ਬਾਈਬਲ ਵਿੱਚੋਂ ਮਿਸਾਲਾਂ:

• ਉਤ 24:1-4, 7​—ਸਿਆਣੀ ਉਮਰ ਦੇ ਅਬਰਾਹਾਮ ਨੇ ਠਾਣਿਆ ਸੀ ਕਿ ਉਹ ਆਪਣੇ ਮੁੰਡੇ ਦਾ ਵਿਆਹ ਹੋਰ ਦੇਵੀ-ਦੇਵਤਿਆਂ ਦੀ ਭਗਤੀ ਕਰਨ ਵਾਲੀ ਕਿਸੇ ਕਨਾਨੀ ਕੁੜੀ ਨਾਲ ਨਹੀਂ, ਸਗੋਂ ਯਹੋਵਾਹ ਦੀ ਭਗਤੀ ਕਰਨ ਵਾਲੀ ਕੁੜੀ ਨਾਲ ਕਰੇਗਾ

• ਉਤ 28:1-4​—ਇਸਹਾਕ ਨੇ ਆਪਣੇ ਮੁੰਡੇ ਯਾਕੂਬ ਨੂੰ ਕਿਹਾ ਕਿ ਉਹ ਕਿਸੇ ਕਨਾਨੀ ਕੁੜੀ ਨਾਲ ਨਹੀਂ, ਸਗੋਂ ਉਸ ਕੁੜੀ ਨਾਲ ਵਿਆਹ ਕਰੇ ਜੋ ਯਹੋਵਾਹ ਦੀ ਸੇਵਾ ਕਰਦੀ ਹੋਵੇ

ਬਾਈਬਲ ਵਿੱਚੋਂ ਮਿਸਾਲਾਂ:

• 1 ਰਾਜ 11:1-6, 9-11​—ਯਹੋਵਾਹ ਦਾ ਗੁੱਸਾ ਰਾਜਾ ਸੁਲੇਮਾਨ ʼਤੇ ਭੜਕਿਆ ਕਿਉਂਕਿ ਉਸ ਨੇ ਯਹੋਵਾਹ ਦੀਆਂ ਚੇਤਾਵਨੀਆਂ ਨੂੰ ਨਜ਼ਰਅੰਦਾਜ਼ ਕੀਤਾ, ਵਿਦੇਸ਼ੀ ਔਰਤਾਂ ਨਾਲ ਵਿਆਹ ਕਰਾਇਆ ਅਤੇ ਉਨ੍ਹਾਂ ਪਿੱਛੇ ਲੱਗ ਕੇ ਝੂਠੇ ਦੇਵੀ-ਦੇਵਤਿਆਂ ਦੀ ਭਗਤੀ ਕੀਤੀ

• ਨਹ 13:23-27​—ਯਹੋਵਾਹ ਵਾਂਗ ਰਾਜਪਾਲ ਨਹਮਯਾਹ ਨੂੰ ਵੀ ਉਨ੍ਹਾਂ ਇਜ਼ਰਾਈਲੀ ਆਦਮੀਆਂ ʼਤੇ ਗੁੱਸਾ ਆਇਆ ਜਿਨ੍ਹਾਂ ਨੇ ਹੋਰ ਦੇਵੀ-ਦੇਵਤਿਆਂ ਦੀ ਭਗਤੀ ਕਰਨ ਵਾਲੀਆਂ ਵਿਦੇਸ਼ੀ ਔਰਤਾਂ ਨਾਲ ਵਿਆਹ ਕਰਾਇਆ ਸੀ। ਉਸ ਨੇ ਉਨ੍ਹਾਂ ਨੂੰ ਸੁਧਾਰਨ ਲਈ ਤਾੜਿਆ ਤੇ ਫਿਟਕਾਰਿਆ

ਬਾਈਬਲ ਵਿੱਚੋਂ ਮਿਸਾਲਾਂ:

• 1 ਸਮੂ 25:2, 3, 14-17​—ਨਾਬਾਲ ਬਹੁਤ ਅਮੀਰ ਸੀ, ਪਰ ਉਹ ਕਠੋਰ ਸੁਭਾਅ ਦਾ ਸੀ ਤੇ ਬੁਰਾ ਸਲੂਕ ਕਰਦਾ ਸੀ। ਇਸ ਲਈ ਉਹ ਇਕ ਚੰਗਾ ਪਤੀ ਨਹੀਂ ਸੀ

• ਕਹਾ 21:9​—ਗ਼ਲਤ ਜੀਵਨ ਸਾਥੀ ਚੁਣਨ ਨਾਲ ਅਸੀਂ ਖ਼ੁਸ਼ ਨਹੀਂ ਰਹਿ ਪਾਵਾਂਗੇ ਅਤੇ ਸਾਡਾ ਚੈਨ ਜਾਂਦਾ ਲੱਗੇਗਾ

• ਰੋਮੀ 7:2​—ਪੌਲੁਸ ਰਸੂਲ ਨੇ ਸਮਝਾਇਆ ਕਿ ਜਦੋਂ ਇਕ ਔਰਤ ਵਿਆਹ ਕਰਾਉਂਦੀ ਹੈ, ਤਾਂ ਉਸ ਨੂੰ ਆਪਣੇ ਨਾਮੁਕੰਮਲ ਪਤੀ ਦੇ ਅਧੀਨ ਰਹਿਣਾ ਪਵੇਗਾ। ਇਸ ਲਈ ਇਕ ਸਮਝਦਾਰ ਔਰਤ ਬਹੁਤ ਸੋਚ-ਸਮਝ ਕੇ ਆਪਣਾ ਜੀਵਨ ਸਾਥੀ ਚੁਣੇਗੀ

ਬਾਈਬਲ ਵਿੱਚੋਂ ਮਿਸਾਲਾਂ:

• ਕਹਾ 24:27​—ਵਿਆਹ ਕਰਾਉਣ ਤੇ ਬੱਚੇ ਪੈਦਾ ਕਰਨ ਤੋਂ ਪਹਿਲਾਂ ਇਕ ਆਦਮੀ ਨੂੰ ਸਖ਼ਤ ਮਿਹਨਤ ਕਰਨੀ ਚਾਹੀਦੀ ਹੈ ਤਾਂਕਿ ਉਹ ਆਪਣੇ ਪਰਿਵਾਰ ਦਾ ਗੁਜ਼ਾਰਾ ਤੋਰ ਸਕੇ

ਬਾਈਬਲ ਵਿੱਚੋਂ ਮਿਸਾਲਾਂ:

• ਰੂਥ 2:4-7, 10-12​—ਬੋਅਜ਼ ਨੇ ਰੂਥ ਨੂੰ ਜਾਣਨ ਲਈ ਧਿਆਨ ਨਾਲ ਦੇਖਿਆ ਕਿ ਉਹ ਕਿੰਨੀ ਸਖ਼ਤ ਮਿਹਨਤ ਕਰਦੀ ਸੀ, ਨਾਓਮੀ ਦਾ ਕਿੰਨਾ ਖ਼ਿਆਲ ਰੱਖਦੀ ਸੀ ਅਤੇ ਯਹੋਵਾਹ ਨੂੰ ਕਿੰਨਾ ਪਿਆਰ ਕਰਦੀ ਸੀ। ਨਾਲੇ ਉਸ ਨੇ ਦੂਜਿਆਂ ਤੋਂ ਵੀ ਰੂਥ ਦੀ ਨੇਕਨਾਮੀ ਬਾਰੇ ਸੁਣਿਆ ਸੀ

• ਰੂਥ 2:8, 9, 20​—ਰੂਥ ਨੇ ਵੀ ਦੇਖਿਆ ਕਿ ਬੋਅਜ਼ ਇਕ ਚੰਗਾ ਤੇ ਖੁੱਲ੍ਹ-ਦਿਲਾ ਇਨਸਾਨ ਸੀ ਅਤੇ ਉਹ ਯਹੋਵਾਹ ਨਾਲ ਪਿਆਰ ਕਰਦਾ ਸੀ

ਬਾਈਬਲ ਵਿੱਚੋਂ ਮਿਸਾਲਾਂ:

• ਕਹਾ 5:18, 19​—ਪਿਆਰ ਦਾ ਇਜ਼ਹਾਰ ਕਰਨ ਦੇ ਕੁਝ ਤਰੀਕੇ ਸਿਰਫ਼ ਪਤੀ-ਪਤਨੀਆਂ ਲਈ ਹੁੰਦੇ ਹਨ

• ਸ੍ਰੇਸ਼ 1:2; 2:6​—ਸ਼ੂਲਮੀਥ ਕੁੜੀ ਅਤੇ ਚਰਵਾਹੇ ਨੇ ਇਕ-ਦੂਜੇ ਲਈ ਕਾਮ-ਵਾਸ਼ਨਾ ਦੀ ਲਾਲਸਾ ਨਾਲ ਨਹੀਂ, ਸਗੋਂ ਸਹੀ ਤਰੀਕੇ ਨਾਲ ਆਪਣੇ ਪਿਆਰ ਦਾ ਇਜ਼ਹਾਰ ਕੀਤਾ

• ਸ੍ਰੇਸ਼ 4:12; 8:8-10​—ਸ਼ੂਲਮੀਥ ਕੁੜੀ ਤਾਲੇ-ਬੰਦ ਬਾਗ਼ ਵਰਗੀ ਸੀ ਯਾਨੀ ਉਸ ਨੇ ਆਪਣੀਆਂ ਭਾਵਨਾਵਾਂ ʼਤੇ ਕਾਬੂ ਰੱਖਿਆ ਤੇ ਉਹ ਪਵਿੱਤਰ ਰਹੀ

 ਬਾਈਬਲ ਵਿੱਚੋਂ ਮਿਸਾਲਾਂ:

• ਉਤ 21:8-12​—ਯਹੋਵਾਹ ਨੇ ਅਬਰਾਹਾਮ ਨੂੰ ਕਿਹਾ ਕਿ ਭਾਵੇਂ ਉਸ ਨੂੰ ਆਪਣੀ ਪਤਨੀ ਸਾਰਾਹ ਦੀ ਗੱਲ ਬੁਰੀ ਲੱਗੀ, ਫਿਰ ਵੀ ਉਸ ਨੂੰ ਸਾਰਾਹ ਦੀ ਗੱਲ ਮੰਨਣੀ ਚਾਹੀਦੀ ਹੈ

• ਕਹਾ 31:10, 11, 16, 28​—ਇਨ੍ਹਾਂ ਆਇਤਾਂ ਮੁਤਾਬਕ ਇਕ ਗੁਣਵਾਨ ਪਤਨੀ ਦਾ ਪਤੀ ਸਮਝ ਤੋਂ ਕੰਮ ਲੈਂਦਾ ਹੈ। ਉਹ ਆਪਣੀ ਪਤਨੀ ਨੂੰ ਕਾਬੂ ਵਿਚ ਰੱਖਣ ਦੀ ਕੋਸ਼ਿਸ਼ ਨਹੀਂ ਕਰਦਾ ਤੇ ਨਾ ਹੀ ਉਸ ਵਿਚ ਨੁਕਸ ਕੱਢਦਾ ਹੈ। ਇਸ ਦੀ ਬਜਾਇ, ਉਹ ਉਸ ʼਤੇ ਭਰੋਸਾ ਕਰਦਾ ਹੈ ਅਤੇ ਉਸ ਦੀ ਤਾਰੀਫ਼ ਕਰਦਾ ਹੈ

• ਅਫ਼ 5:33​—ਪੌਲੁਸ ਰਸੂਲ ਦੇ ਸ਼ਬਦਾਂ ਤੋਂ ਪਤਾ ਲੱਗਦਾ ਹੈ ਕਿ ਪਤਨੀ ਦੀ ਇਕ ਖ਼ਾਸ ਲੋੜ ਹੈ। ਉਹ ਇਹ ਹੈ ਕਿ ਪਤੀ ਉਸ ਨੂੰ ਆਪਣੇ ਪਿਆਰ ਦਾ ਅਹਿਸਾਸ ਕਰਾਵੇ

ਬਾਈਬਲ ਵਿੱਚੋਂ ਮਿਸਾਲਾਂ:

• ਕਹਾ 1:8; 1 ਕੁਰਿੰ 7:4​—ਵਿਆਹੁਤਾ ਅਤੇ ਪਰਿਵਾਰਕ ਜ਼ਿੰਦਗੀ ਵਿਚ ਪਰਮੇਸ਼ੁਰ ਨੇ ਪਤਨੀ ਅਤੇ ਮਾਂ ਨੂੰ ਕੁਝ ਹੱਦ ਤਕ ਅਧਿਕਾਰ ਦਿੱਤਾ ਹੈ

• 1 ਕੁਰਿੰ 11:3​—ਪੌਲੁਸ ਰਸੂਲ ਨੇ ਸਮਝਾਇਆ ਕਿ ਸਿਰਫ਼ ਸਰਬਸ਼ਕਤੀਮਾਨ ਯਹੋਵਾਹ ਨੂੰ ਛੱਡ ਕੇ ਬਾਕੀ ਹਰ ਕੋਈ ਕਿਸੇ-ਨਾ-ਕਿਸੇ ਦੇ ਅਧੀਨ ਹੈ

• ਇਬ 13:7, 17​—ਮੰਡਲੀ ਵਿਚ ਸਾਰੇ ਆਦਮੀਆਂ ਅਤੇ ਔਰਤਾਂ ਨੂੰ ਅਗਵਾਈ ਲੈਣ ਵਾਲੇ ਭਰਾਵਾਂ ਦੇ ਅਧੀਨ ਰਹਿਣਾ ਚਾਹੀਦਾ ਹੈ ਤੇ ਉਨ੍ਹਾਂ ਦੀ ਆਗਿਆ ਮੰਨਣੀ ਚਾਹੀਦੀ ਹੈ

ਬਾਈਬਲ ਵਿੱਚੋਂ ਮਿਸਾਲਾਂ:

• ਉਤ 18:12; 1 ਪਤ 3:5, 6​—ਸਾਰਾਹ ਆਪਣੇ ਪਤੀ ਅਬਰਾਹਾਮ ਦਾ ਗਹਿਰਾ ਆਦਰ ਕਰਦੀ ਸੀ ਅਤੇ ਉਸ ਨੂੰ ਆਪਣੀ ਸੋਚ ਵਿਚ ਵੀ “ਪ੍ਰਭੂ” ਯਾਨੀ ਮੁਖੀ ਮੰਨਦੀ ਸੀ

ਬਾਈਬਲ ਵਿੱਚੋਂ ਮਿਸਾਲਾਂ:

• ਉਤ 24:62-67​—ਰਿਬਕਾਹ ਨੇ ਆਪਣੇ ਪਤੀ ਇਸਹਾਕ ਦੀ ਮਦਦ ਕੀਤੀ ਤਾਂਕਿ ਉਸ ਨੂੰ ਆਪਣੀ ਮਾਂ ਦੀ ਮੌਤ ਦੇ ਗਮ ਤੋਂ ਦਿਲਾਸਾ ਮਿਲੇ

• 1 ਸਮੂ 25:14-24, 32-38​—ਅਬੀਗੈਲ ਨੇ ਆਪਣੇ ਮੂਰਖ ਪਤੀ ਅਤੇ ਆਪਣੇ ਸਾਰੇ ਘਰਾਣੇ ਨੂੰ ਬਚਾਉਣ ਲਈ ਨਿਮਰ ਹੋ ਕੇ ਦਾਊਦ ਤੋਂ ਦਇਆ ਦੀ ਭੀਖ ਮੰਗੀ

• ਅਸ 4:6-17; 5:1-8; 7:1-6; 8:3-6​—ਰਾਣੀ ਅਸਤਰ ਨੇ ਪਰਮੇਸ਼ੁਰ ਦੇ ਲੋਕਾਂ ਨੂੰ ਬਚਾਉਣ ਲਈ ਦੋ ਵਾਰ ਆਪਣੀ ਜਾਨ ਖ਼ਤਰੇ ਵਿਚ ਪਾਈ ਅਤੇ ਬਿਨ-ਬੁਲਾਏ ਆਪਣੇ ਪਤੀ ਯਾਨੀ ਰਾਜੇ ਸਾਮ੍ਹਣੇ ਫ਼ਰਿਆਦ ਕਰਨ ਗਈ