ਜ਼ਬੂਰ 145:1-21
ਦਾਊਦ ਦਾ ਜ਼ਬੂਰ ਜਿਸ ਵਿਚ ਉਹ ਮਹਿਮਾ ਕਰਦਾ ਹੈ।
א [ਅਲਫ਼]
145 ਹੇ ਮੇਰੇ ਪਰਮੇਸ਼ੁਰ, ਮੇਰੇ ਰਾਜੇ, ਮੈਂ ਤੇਰੀ ਵਡਿਆਈ ਕਰਾਂਗਾ,+ਮੈਂ ਸਦਾ ਤੇਰੇ ਨਾਂ ਦੀ ਮਹਿਮਾ ਕਰਾਂਗਾ।+
ב [ਬੇਥ]
2 ਮੈਂ ਦਿਨ ਭਰ ਤੇਰੀ ਵਡਿਆਈ ਕਰਾਂਗਾ;+ਮੈਂ ਸਦਾ ਤੇਰੇ ਨਾਂ ਦੀ ਮਹਿਮਾ ਕਰਾਂਗਾ।+
ג [ਗਿਮਲ]
3 ਯਹੋਵਾਹ ਮਹਾਨ ਹੈ ਅਤੇ ਉਹ ਸਭ ਤੋਂ ਜ਼ਿਆਦਾ ਤਾਰੀਫ਼ ਦਾ ਹੱਕਦਾਰ ਹੈ;+ਉਸ ਦੀ ਮਹਾਨਤਾ ਅਥਾਹ ਹੈ।+
ד [ਦਾਲਥ]
4 ਲੋਕ ਪੀੜ੍ਹੀਓ-ਪੀੜ੍ਹੀ ਤੇਰੇ ਕੰਮਾਂ ਦੀ ਵਡਿਆਈ ਕਰਨਗੇ;ਉਹ ਤੇਰੇ ਸ਼ਕਤੀਸ਼ਾਲੀ ਕੰਮਾਂ ਬਾਰੇ ਦੱਸਣਗੇ।+
ה [ਹੇ]
5 ਉਹ ਤੇਰੀ ਮਹਿਮਾ, ਪ੍ਰਤਾਪ ਅਤੇ ਸ਼ਾਨੋ-ਸ਼ੌਕਤ ਬਾਰੇ ਗੱਲਾਂ ਕਰਨਗੇ+ਅਤੇ ਮੈਂ ਤੇਰੇ ਹੈਰਾਨੀਜਨਕ ਕੰਮਾਂ ’ਤੇ ਸੋਚ-ਵਿਚਾਰ ਕਰਾਂਗਾ।
ו [ਵਾਉ]
6 ਉਹ ਤੇਰੇ ਹੈਰਾਨੀਜਨਕ ਕੰਮਾਂ* ਬਾਰੇ ਗੱਲਾਂ ਕਰਨਗੇਅਤੇ ਮੈਂ ਤੇਰੀ ਸ਼ਾਨੋ-ਸ਼ੌਕਤ ਦਾ ਐਲਾਨ ਕਰਾਂਗਾ।
ז [ਜ਼ਾਇਨ]
7 ਉਹ ਤੇਰੀ ਬੇਅੰਤ ਭਲਾਈ ਨੂੰ ਯਾਦ ਕਰਨਗੇ ਅਤੇ ਖ਼ੁਸ਼ੀ-ਖ਼ੁਸ਼ੀ ਉਸ ਬਾਰੇ ਦੱਸਣਗੇ+ਅਤੇ ਤੇਰੇ ਨਿਆਂ ਕਰਕੇ ਖ਼ੁਸ਼ੀ ਨਾਲ ਜੈ-ਜੈ ਕਾਰ ਕਰਨਗੇ।+
ח [ਹੇਥ]
8 ਯਹੋਵਾਹ ਰਹਿਮਦਿਲ* ਅਤੇ ਦਇਆਵਾਨ ਹੈ,+ਉਹ ਛੇਤੀ ਗੁੱਸਾ ਨਹੀਂ ਕਰਦਾ ਅਤੇ ਅਟੱਲ ਪਿਆਰ ਨਾਲ ਭਰਪੂਰ ਹੈ।+
ט [ਟੇਥ]
9 ਯਹੋਵਾਹ ਸਾਰਿਆਂ ਨਾਲ ਭਲਾਈ ਕਰਦਾ ਹੈ+ਅਤੇ ਉਸ ਦੇ ਸਾਰੇ ਕੰਮਾਂ ਤੋਂ ਉਸ ਦੀ ਦਇਆ ਝਲਕਦੀ ਹੈ।
י [ਯੋਧ]
10 ਹੇ ਯਹੋਵਾਹ, ਤੇਰੇ ਸਾਰੇ ਕੰਮ ਤੇਰੀ ਵਡਿਆਈ ਕਰਨਗੇ+ਅਤੇ ਤੇਰੇ ਵਫ਼ਾਦਾਰ ਸੇਵਕ ਤੇਰੀ ਮਹਿਮਾ ਕਰਨਗੇ।+
כ [ਕਾਫ਼]
11 ਉਹ ਤੇਰੇ ਰਾਜ ਦੀ ਸ਼ਾਨੋ-ਸ਼ੌਕਤ ਦਾ ਐਲਾਨ ਕਰਨਗੇ+ਅਤੇ ਤੇਰੀ ਤਾਕਤ ਬਾਰੇ ਦੱਸਣਗੇ+
ל [ਲਾਮਦ]
12 ਤਾਂਕਿ ਲੋਕਾਂ ਨੂੰ ਤੇਰੇ ਸ਼ਕਤੀਸ਼ਾਲੀ ਕੰਮਾਂ ਬਾਰੇ+ਅਤੇ ਤੇਰੇ ਰਾਜ ਦੀ ਮਹਿਮਾ ਅਤੇ ਪ੍ਰਤਾਪ ਬਾਰੇ ਪਤਾ ਲੱਗੇ।+
מ [ਮੀਮ]
13 ਤੇਰਾ ਰਾਜ ਸਦਾ ਕਾਇਮ ਰਹਿਣ ਵਾਲਾ ਰਾਜ ਹੈਅਤੇ ਤੇਰੀ ਹਕੂਮਤ ਪੀੜ੍ਹੀਓ-ਪੀੜ੍ਹੀ ਰਹੇਗੀ।+
ס [ਸਾਮਕ]
14 ਯਹੋਵਾਹ ਡਿਗ ਰਹੇ ਲੋਕਾਂ ਨੂੰ ਸਹਾਰਾ ਦਿੰਦਾ ਹੈ+ਅਤੇ ਦੁੱਖਾਂ ਦੇ ਬੋਝ ਹੇਠ ਦੱਬੇ ਹੋਇਆਂ ਨੂੰ ਸੰਭਾਲਦਾ ਹੈ।+
ע [ਆਇਨ]
15 ਸਾਰਿਆਂ ਦੀਆਂ ਅੱਖਾਂ ਆਸ ਨਾਲ ਤੇਰੀ ’ਤੇ ਰਹਿੰਦੀਆਂ ਹਨ;ਤੂੰ ਉਨ੍ਹਾਂ ਨੂੰ ਰੁੱਤ ਸਿਰ ਭੋਜਨ ਦਿੰਦਾ ਹੈਂ।+
פ [ਪੇ]
16 ਤੂੰ ਆਪਣਾ ਹੱਥ ਖੋਲ੍ਹਦਾ ਹੈਂਅਤੇ ਸਾਰੇ ਜੀਉਂਦੇ ਪ੍ਰਾਣੀਆਂ ਦੀ ਇੱਛਾ ਪੂਰੀ ਕਰਦਾ ਹੈਂ।+
צ [ਸਾਦੇ]
17 ਯਹੋਵਾਹ ਹਮੇਸ਼ਾ ਉਹੀ ਕਰਦਾ ਹੈ, ਜੋ ਸਹੀ ਹੈ।+ਉਹ ਆਪਣੇ ਸਾਰੇ ਕੰਮਾਂ ਰਾਹੀਂ ਆਪਣੀ ਵਫ਼ਾਦਾਰੀ ਦਾ ਸਬੂਤ ਦਿੰਦਾ ਹੈ।+
ק [ਕੋਫ਼]
18 ਯਹੋਵਾਹ ਉਨ੍ਹਾਂ ਸਾਰਿਆਂ ਦੇ ਨੇੜੇ ਹੈ ਜੋ ਉਸ ਨੂੰ ਪੁਕਾਰਦੇ ਹਨ,+ਹਾਂ, ਜੋ ਸੱਚੇ ਦਿਲੋਂ* ਉਸ ਨੂੰ ਪੁਕਾਰਦੇ ਹਨ।+
ר [ਰੇਸ਼]
19 ਜਿਹੜੇ ਉਸ ਦਾ ਡਰ ਮੰਨਦੇ ਹਨ, ਉਹ ਉਨ੍ਹਾਂ ਦੀ ਇੱਛਾ ਪੂਰੀ ਕਰਦਾ ਹੈ;+ਉਹ ਮਦਦ ਲਈ ਉਨ੍ਹਾਂ ਦੀ ਦੁਹਾਈ ਸੁਣਦਾ ਹੈ ਅਤੇ ਉਨ੍ਹਾਂ ਨੂੰ ਬਚਾਉਂਦਾ ਹੈਂ।+
ש [ਸ਼ੀਨ]
20 ਯਹੋਵਾਹ ਉਨ੍ਹਾਂ ਸਾਰਿਆਂ ਦੀ ਹਿਫਾਜ਼ਤ ਕਰਦਾ ਹੈ ਜੋ ਉਸ ਨੂੰ ਪਿਆਰ ਕਰਦੇ ਹਨ,+ਪਰ ਉਹ ਸਾਰੇ ਦੁਸ਼ਟਾਂ ਨੂੰ ਨਾਸ਼ ਕਰ ਦੇਵੇਗਾ।+
ת [ਤਾਉ]
21 ਮੇਰਾ ਮੂੰਹ ਯਹੋਵਾਹ ਦੀ ਮਹਿਮਾ ਕਰੇਗਾ;+ਹਰ ਜੀਉਂਦਾ ਪ੍ਰਾਣੀ ਸਦਾ ਉਸ ਦੇ ਪਵਿੱਤਰ ਨਾਂ ਦੀ ਮਹਿਮਾ ਕਰੇ।+
