਦ ਵਰਤਦੇ ਹਾਂ ਅਤੇ ਜੇ ਤੁਸੀਂ ਇਸ ਦੀ ਕਾਪੀ ਲੈਣੀ ਚਾਹੁੰਦੇ ਹੋ, ਤਾਂ ਅਸੀਂ ਤੁਹਾਨੂੰ ਮੁਫ਼ਤ ਵਿਚ ਦੇਵਾਂਗੇ। ਨਹੀਂ ਤਾਂ ਤੁਸੀਂ ਆਪਣੀ ਬਾਈਬਲ ਵਰਤ ਸਕਦੇ ਹੋ। ਤੁਸੀਂ ਕਿਸੇ ਵੀ ਅਨੁਵਾਦ ਵਿੱਚੋਂ ਬਾਈਬਲ ਵਿਚ ਦਿੱਤੀ ਗਈ ਉਮੀਦ ਅਤੇ ਮੁਕਤੀ ਬਾਰੇ ਸਿੱਖ ਸਕਦੇ ਹੋ।

•   ਲੋਕਾਂ ਨੂੰ ਸਿਖਾਉਣ ਦਾ ਮੁੱਖ ਕਾਰਨ ਹੈ ਕਿ ਅਸੀਂ ਯਹੋਵਾਹ ਨੂੰ ਪਿਆਰ ਕਰਦੇ ਹਾਂ ਅਤੇ ਉਹ ਮਸੀਹੀਆਂ ਤੋਂ ਚਾਹੁੰਦਾ ਹੈ ਕਿ ਉਹ ਸਿੱਖੀਆਂ ਗੱਲਾਂ ਦੂਜਿਆਂ ਨੂੰ ਵੀ ਸਿਖਾਉਣ। (ਮੱਤੀ 22:37, 38; 28:19, 20) ਸਾਨੂੰ ਲੱਗਦਾ ਹੈ ਕਿ “ਪਰਮੇਸ਼ੁਰ ਨਾਲ ਮਿਲ ਕੇ ਕੰਮ” ਕਰਨ ਯਾਨੀ ਲੋਕਾਂ ਨੂੰ ਉਸ ਦੇ ਬਚਨ ਵਿੱਚੋਂ ਗੱਲਾਂ ਸਿਖਾਉਣ ਵਿਚ ਮਦਦ ਕਰਨ ਤੋਂ ਵੱਡਾ ਸਨਮਾਨ ਹੋਰ ਕੋਈ ਹੋ ਹੀ ਨਹੀਂ ਸਕਦਾ।​—1 ਕੁਰਿੰਥੀਆਂ 3:6-9.

•   ਗੁਆਂਢੀਆਂ ਲਈ ਪਿਆਰ ਹੋਣ ਕਰਕੇ ਵੀ ਅਸੀਂ ਇਹ ਕੰਮ ਕਰਦੇ ਹਾਂ। (ਮੱਤੀ 22:39) ਅਸੀਂ ਜੋ ਸ਼ਾਨਦਾਰ ਗੱਲਾਂ ਸਿੱਖੀਆਂ ਹਨ, ਉਹ ਦੂਸਰਿਆਂ ਨੂੰ ਸਿਖਾ ਕੇ ਸਾਨੂੰ ਮਜ਼ਾ ਆਉਂਦਾ ਹੈ।—ਰਸੂਲਾਂ ਦੇ ਕੰਮ 20:35.