ਜ਼ਕਰਯਾਹ 10:1-12
10 “ਯਹੋਵਾਹ ਤੋਂ ਮੀਂਹ ਮੰਗੋ, ਬਸੰਤ ਰੁੱਤ ਦਾ ਮੀਂਹ ਮੰਗੋ।
ਯਹੋਵਾਹ ਹੀ ਹੈ ਜੋ ਸੰਘਣੇ ਬੱਦਲ ਬਣਾਉਂਦਾ ਹੈ,ਉਹ ਉਨ੍ਹਾਂ ਲਈ ਮੀਂਹ ਵਰਸਾਉਂਦਾ ਹੈ+ਅਤੇ ਹਰੇਕ ਲਈ ਖੇਤ ਵਿਚ ਪੇੜ-ਪੌਦੇ ਉਗਾਉਂਦਾ ਹੈ।
2 ਬੁੱਤਾਂ* ਨੇ ਧੋਖੇ ਭਰੀਆਂ ਗੱਲਾਂ ਕੀਤੀਆਂ ਹਨ;*ਫਾਲ* ਪਾਉਣ ਵਾਲਿਆਂ ਨੇ ਝੂਠੇ ਦਰਸ਼ਣ ਦੇਖੇ ਹਨ।
ਉਹ ਬੇਕਾਰ ਦੇ ਸੁਪਨਿਆਂ ਬਾਰੇ ਗੱਲਾਂ ਕਰਦੇ ਹਨਅਤੇ ਉਹ ਝੂਠੀ ਤਸੱਲੀ ਦਿੰਦੇ ਹਨ।
ਇਸ ਕਰਕੇ ਲੋਕ ਭੇਡਾਂ ਵਾਂਗ ਭਟਕਦੇ ਫਿਰਨਗੇ।
ਉਹ ਕਸ਼ਟ ਸਹਿਣਗੇ ਕਿਉਂਕਿ ਉਨ੍ਹਾਂ ਦਾ ਕੋਈ ਚਰਵਾਹਾ ਨਹੀਂ ਹੈ।
3 ਚਰਵਾਹਿਆਂ ਉੱਤੇ ਮੇਰਾ ਗੁੱਸਾ ਭੜਕਿਆ ਹੈਅਤੇ ਅਤਿਆਚਾਰੀ ਆਗੂਆਂ* ਤੋਂ ਮੈਂ ਲੇਖਾ ਲਵਾਂਗਾ;ਸੈਨਾਵਾਂ ਦੇ ਯਹੋਵਾਹ ਨੇ ਆਪਣੇ ਝੁੰਡ, ਹਾਂ, ਯਹੂਦਾਹ ਦੇ ਘਰਾਣੇ ਵੱਲ ਧਿਆਨ ਦਿੱਤਾ ਹੈ+ਅਤੇ ਉਨ੍ਹਾਂ ਨੂੰ ਅਜਿਹੀ ਸ਼ਾਨ ਦਿੱਤੀ ਹੈ ਜਿਸ ਤਰ੍ਹਾਂ ਦੀ ਉਸ ਦੇ ਯੁੱਧ ਦੇ ਘੋੜੇ ਦੀ ਹੈ।
4 ਉਸ ਤੋਂ ਇਕ ਆਗੂ* ਆਵੇਗਾ,ਉਸ ਤੋਂ ਮਦਦ ਕਰਨ ਵਾਲਾ ਹਾਕਮ* ਆਵੇਗਾ,ਉਸ ਤੋਂ ਯੁੱਧ ਦੀ ਕਮਾਨ ਆਵੇਗੀ;ਉਸ ਤੋਂ ਹਰ ਨਿਗਾਹਬਾਨ* ਆਵੇਗਾ,ਉਹ ਸਾਰੇ ਦੇ ਸਾਰੇ ਇਕੱਠੇ ਆਉਣਗੇ।
5 ਉਹ ਯੋਧਿਆਂ ਵਰਗੇ ਬਣ ਜਾਣਗੇਜੋ ਯੁੱਧ ਵਿਚ ਗਲੀਆਂ ਦੇ ਚਿੱਕੜ ਨੂੰ ਮਿੱਧਣਗੇ;ਉਹ ਯੁੱਧ ਲੜਨਗੇ ਕਿਉਂਕਿ ਯਹੋਵਾਹ ਉਨ੍ਹਾਂ ਦੇ ਨਾਲ ਹੈ;+ਅਤੇ ਘੋੜਸਵਾਰਾਂ ਨੂੰ ਸ਼ਰਮਿੰਦਾ ਕੀਤਾ ਜਾਵੇਗਾ।+
6 ਮੈਂ ਯਹੂਦਾਹ ਦੇ ਘਰਾਣੇ ਨੂੰ ਸ਼ਕਤੀਸ਼ਾਲੀ ਬਣਾਵਾਂਗਾਅਤੇ ਮੈਂ ਯੂਸੁਫ਼ ਦੇ ਘਰਾਣੇ ਨੂੰ ਬਚਾਵਾਂਗਾ।+
ਮੈਂ ਉਨ੍ਹਾਂ ਨੂੰ ਮੋੜ ਲਿਆਵਾਂਗਾ,ਮੈਂ ਉਨ੍ਹਾਂ ’ਤੇ ਰਹਿਮ ਕਰਾਂਗਾ;+ਉਹ ਇਸ ਤਰ੍ਹਾਂ ਹੋਣਗੇ ਜਿਵੇਂ ਮੈਂ ਉਨ੍ਹਾਂ ਨੂੰ ਕਦੇ ਤਿਆਗਿਆ ਹੀ ਨਹੀਂ ਸੀ;+ਮੈਂ ਉਨ੍ਹਾਂ ਦਾ ਪਰਮੇਸ਼ੁਰ ਯਹੋਵਾਹ ਹਾਂ ਅਤੇ ਮੈਂ ਉਨ੍ਹਾਂ ਨੂੰ ਉੱਤਰ ਦੇਵਾਂਗਾ।
7 ਇਫ਼ਰਾਈਮ ਦੇ ਲੋਕ ਤਾਕਤਵਰ ਯੋਧੇ ਵਾਂਗ ਹੋਣਗੇਅਤੇ ਉਨ੍ਹਾਂ ਦਾ ਦਿਲ ਖ਼ੁਸ਼ ਹੋਵੇਗਾ ਜਿਵੇਂ ਦਾਖਰਸ ਪੀਣ ਨਾਲ ਹੁੰਦਾ ਹੈ।+
ਉਨ੍ਹਾਂ ਦੇ ਪੁੱਤਰ ਇਹ ਦੇਖਣਗੇ ਤੇ ਖ਼ੁਸ਼ ਹੋਣਗੇ;ਉਨ੍ਹਾਂ ਦੇ ਦਿਲ ਯਹੋਵਾਹ ਵਿਚ ਬਾਗ਼-ਬਾਗ਼ ਹੋਣਗੇ।+
8 ‘ਮੈਂ ਸੀਟੀ ਵਜਾ ਕੇ ਉਨ੍ਹਾਂ ਨੂੰ ਇਕੱਠੇ ਕਰਾਂਗਾ;ਮੈਂ ਉਨ੍ਹਾਂ ਨੂੰ ਛੁਡਾਵਾਂਗਾ+ ਅਤੇ ਉਨ੍ਹਾਂ ਦੀ ਗਿਣਤੀ ਬਹੁਤ ਵਧੇਗੀਅਤੇ ਬਹੁਤਾਤ ਵਿਚ ਰਹੇਗੀ।
9 ਭਾਵੇਂ ਉਨ੍ਹਾਂ ਨੂੰ ਮੈਂ ਲੋਕਾਂ ਵਿਚ ਬੀ ਵਾਂਗ ਖਿਲਾਰਦਾ ਹਾਂ,ਫਿਰ ਵੀ ਉਹ ਦੂਰ-ਦੂਰ ਦੀਆਂ ਥਾਵਾਂ ’ਤੇ ਮੈਨੂੰ ਯਾਦ ਕਰਨਗੇ;ਉਨ੍ਹਾਂ ਵਿਚ ਤੇ ਉਨ੍ਹਾਂ ਦੇ ਪੁੱਤਰਾਂ ਵਿਚ ਨਵੀਂ ਜਾਨ ਪੈ ਜਾਵੇਗੀ ਤੇ ਉਹ ਵਾਪਸ ਮੁੜਨਗੇ।
10 ਮੈਂ ਉਨ੍ਹਾਂ ਨੂੰ ਮਿਸਰ ਤੋਂ ਮੋੜ ਲਿਆਵਾਂਗਾਅਤੇ ਉਨ੍ਹਾਂ ਨੂੰ ਅੱਸ਼ੂਰ ਦੇਸ਼ ਤੋਂ ਇਕੱਠਾ ਕਰਾਂਗਾ;+ਮੈਂ ਉਨ੍ਹਾਂ ਨੂੰ ਗਿਲਆਦ+ ਅਤੇ ਲਬਾਨੋਨ ਲੈ ਆਵਾਂਗਾਅਤੇ ਉਨ੍ਹਾਂ ਸਾਰੇ ਲੋਕਾਂ ਦੇ ਰਹਿਣ ਲਈ ਜਗ੍ਹਾ ਕਾਫ਼ੀ ਨਹੀਂ ਹੋਵੇਗੀ।+
11 ਉਹ ਸਮੁੰਦਰ ਵਿੱਚੋਂ ਲੰਘ ਕੇ ਉਸ ਵਿਚ ਹਲਚਲ ਮਚਾ ਦੇਵੇਗਾ;ਅਤੇ ਸਮੁੰਦਰ ਦੀਆਂ ਲਹਿਰਾਂ ਨੂੰ ਮਾਰੇਗਾ;+ਸਾਰਾ ਨੀਲ ਦਰਿਆ ਸੁੱਕ ਜਾਵੇਗਾ।
ਅੱਸ਼ੂਰ ਦਾ ਘਮੰਡ ਤੋੜਿਆ ਜਾਵੇਗਾਅਤੇ ਮਿਸਰ ਦਾ ਰਾਜ-ਡੰਡਾ ਉਸ ਤੋਂ ਲੈ ਲਿਆ ਜਾਵੇਗਾ।+
12 ਮੈਂ ਯਹੋਵਾਹ ਉਨ੍ਹਾਂ ਨੂੰ ਸ਼ਕਤੀਸ਼ਾਲੀ ਬਣਾਵਾਂਗਾ+ਅਤੇ ਉਹ ਮੇਰਾ ਨਾਂ ਲੈ ਕੇ ਚੱਲਣਗੇ,’+ ਯਹੋਵਾਹ ਕਹਿੰਦਾ ਹੈ।”
ਫੁਟਨੋਟ
^ ਜਾਂ, “ਤੰਤਰ-ਮੰਤਰ; ਜਾਦੂ-ਟੂਣਾ ਕੀਤਾ ਹੈ।”
^ ਦੁਸ਼ਟ ਦੂਤਾਂ ਦੀ ਮਦਦ ਨਾਲ ਭਵਿੱਖ ਜਾਣਨ ਦੀ ਕੋਸ਼ਿਸ਼ ਕਰਨੀ।
^ ਇਬ, “ਬੱਕਰਿਆਂ।”
^ ਇਬ, “ਖੂੰਜੇ ਦਾ ਬੁਰਜ,” ਇਹ ਇਕ ਖ਼ਾਸ ਆਦਮੀ ਨੂੰ ਦਰਸਾਉਂਦਾ ਹੈ; ਇਕ ਮੁਖੀ।
^ ਇਬ, “ਕਿੱਲ,” ਇਹ ਉਸ ਨੂੰ ਦਰਸਾਉਂਦਾ ਹੈ ਜੋ ਸਹਾਰਾ ਦਿੰਦਾ ਹੈ; ਇਕ ਹਾਕਮ।
^ ਜਾਂ, “ਮਜ਼ਦੂਰੀ ਕਰਾਉਣ ਵਾਲਾ।”
