ਜ਼ਬੂਰ 82:1-8
ਆਸਾਫ਼ ਦਾ ਜ਼ਬੂਰ।+
82 ਪਰਮੇਸ਼ੁਰ ਆਪਣੀ ਸਭਾ ਵਿਚ ਖੜ੍ਹਾ ਹੈ;+ਉਹ ਈਸ਼ਵਰਾਂ ਵਿਚਕਾਰ* ਨਿਆਂ ਕਰਦਾ ਹੈ:+
2 “ਤੁਸੀਂ ਕਦੋਂ ਤਕ ਬੇਇਨਸਾਫ਼ੀ ਕਰਦੇ ਰਹੋਗੇ?+
ਅਤੇ ਕਦੋਂ ਤਕ ਦੁਸ਼ਟਾਂ ਦੀ ਤਰਫ਼ਦਾਰੀ ਕਰਦੇ ਰਹੋਗੇ?+ (ਸਲਹ)
3 ਮਾਮੂਲੀ ਲੋਕਾਂ ਅਤੇ ਯਤੀਮਾਂ* ਦਾ ਪੱਖ ਲਓ।+
ਬੇਸਹਾਰਾ ਅਤੇ ਕੰਗਾਲ ਲੋਕਾਂ ਨਾਲ ਨਿਆਂ ਕਰੋ।+
4 ਮਾਮੂਲੀ ਅਤੇ ਗ਼ਰੀਬ ਲੋਕਾਂ ਨੂੰ ਬਚਾਓ;ਉਨ੍ਹਾਂ ਨੂੰ ਦੁਸ਼ਟ ਦੇ ਹੱਥੋਂ ਛੁਡਾਓ।”
5 ਉਹ* ਨਾ ਤਾਂ ਕੁਝ ਜਾਣਦੇ ਹਨ ਤੇ ਨਾ ਹੀ ਕੁਝ ਸਮਝਦੇ ਹਨ;+ਉਹ ਹਨੇਰੇ ਵਿਚ ਚੱਲ ਰਹੇ ਹਨ;ਧਰਤੀ ਦੀਆਂ ਨੀਂਹਾਂ ਹਿਲਾਈਆਂ ਜਾ ਰਹੀਆਂ ਹਨ।+
6 “ਮੈਂ ਕਿਹਾ: ‘ਤੁਸੀਂ ਈਸ਼ਵਰ* ਹੋ,+ਤੁਸੀਂ ਸਾਰੇ ਅੱਤ ਮਹਾਨ ਦੇ ਪੁੱਤਰ ਹੋ।
7 ਪਰ ਤੁਸੀਂ ਆਮ ਇਨਸਾਨਾਂ ਵਾਂਗ ਮਰ ਜਾਓਗੇ;+ਹੋਰਨਾਂ ਹਾਕਮਾਂ ਵਾਂਗ ਤੁਹਾਡਾ ਵੀ ਅੰਤ ਹੋ ਜਾਵੇਗਾ!’”+
8 ਹੇ ਪਰਮੇਸ਼ੁਰ, ਉੱਠ ਅਤੇ ਧਰਤੀ ਦਾ ਨਿਆਂ ਕਰ+ਕਿਉਂਕਿ ਸਾਰੀਆਂ ਕੌਮਾਂ ਤੇਰੀਆਂ ਹਨ।
ਫੁਟਨੋਟ
^ ਜਾਂ, “ਜਿਹੜੇ ਈਸ਼ਵਰਾਂ ਵਰਗੇ ਹਨ, ਉਹ ਉਨ੍ਹਾਂ ਵਿਚਕਾਰ।” ਜ਼ਾਹਰ ਹੈ ਕਿ ਇੱਥੇ ਇਜ਼ਰਾਈਲ ਦੇ ਇਨਸਾਨੀ ਨਿਆਂਕਾਰਾਂ ਦੀ ਗੱਲ ਕੀਤੀ ਗਈ ਹੈ।
^ ਇਬ, “ਜਿਨ੍ਹਾਂ ਦੇ ਪਿਤਾ ਦੀ ਮੌਤ ਹੋ ਗਈ ਹੋਵੇ।”
^ ਯਾਨੀ, ਈਸ਼ਵਰ।
^ ਜਾਂ, “ਈਸ਼ਵਰ ਵਰਗੇ।”
