ਯਹੋਵਾਹ ਨੇ ਸੁਲੇਮਾਨ ਨੂੰ ਬਹੁਤ ਜ਼ਿਆਦਾ ਬੁੱਧ ਦੇਣ ਦੇ ਨਾਲ-ਨਾਲ ਉਸ ਨੂੰ ਮੰਦਰ ਬਣਾਉਣ ਦਾ ਵੀ ਸਨਮਾਨ ਦਿੱਤਾ। ਪਰ ਉਹ ਹੌਲੀ-ਹੌਲੀ ਯਹੋਵਾਹ ਤੋਂ ਦੂਰ ਹੋ ਗਿਆ। ਜੇ ਤੁਸੀਂ ਮਾਪੇ ਹੋ, ਤਾਂ ਆਪਣੇ ਬੱਚੇ ਨੂੰ ਸਮਝਾਓ ਕਿ ਝੂਠੀ ਭਗਤੀ ਕਰਨ ਵਾਲਿਆਂ ਨੇ ਕਿਵੇਂ ਸੁਲੇਮਾਨ ਨੂੰ ਪਰਮੇਸ਼ੁਰ ਤੋਂ ਦੂਰ ਕਰ ਦਿੱਤਾ। ਰਾਜ ਵੰਡਿਆ ਗਿਆ ਤੇ ਬੁਰੇ ਰਾਜਿਆਂ ਨੇ ਕੌਮ ਨੂੰ ਪਰਮੇਸ਼ੁਰ ਤੋਂ ਦੂਰ ਕਰ ਦਿੱਤਾ ਤੇ ਲੋਕਾਂ ਨੂੰ ਮੂਰਤੀ-ਪੂਜਾ ਕਰਨ ਲਾ ਦਿੱਤਾ। ਇਸ ਸਮੇਂ ਦੌਰਾਨ ਯਹੋਵਾਹ ਦੇ ਬਹੁਤ ਸਾਰੇ ਵਫ਼ਾਦਾਰ ਸੇਵਕਾਂ ਨੂੰ ਸਤਾਇਆ ਤੇ ਜਾਨੋਂ ਮਾਰਿਆ ਗਿਆ। ਰਾਣੀ ਈਜ਼ਬਲ ਨੇ ਉੱਤਰੀ ਰਾਜ ਦੇ ਲੋਕਾਂ ਤੋਂ ਬਹੁਤ ਭੈੜੇ ਕੰਮ ਕਰਾ ਕੇ ਉਨ੍ਹਾਂ ਨੂੰ ਯਹੋਵਾਹ ਤੋਂ ਬਹੁਤ ਦੂਰ ਕਰ ਦਿੱਤਾ। ਇਹ ਇਜ਼ਰਾਈਲ ਲਈ ਬਹੁਤ ਮਾੜਾ ਸਮਾਂ ਸੀ। ਪਰ ਇਜ਼ਰਾਈਲ ਵਿਚ ਅਜੇ ਵੀ ਬਹੁਤ ਸਾਰੇ ਯਹੋਵਾਹ ਦੇ ਵਫ਼ਾਦਾਰ ਸੇਵਕ ਸਨ ਜਿਨ੍ਹਾਂ ਵਿਚ ਰਾਜਾ ਯਹੋਸ਼ਾਫਾਟ ਤੇ ਏਲੀਯਾਹ ਨਬੀ ਸ਼ਾਮਲ ਸਨ।