ਆਮੋਸ 1:1-15
1 ਤਕੋਆ+ ਦੇ ਇਕ ਚਰਵਾਹੇ ਆਮੋਸ* ਦਾ ਸੰਦੇਸ਼ ਜੋ ਉਸ ਨੂੰ ਇਕ ਦਰਸ਼ਣ ਵਿਚ ਮਿਲਿਆ ਸੀ। ਉਸ ਨੂੰ ਇਜ਼ਰਾਈਲ ਸੰਬੰਧੀ ਇਹ ਸੰਦੇਸ਼ ਭੁਚਾਲ਼ ਤੋਂ ਦੋ ਸਾਲ ਪਹਿਲਾਂ ਯਹੂਦਾਹ ਦੇ ਰਾਜਾ ਉਜ਼ੀਯਾਹ+ ਅਤੇ ਇਜ਼ਰਾਈਲ ਦੇ ਰਾਜਾ ਯਾਰਾਬੁਆਮ+ ਜੋ ਯੋਆਸ਼+ ਦਾ ਪੁੱਤਰ ਸੀ, ਦੇ ਰਾਜ ਦੌਰਾਨ ਮਿਲਿਆ।+
2 ਉਸ ਨੇ ਕਿਹਾ:
“ਯਹੋਵਾਹ ਸੀਓਨ ਤੋਂ ਗਰਜੇਗਾਅਤੇ ਯਰੂਸ਼ਲਮ ਤੋਂ ਉੱਚੀ ਆਵਾਜ਼ ਵਿਚ ਬੋਲੇਗਾ।
ਚਰਵਾਹਿਆਂ ਦੀਆਂ ਚਰਾਂਦਾਂ ਸੋਗ ਮਨਾਉਣਗੀਆਂ,ਕਰਮਲ ਪਹਾੜ ਦੀ ਚੋਟੀ ਸੁੱਕ ਜਾਵੇਗੀ।”+
3 “ਯਹੋਵਾਹ ਇਹ ਕਹਿੰਦਾ ਹੈ,‘“ਦਮਿਸਕ ਨੇ ਵਾਰ-ਵਾਰ* ਬਗਾਵਤ ਕੀਤੀ,* ਇਸ ਲਈ ਮੈਂ ਆਪਣੇ ਫ਼ੈਸਲੇ ਤੋਂ ਪਿੱਛੇ ਨਹੀਂ ਹਟਾਂਗਾਕਿਉਂਕਿ ਉਨ੍ਹਾਂ ਨੇ ਲੋਹੇ ਦੇ ਫੱਟਿਆਂ ਨਾਲ ਗਿਲਆਦ ਨੂੰ ਗਾਹਿਆ* ਹੈ।+
4 ਇਸ ਲਈ ਮੈਂ ਹਜ਼ਾਏਲ ਦੇ ਘਰ ’ਤੇ ਅੱਗ ਘੱਲਾਂਗਾ,+ਇਹ ਬਨ-ਹਦਦ ਦੇ ਕਿਲਿਆਂ ਨੂੰ ਸਾੜ ਕੇ ਸੁਆਹ ਕਰ ਦੇਵੇਗੀ।+
5 ਮੈਂ ਦਮਿਸਕ ਦੇ ਕੁੰਡਿਆਂ ਨੂੰ ਭੰਨ ਸੁੱਟਾਂਗਾ;+ਮੈਂ ਬਿਕਥ-ਆਵਨ ਦੇ ਵਾਸੀਆਂ ਨੂੰਅਤੇ ਬੈਤ-ਅਦਨ ਤੋਂ ਰਾਜ ਕਰਨ ਵਾਲੇ ਨੂੰ* ਨਾਸ਼ ਕਰਾਂਗਾ;ਸੀਰੀਆ ਦੇ ਲੋਕਾਂ ਨੂੰ ਬੰਦੀ ਬਣਾ ਕੇ ਕੀਰ ਲਿਜਾਇਆ ਜਾਵੇਗਾ,”+ ਯਹੋਵਾਹ ਕਹਿੰਦਾ ਹੈ।’
6 ਯਹੋਵਾਹ ਇਹ ਕਹਿੰਦਾ ਹੈ,‘“ਗਾਜ਼ਾ ਨੇ ਵਾਰ-ਵਾਰ* ਬਗਾਵਤ ਕੀਤੀ,+ ਇਸ ਲਈ ਮੈਂ ਆਪਣੇ ਫ਼ੈਸਲੇ ਤੋਂ ਪਿੱਛੇ ਨਹੀਂ ਹਟਾਂਗਾਕਿਉਂਕਿ ਉਨ੍ਹਾਂ ਨੇ ਸਾਰੇ ਲੋਕਾਂ ਨੂੰ ਬੰਦੀ ਬਣਾ ਕੇ+ ਅਦੋਮ ਦੇ ਹਵਾਲੇ ਕੀਤਾ।
7 ਇਸ ਲਈ ਮੈਂ ਗਾਜ਼ਾ ਦੀ ਕੰਧ ’ਤੇ ਅੱਗ ਘੱਲਾਂਗਾ,+ਇਹ ਉਸ ਦੇ ਕਿਲਿਆਂ ਨੂੰ ਸਾੜ ਕੇ ਸੁਆਹ ਕਰ ਦੇਵੇਗੀ।
8 ਮੈਂ ਅਸ਼ਦੋਦ ਦੇ ਵਾਸੀਆਂ ਨੂੰਅਤੇ ਅਸ਼ਕਲੋਨ ਤੋਂ ਰਾਜ ਕਰਨ ਵਾਲੇ ਨੂੰ* ਨਾਸ਼ ਕਰ ਦਿਆਂਗਾ;+ਮੈਂ ਆਪਣਾ ਹੱਥ ਅਕਰੋਨ ’ਤੇ ਚੁੱਕਾਂਗਾ+ਅਤੇ ਬਾਕੀ ਬਚੇ ਫਲਿਸਤੀ ਖ਼ਤਮ ਹੋ ਜਾਣਗੇ,”+ ਸਾਰੇ ਜਹਾਨ ਦਾ ਮਾਲਕ ਯਹੋਵਾਹ ਕਹਿੰਦਾ ਹੈ।’
9 ਯਹੋਵਾਹ ਇਹ ਕਹਿੰਦਾ ਹੈ,‘ਸੋਰ ਨੇ ਵਾਰ-ਵਾਰ* ਬਗਾਵਤ ਕੀਤੀ,+ ਇਸ ਲਈ ਮੈਂ ਆਪਣੇ ਫ਼ੈਸਲੇ ਤੋਂ ਪਿੱਛੇ ਨਹੀਂ ਹਟਾਂਗਾਕਿਉਂਕਿ ਉਨ੍ਹਾਂ ਨੇ ਸਾਰੇ ਲੋਕਾਂ ਨੂੰ ਬੰਦੀ ਬਣਾ ਕੇ ਅਦੋਮ ਦੇ ਹਵਾਲੇ ਕੀਤਾਅਤੇ ਆਪਣੇ ਭਰਾਵਾਂ ਨਾਲ ਕੀਤੇ ਇਕਰਾਰ ਨੂੰ ਯਾਦ ਨਹੀਂ ਰੱਖਿਆ।+
10 ਇਸ ਲਈ ਮੈਂ ਸੋਰ ਦੀ ਕੰਧ ’ਤੇ ਅੱਗ ਘੱਲਾਂਗਾ,ਇਹ ਉਸ ਦੇ ਕਿਲਿਆਂ ਨੂੰ ਸਾੜ ਕੇ ਸੁਆਹ ਕਰ ਦੇਵੇਗੀ।’+
11 ਯਹੋਵਾਹ ਇਹ ਕਹਿੰਦਾ ਹੈ,‘ਅਦੋਮ ਨੇ ਵਾਰ-ਵਾਰ* ਬਗਾਵਤ ਕੀਤੀ,+ ਇਸ ਲਈ ਮੈਂ ਆਪਣੇ ਫ਼ੈਸਲੇ ਤੋਂ ਪਿੱਛੇ ਨਹੀਂ ਹਟਾਂਗਾਕਿਉਂਕਿ ਉਸ ਨੇ ਤਲਵਾਰ ਲੈ ਕੇ ਆਪਣੇ ਭਰਾ ਦਾ ਪਿੱਛਾ ਕੀਤਾ+ਅਤੇ ਉਸ ’ਤੇ ਰਹਿਮ ਕਰਨ ਤੋਂ ਇਨਕਾਰ ਕੀਤਾ;ਉਹ ਗੁੱਸੇ ਵਿਚ ਆ ਕੇ ਬੇਰਹਿਮੀ ਨਾਲ ਉਨ੍ਹਾਂ ਨੂੰ ਪਾੜਦਾ ਹੈਅਤੇ ਉਨ੍ਹਾਂ ’ਤੇ ਉਸ ਦਾ ਕ੍ਰੋਧ ਹਮੇਸ਼ਾ ਰਹਿੰਦਾ ਹੈ।+
12 ਇਸ ਲਈ ਮੈਂ ਤੇਮਾਨ ’ਤੇ ਅੱਗ ਘੱਲਾਂਗਾ,+ਇਹ ਬਾਸਰਾਹ ਦੇ ਕਿਲਿਆਂ ਨੂੰ ਸਾੜ ਕੇ ਸੁਆਹ ਕਰ ਦੇਵੇਗੀ।’+
13 ਯਹੋਵਾਹ ਇਹ ਕਹਿੰਦਾ ਹੈ,‘“ਅੰਮੋਨੀਆਂ ਨੇ ਵਾਰ-ਵਾਰ* ਬਗਾਵਤ ਕੀਤੀ,+ ਇਸ ਲਈ ਮੈਂ ਆਪਣੇ ਫ਼ੈਸਲੇ ਤੋਂ ਪਿੱਛੇ ਨਹੀਂ ਹਟਾਂਗਾਕਿਉਂਕਿ ਉਨ੍ਹਾਂ ਨੇ ਆਪਣਾ ਇਲਾਕਾ ਵੱਡਾ ਕਰਨ ਲਈ ਗਿਲਆਦ ਦੀਆਂ ਗਰਭਵਤੀ ਔਰਤਾਂ ਦੇ ਢਿੱਡ ਚੀਰ ਦਿੱਤੇ।+
14 ਇਸ ਲਈ ਮੈਂ ਰੱਬਾਹ ਦੀ ਕੰਧ ਨੂੰ ਅੱਗ ਲਾ ਦਿਆਂਗਾ,+ਇਹ ਉਸ ਦੇ ਕਿਲਿਆਂ ਨੂੰ ਸਾੜ ਕੇ ਸੁਆਹ ਕਰ ਦੇਵੇਗੀ,ਯੁੱਧ ਦੇ ਦਿਨ ਲੜਾਈ ਦਾ ਹੋਕਾ ਦਿੱਤਾ ਜਾਵੇਗਾ,ਤੂਫ਼ਾਨ ਦੇ ਦਿਨ ਝੱਖੜ ਝੁੱਲੇਗਾ।
15 ਉਨ੍ਹਾਂ ਦੇ ਰਾਜੇ ਨੂੰ ਅਧਿਕਾਰੀਆਂ* ਸਮੇਤ ਬੰਦੀ ਬਣਾ ਲਿਆ ਜਾਵੇਗਾ,”+ ਯਹੋਵਾਹ ਕਹਿੰਦਾ ਹੈ।’
ਫੁਟਨੋਟ
^ ਮਤਲਬ “ਬੋਝ ਹੋਣਾ” ਜਾਂ “ਭਾਰ ਢੋਣਾ।”
^ ਇਬ, “ਤਿੰਨ ਵਾਰ ਇੱਥੋਂ ਤਕ ਕਿ ਚਾਰ ਵਾਰ।”
^ ਜਾਂ, “ਜੁਰਮ ਕੀਤੇ।”
^ ਇਬ, “ਰਾਜ-ਡੰਡਾ ਫੜਨ ਵਾਲੇ ਨੂੰ।”
^ ਇਬ, “ਤਿੰਨ ਵਾਰ ਇੱਥੋਂ ਤਕ ਕਿ ਚਾਰ ਵਾਰ।”
^ ਇਬ, “ਰਾਜ-ਡੰਡਾ ਫੜਨ ਵਾਲੇ ਨੂੰ।”
^ ਇਬ, “ਤਿੰਨ ਵਾਰ ਇੱਥੋਂ ਤਕ ਕਿ ਚਾਰ ਵਾਰ।”
^ ਇਬ, “ਤਿੰਨ ਵਾਰ ਇੱਥੋਂ ਤਕ ਕਿ ਚਾਰ ਵਾਰ।”
^ ਇਬ, “ਤਿੰਨ ਵਾਰ ਇੱਥੋਂ ਤਕ ਕਿ ਚਾਰ ਵਾਰ।”
^ ਜਾਂ ਸੰਭਵ ਹੈ, “ਰਾਜਕੁਮਾਰਾਂ।”
