“ਆਖ਼ਰੀ ਦੁਸ਼ਮਣ ਮੌਤ ਨੂੰ ਵੀ ਖ਼ਤਮ ਕਰ ਦਿੱਤਾ ਜਾਵੇਗਾ।”—1 ਕੁਰਿੰਥੀਆਂ 15:26

ਕਿਸੇ ਅਜ਼ੀਜ਼ ਦੀ ਮੌਤ ਹੋਣ ’ਤੇ ਬਾਈਬਲ ਤੋਂ ਸਾਨੂੰ ਸੱਚਾ ਦਿਲਾਸਾ ਕਿਵੇਂ ਮਿਲਦਾ ਹੈ?

• 2 ਕੁਰਿੰਥੀਆਂ 1:3, 4

  ਪਰਿਵਾਰ ਦੇ ਜੀਅ ਜਾਂ ਕਿਸੇ ਕਰੀਬੀ ਦੋਸਤ ਦੀ ਮੌਤ ਹੋ ਜਾਣ ’ਤੇ ਅਸੀਂ ਸ਼ਾਇਦ ਬੇਬੱਸ ਮਹਿਸੂਸ ਕਰੀਏ। ਇੱਦਾਂ ਦੇ ਸਮੇਂ ਵਿਚ ਬਾਈਬਲ ਸਾਨੂੰ ਸੱਚਾ ਦਿਲਾਸਾ ਦਿੰਦੀ ਹੈ।

• ਯਸਾਯਾਹ 25:8; 26:19

  ਯਹੋਵਾਹ ਕੋਲ ਮੌਤ ਨੂੰ ਹਮੇਸ਼ਾ ਲਈ ਖ਼ਤਮ ਕਰਨ ਦੀ ਤਾਕਤ ਹੈ। ਇੰਨਾ ਹੀ ਨਹੀਂ, ਉਹ ਮਰ ਚੁੱਕੇ ਲੋਕਾਂ ਨੂੰ ਵੀ ਜੀਉਂਦਾ ਕਰੇਗਾ।

“ਬੇਟੀ, ਮੈਂ ਤੈਨੂੰ ਕਹਿੰਦਾ ਹਾਂ, ‘ਉੱਠ!’”—ਮਰਕੁਸ 5:41

ਅਸੀਂ ਕਿਉਂ ਭਰੋਸਾ ਰੱਖ ਸਕਦੇ ਹਾਂ ਕਿ ਮਰ ਚੁੱਕੇ ਲੋਕਾਂ ਨੂੰ ਜੀਉਂਦਾ ਕੀਤਾ ਜਾਵੇਗਾ?

• ਯੂਹੰਨਾ 11:1-44

  ਯਿਸੂ ਨੇ ਲਾਜ਼ਰ ਨੂੰ ਜੀਉਂਦਾ ਕੀਤਾ।

• ਮਰਕੁਸ 5:22-24, 35-42

  ਯਿਸੂ ਨੇ ਇਕ ਛੋਟੀ ਕੁੜੀ ਨੂੰ ਜੀਉਂਦਾ ਕੀਤਾ।

• ਯੂਹੰਨਾ 11:41, 42

  ਯਿਸੂ ਨੇ ਯਹੋਵਾਹ ਤੋਂ ਮਿਲੀ ਤਾਕਤ ਨਾਲ ਮਰੇ ਹੋਇਆਂ ਨੂੰ ਜੀਉਂਦਾ ਕੀਤਾ।

• ਯੂਹੰਨਾ 12:9-11

  ਕਈ ਲੋਕਾਂ ਨੇ ਯਿਸੂ ਨੂੰ ਮਰੇ ਹੋਇਆਂ ਨੂੰ ਜੀਉਂਦੇ ਕਰਦੇ ਦੇਖਿਆ। ਇੱਥੋਂ ਤਕ ਕਿ ਯਿਸੂ ਦੇ ਦੁਸ਼ਮਣ ਵੀ ਜਾਣਦੇ ਸਨ ਕਿ ਉਹ ਮਰੇ ਹੋਇਆਂ ਨੂੰ ਜੀਉਂਦਾ ਕਰ ਸਕਦਾ ਸੀ।

“ਤੂੰ ਪੁਕਾਰੇਂਗਾ ਅਤੇ ਮੈਂ ਤੈਨੂੰ ਉੱਤਰ ਦਿਆਂਗਾ, ਤੂੰ ਆਪਣੇ ਹੱਥਾਂ ਦੇ ਕੰਮ ਨੂੰ ਚਾਹਵੇਂਗਾ।”—ਅੱਯੂਬ 14:13-15

ਕਿਨ੍ਹਾਂ ਨੂੰ ਜੀਉਂਦਾ ਕੀਤਾ ਜਾਵੇਗਾ?

• ਯੂਹੰਨਾ 5:28, 29

  ਉਨ੍ਹਾਂ ਸਾਰੇ ਲੋਕਾਂ ਨੂੰ ਜੀਉਂਦਾ ਕੀਤਾ ਜਾਵੇਗਾ ਜੋ ਯਹੋਵਾਹ ਦੀ ਯਾਦਾਸ਼ਤ ਵਿਚ ਹਨ।

• ਰਸੂਲਾਂ ਦੇ ਕੰਮ 24:15

  ਧਰਮੀ ਅਤੇ ਕੁਧਰਮੀ ਲੋਕਾਂ ਨੂੰ ਜੀਉਂਦਾ ਕੀਤਾ ਜਾਵੇਗਾ।

• ਯਸਾਯਾਹ 40:26

  ਜੇ ਯਹੋਵਾਹ ਹਰੇਕ ਤਾਰੇ ਦਾ ਨਾਂ ਯਾਦ ਰੱਖ ਸਕਦਾ ਹੈ, ਤਾਂ ਫਿਰ ਉਹ ਜ਼ਰੂਰ ਉਨ੍ਹਾਂ ਲੋਕਾਂ ਬਾਰੇ ਹਰ ਗੱਲ ਯਾਦ ਰੱਖ ਸਕਦਾ ਹੈ ਜਿਨ੍ਹਾਂ ਨੂੰ ਉਹ ਜੀਉਂਦਾ ਕਰੇਗਾ।

“ਮੈਂ ਤੁਹਾਡੇ ਲਈ ਜਗ੍ਹਾ ਤਿਆਰ ਕਰਨ ਜਾ ਰਿਹਾ ਹਾਂ।”—ਯੂਹੰਨਾ 14:2

ਕਿਨ੍ਹਾਂ ਨੂੰ ਸਵਰਗ ਵਿਚ ਜੀਉਣ ਲਈ ਜੀਉਂਦਾ ਕੀਤਾ ਜਾਵੇਗਾ?

• 1 ਪਤਰਸ 3:18

  ਯਿਸੂ ਪਹਿਲਾ ਇਨਸਾਨ ਸੀ ਜਿਸ ਨੂੰ ਸਵਰਗ ਵਿਚ ਜੀਉਣ ਲਈ ਜੀਉਂਦਾ ਕੀਤਾ ਗਿਆ।

• ਲੂਕਾ 12:32

  ਯਿਸੂ ਨੇ ਕਿਹਾ ਕਿ ਉਸ ਦੇ ਚੇਲਿਆਂ ਵਿੱਚੋਂ ਜਿਨ੍ਹਾਂ ਨੂੰ ਸਵਰਗ ਜਾਣ ਲਈ ਚੁਣਿਆ ਜਾਵੇਗਾ, ਉਨ੍ਹਾਂ ਦੀ ਗਿਣਤੀ ਘੱਟ ਹੋਵੇਗੀ।

• ਪ੍ਰਕਾਸ਼ ਦੀ ਕਿਤਾਬ 14:1

  ਯਹੋਵਾਹ ਨੇ 1,44,000 ਲੋਕਾਂ ਨੂੰ ਸਵਰਗ ਵਿਚ ਰਹਿਣ ਲਈ ਚੁਣਿਆ ਹੈ।