“ਭੀੜਾ ਦਰਵਾਜ਼ਾ ਅਤੇ ਤੰਗ ਰਾਹ ਹਮੇਸ਼ਾ ਦੀ ਜ਼ਿੰਦਗੀ ਵੱਲ ਜਾਂਦਾ ਹੈ ਅਤੇ ਥੋੜ੍ਹੇ ਹੀ ਲੋਕ ਇਸ ਨੂੰ ਲੱਭਦੇ ਹਨ।”—ਮੱਤੀ 7:14

ਸਾਨੂੰ ਕਿਵੇਂ ਪਤਾ ਹੈ ਕਿ ਪਰਮੇਸ਼ੁਰ ਹਰ ਤਰ੍ਹਾਂ ਦੀ ਭਗਤੀ ਮਨਜ਼ੂਰ ਨਹੀਂ ਕਰਦਾ?

• ਮੱਤੀ 7:21-23

  ਪਰਮੇਸ਼ੁਰ ਸਾਰੇ ਧਰਮਾਂ ਨੂੰ ਮਨਜ਼ੂਰ ਨਹੀਂ ਕਰਦਾ ਕਿਉਂਕਿ ਸਾਰੇ ਧਰਮ ਉਸ ਦੀ ਇੱਛਾ ਪੂਰੀ ਨਹੀਂ ਕਰਦੇ।

• ਮੱਤੀ 7:13, 14

  ਸੱਚੀ ਭਗਤੀ ਕਰਨ ਨਾਲ ਹਮੇਸ਼ਾ ਦੀ ਜ਼ਿੰਦਗੀ ਮਿਲੇਗੀ। ਝੂਠੀ ਭਗਤੀ ਕਰਨ ਨਾਲ ਹਮੇਸ਼ਾ ਲਈ ਨਾਸ਼ ਹੋ ਜਾਵੇਗਾ।

• ਮੱਤੀ 7:16, 17

  ਤੁਸੀਂ ਸੱਚੀ ਭਗਤੀ ਕਰਨ ਵਾਲਿਆਂ ਨੂੰ ਉਨ੍ਹਾਂ ਦੇ ਕੰਮਾਂ ਤੋਂ ਪਛਾਣ ਸਕਦੇ ਹੋ। ਇਸ ਤਰ੍ਹਾਂ ਕਰਨ ਲਈ ਤੁਹਾਨੂੰ ਸਾਰੇ ਧਰਮਾਂ ਦੀ ਜਾਂਚ ਕਰਨ ਦੀ ਲੋੜ ਨਹੀਂ। ਸਿਰਫ਼ ਇਹ ਜਾਣੋ ਕਿ ਬਾਈਬਲ ਕੀ ਕਹਿੰਦੀ ਹੈ।

• 1 ਥੱਸਲੁਨੀਕੀਆਂ 2:13; 2 ਤਿਮੋਥਿਉਸ 3:16,17

  ਸਿਰਫ਼ ਬਾਈਬਲ ਵਿਚ ਲਿਖੀਆਂ ਗੱਲਾਂ ’ਤੇ ਵਿਸ਼ਵਾਸ ਕਰੋ ਅਤੇ ਉਨ੍ਹਾਂ ਬਾਰੇ ਸਿਖਾਓ।

• ਮੱਤੀ 4:10; ਯੂਹੰਨਾ 17:6

  ਯਹੋਵਾਹ ਦੀ ਭਗਤੀ ਕਰੋ ਅਤੇ ਉਸ ਦਾ ਨਾਂ ਲਓ।

• ਯੂਹੰਨਾ 13:35

  ਇਕ-ਦੂਜੇ ਲਈ ਸੱਚਾ ਪਿਆਰ ਦਿਖਾਓ।

• ਯੂਹੰਨਾ 3:36; ਰਸੂਲਾਂ ਦੇ ਕੰਮ 4:12

  ਯਿਸੂ ਦਾ ਕਹਿਣਾ ਮੰਨੋ। ਪਰਮੇਸ਼ੁਰ ਉਸ ਦੇ ਜ਼ਰੀਏ ਸਾਨੂੰ ਬਚਾਵੇਗਾ।

• ਯੂਹੰਨਾ 18:36; ਰਸੂਲਾਂ ਦੇ ਕੰਮ 5:29

  ਰਾਜਨੀਤਿਕ ਕੰਮਾਂ ਵਿਚ ਹਿੱਸਾ ਨਾ ਲਓ।

• ਮੱਤੀ 24:14; 6:10

  ਦੂਜਿਆਂ ਨੂੰ ਸਿਖਾਓ ਕਿ ਪਰਮੇਸ਼ੁਰ ਦਾ ਰਾਜ ਹੀ ਸਾਡੀਆਂ ਸਾਰੀਆਂ ਮੁਸੀਬਤਾਂ ਦਾ ਹੱਲ ਹੈ।

ਜੇ ਤੁਸੀਂ ਚਾਹੁੰਦੇ ਹੋ ਕਿ ਪਰਮੇਸ਼ੁਰ ਤੁਹਾਡੀ ਭਗਤੀ ਮਨਜ਼ੂਰ ਕਰੇ, ਤਾਂ ਤੁਹਾਨੂੰ ਕੀ ਕਰਨਾ ਚਾਹੀਦਾ ਹੈ?

• ਯਾਕੂਬ 2:19

  ਪਰਮੇਸ਼ੁਰ ’ਤੇ ਵਿਸ਼ਵਾਸ ਕਰਨਾ ਹੀ ਕਾਫ਼ੀ ਨਹੀਂ ਹੈ, ਸਗੋਂ ਤੁਹਾਨੂੰ ਬਾਈਬਲ ਮੁਤਾਬਕ ਕੰਮ ਕਰਨ ਦੀ ਵੀ ਲੋੜ ਹੈ।

• ਯਸਾਯਾਹ 52:11; ਪ੍ਰਕਾਸ਼ ਦੀ ਕਿਤਾਬ 17:5

  “ਮਹਾਂ ਬਾਬਲ” ਯਾਨੀ ਝੂਠਾ ਧਰਮ ਲੋਕਾਂ ਨੂੰ ਇਸ ਤਰ੍ਹਾਂ ਦੀ ਭਗਤੀ ਕਰਨੀ ਸਿਖਾਉਂਦਾ ਹੈ ਜੋ ਪਰਮੇਸ਼ੁਰ ਨੂੰ ਬਿਲਕੁਲ ਵੀ ਮਨਜ਼ੂਰ ਨਹੀਂ ਹੈ। ਇਹ ਤ੍ਰਿਏਕ, ਅਮਰ ਆਤਮਾ ਅਤੇ ਨਰਕ ਦੀ ਅੱਗ ਵਰਗੀਆਂ ਝੂਠੀਆਂ ਸਿੱਖਿਆਵਾਂ ਸਿਖਾਉਂਦਾ ਹੈ।

• ਪ੍ਰਕਾਸ਼ ਦੀ ਕਿਤਾਬ 18:4, 8

  ਯਹੋਵਾਹ ਜਲਦੀ ਹੀ ਸਾਰੇ ਝੂਠੇ ਧਰਮਾਂ ਦਾ ਨਾਸ਼ ਕਰ ਦੇਵੇਗਾ। ਇਸ ਲਈ ਤੁਹਾਨੂੰ ਝੂਠੀ ਭਗਤੀ ਨਾਲ ਜੁੜੀ ਹਰ ਚੀਜ਼ ਨੂੰ ਠੁਕਰਾਉਣ ਦੀ ਲੋੜ ਹੈ।

• ਮਰਕੁਸ 10:28-30

  ਸ਼ਾਇਦ ਤੁਹਾਡਾ ਵਿਰੋਧ ਹੋਵੇ, ਪਰ ਯਹੋਵਾਹ ਤੁਹਾਨੂੰ ਕਦੀ ਵੀ ਨਹੀਂ ਛੱਡੇਗਾ।