ਮੀਕਾਹ 1:1-16
1 ਮੋਰਸ਼ਥ ਵਿਚ ਰਹਿਣ ਵਾਲੇ ਮੀਕਾਹ*+ ਨੂੰ ਸਾਮਰਿਯਾ ਅਤੇ ਯਰੂਸ਼ਲਮ ਦੇ ਸੰਬੰਧ ਵਿਚ ਯਹੋਵਾਹ ਦਾ ਸੰਦੇਸ਼ ਆਇਆ। ਯਹੂਦਾਹ ਦੇ ਰਾਜਿਆਂ+ ਯੋਥਾਮ,+ ਆਹਾਜ਼+ ਅਤੇ ਹਿਜ਼ਕੀਯਾਹ+ ਦੇ ਦਿਨਾਂ ਦੌਰਾਨ ਉਸ ਨੂੰ ਇਕ ਦਰਸ਼ਣ ਵਿਚ ਇਹ ਸੰਦੇਸ਼ ਦਿੱਤਾ ਗਿਆ:
2 “ਹੇ ਸਾਰੇ ਲੋਕੋ, ਸੁਣੋ!
ਹੇ ਧਰਤੀ ਅਤੇ ਇਸ ਉੱਤੇ ਜੋ ਕੁਝ ਹੈ, ਧਿਆਨ ਦਿਓ,ਸਾਰੇ ਜਹਾਨ ਦਾ ਮਾਲਕ ਯਹੋਵਾਹਹਾਂ, ਯਹੋਵਾਹ ਆਪਣੇ ਪਵਿੱਤਰ ਮੰਦਰ ਤੋਂ ਤੁਹਾਡੇ ਵਿਰੁੱਧ ਗਵਾਹੀ ਦੇਵੇ।+
3 ਦੇਖੋ! ਯਹੋਵਾਹ ਆਪਣੇ ਨਿਵਾਸ-ਸਥਾਨ ਤੋਂ ਬਾਹਰ ਜਾ ਰਿਹਾ ਹੈ;ਉਹ ਥੱਲੇ ਆਵੇਗਾ ਅਤੇ ਧਰਤੀ ਦੀਆਂ ਉੱਚੀਆਂ ਥਾਵਾਂ ਨੂੰ ਪੈਰਾਂ ਨਾਲ ਮਿੱਧੇਗਾ।
4 ਉਸ ਦੇ ਪੈਰਾਂ ਹੇਠ ਪਹਾੜ ਪਿਘਲ ਜਾਣਗੇ+ਅਤੇ ਵਾਦੀਆਂ ਪਾਟ ਜਾਣਗੀਆਂਜਿਵੇਂ ਅੱਗ ਨਾਲ ਮੋਮ ਪਿਘਲ ਜਾਂਦਾ ਹੈ,ਜਿਵੇਂ ਤਿੱਖੀ ਢਲਾਣ ਤੋਂ ਪਾਣੀ ਥੱਲੇ ਵਹਿੰਦਾ ਹੈ।
5 ਇਹ ਸਭ ਕੁਝ ਯਾਕੂਬ ਦੀ ਬਗਾਵਤ ਕਰਕੇਅਤੇ ਇਜ਼ਰਾਈਲ ਦੇ ਘਰਾਣੇ ਦੇ ਪਾਪਾਂ ਕਰਕੇ ਹੋਵੇਗਾ।+
ਯਾਕੂਬ ਦੀ ਬਗਾਵਤ ਲਈ ਕੌਣ ਜ਼ਿੰਮੇਵਾਰ ਹੈ?
ਕੀ ਸਾਮਰਿਯਾ ਨਹੀਂ?+
ਅਤੇ ਯਹੂਦਾਹ ਦੀਆਂ ਉੱਚੀਆਂ ਥਾਵਾਂ ਲਈ ਕੌਣ ਜ਼ਿੰਮੇਵਾਰ ਹੈ?+
ਕੀ ਯਰੂਸ਼ਲਮ ਨਹੀਂ?
6 ਮੈਂ ਸਾਮਰਿਯਾ ਨੂੰ ਮੈਦਾਨ ਵਿਚ ਮਲਬੇ ਦਾ ਢੇਰਅਤੇ ਅੰਗੂਰਾਂ ਦੇ ਬਾਗ਼ ਲਾਉਣ ਦੀ ਜਗ੍ਹਾ ਬਣਾ ਦਿਆਂਗਾ;ਮੈਂ ਉਸ ਦੇ ਪੱਥਰ ਵਾਦੀ ਵਿਚ ਸੁੱਟ* ਦਿਆਂਗਾਅਤੇ ਮੈਂ ਉਸ ਦੀਆਂ ਨੀਂਹਾਂ ਪੁੱਟ ਸੁੱਟਾਂਗਾ।
7 ਉਸ ਦੀਆਂ ਸਾਰੀਆਂ ਮੂਰਤੀਆਂ ਦੇ ਟੁਕੜੇ-ਟੁਕੜੇ ਕੀਤੇ ਜਾਣਗੇ+ਅਤੇ ਉਸ ਨੇ ਬਦਚਲਣ ਕੰਮ ਕਰ ਕੇ ਜੋ ਤੋਹਫ਼ੇ ਲਏ ਹਨ, ਉਹ ਸਾਰੇ ਸਾੜ ਦਿੱਤੇ ਜਾਣਗੇ।+
ਮੈਂ ਉਸ ਦੀਆਂ ਸਾਰੀਆਂ ਮੂਰਤੀਆਂ ਨੂੰ ਤਬਾਹ ਕਰ ਦਿਆਂਗਾ।
ਕਿਉਂਕਿ ਉਸ ਨੇ ਇਹ ਸਾਰੀਆਂ ਚੀਜ਼ਾਂ ਬਦਚਲਣੀ ਦੀ ਕਮਾਈ ਨਾਲ ਖ਼ਰੀਦੀਆਂ ਹਨਅਤੇ ਹੁਣ ਇਹ ਚੀਜ਼ਾਂ ਹੋਰ ਵੇਸਵਾਵਾਂ ਦੀ ਕਮਾਈ ਬਣ ਜਾਣਗੀਆਂ।”
8 ਇਸ ਕਰਕੇ ਮੈਂ ਰੋਵਾਂ-ਕੁਰਲਾਵਾਂਗਾ ਅਤੇ ਵੈਣ ਪਾਵਾਂਗਾ;+ਮੈਂ ਨੰਗੇ ਪੈਰ ਅਤੇ ਨੰਗੇ ਪਿੰਡੇ ਘੁੰਮਾਂਗਾ।+
ਮੈਂ ਗਿੱਦੜਾਂ ਵਾਂਗ ਰੋਵਾਂਗਾਅਤੇ ਸ਼ੁਤਰਮੁਰਗਾਂ ਵਾਂਗ ਮਾਤਮ ਮਨਾਵਾਂਗਾ।
9 ਕਿਉਂਕਿ ਉਸ ਦਾ ਜ਼ਖ਼ਮ ਕਦੀ ਨਹੀਂ ਭਰੇਗਾ;+ਇਹ ਯਹੂਦਾਹ ਤਕ ਫੈਲ ਗਿਆ ਹੈ।+
ਇਹ ਮਹਾਂਮਾਰੀ ਮੇਰੇ ਲੋਕਾਂ ਤਕ, ਹਾਂ, ਯਰੂਸ਼ਲਮ ਦੇ ਦਰਵਾਜ਼ੇ ਤਕ ਫੈਲ ਗਈ ਹੈ।+
10 “ਗਥ ਵਿਚ ਇਸ ਦਾ ਐਲਾਨ ਨਾ ਕਰੋ;ਤੁਸੀਂ ਬਿਲਕੁਲ ਵੀ ਨਹੀਂ ਰੋਣਾ।
ਬੈਤ-ਅਫਰਾਹ* ਵਿਚ ਮਿੱਟੀ ਵਿਚ ਲਿਟਣਾ।
11 ਹੇ ਸ਼ਾਫੀਰ ਦੇ ਵਾਸੀਓ,* ਨੰਗੇ ਅਤੇ ਨਮੋਸ਼ੀ ਵਿਚ ਲੰਘ ਜਾਓ।
ਸਾਨਾਨ ਦੇ ਵਾਸੀ* ਬਾਹਰ ਨਹੀਂ ਆਏ ਹਨ।
ਬੈਤ-ਏਸਲ ਵਿਚ ਵੈਣ ਪਾਏ ਜਾਣਗੇ ਅਤੇ ਇਹ ਤੇਰੇ ਤੋਂ ਆਪਣਾ ਸਹਾਰਾ ਵਾਪਸ ਲੈ ਲਵੇਗਾ।
12 ਮਾਰੋਥ ਦੇ ਵਾਸੀ* ਕੁਝ ਚੰਗਾ ਹੋਣ ਦੀ ਉਡੀਕ ਵਿਚ ਸਨ,ਪਰ ਯਹੋਵਾਹ ਵੱਲੋਂ ਬਿਪਤਾ ਯਰੂਸ਼ਲਮ ਦੇ ਦਰਵਾਜ਼ੇ ਤਕ ਆ ਗਈ ਹੈ।
13 ਹੇ ਲਾਕੀਸ਼+ ਦੇ ਵਾਸੀਓ,* ਰਥ ਨਾਲ ਘੋੜੇ ਜੋੜੋ।
ਤੇਰੇ ਤੋਂ ਸੀਓਨ ਦੀ ਧੀ ਦੇ ਪਾਪ ਦੀ ਸ਼ੁਰੂਆਤ ਹੋਈਕਿਉਂਕਿ ਤੂੰ ਹੀ ਇਜ਼ਰਾਈਲ ਦੀ ਬਗਾਵਤ ਲਈ ਜ਼ਿੰਮੇਵਾਰ ਸੀ।+
14 ਇਸ ਲਈ ਤੂੰ ਵਿਦਾਈ ਦੇ ਵੇਲੇ ਮੋਰਸ਼ਥ-ਗਥ ਨੂੰ ਤੋਹਫ਼ੇ ਦੇਵੇਂਗਾ।
ਅਕਜ਼ੀਬ+ ਦੇ ਘਰਾਂ ਵਿਚ ਇਜ਼ਰਾਈਲ ਦੇ ਰਾਜਿਆਂ ਨਾਲ ਧੋਖਾ ਹੋਇਆ।
15 ਹੇ ਮਾਰੇਸ਼ਾਹ+ ਦੇ ਵਾਸੀਓ,* ਮੈਂ ਇਕ ਜੇਤੂ* ਨੂੰ ਤੇਰੇ ਕੋਲ ਲੈ ਕੇ ਆਵਾਂਗਾ।+
ਇਜ਼ਰਾਈਲ ਦੀ ਸ਼ਾਨ ਅਦੁਲਾਮ+ ਤਕ ਆਵੇਗੀ।
16 ਆਪਣੇ ਲਾਡਲੇ ਬੱਚਿਆਂ ਲਈ ਆਪਣੇ ਸਿਰ ਮੁੰਨਾਓ ਅਤੇ ਗੰਜੇ ਹੋਵੋ।
ਉਕਾਬ ਵਾਂਗ ਗੰਜੇ ਹੋਵੋਕਿਉਂਕਿ ਉਨ੍ਹਾਂ ਨੂੰ ਬੰਦੀ ਬਣਾ ਕੇ ਤੁਹਾਡੇ ਤੋਂ ਦੂਰ ਲਿਜਾਇਆ ਗਿਆ ਹੈ।”+
ਫੁਟਨੋਟ
^ ਮੀਕਾਏਲ ਜਾਂ ਮੀਕਾਯਾਹ ਨਾਂ ਦਾ ਛੋਟਾ ਰੂਪ, ਮਤਲਬ “ਯਹੋਵਾਹ ਵਰਗਾ ਕੌਣ ਹੈ?”
^ ਇਬ, “ਡੋਲ੍ਹ।”
^ ਜਾਂ, “ਅਫਰਾਹ ਦੇ ਘਰ।”
^ ਇਬ, “ਦੀ ਰਹਿਣ ਵਾਲੀਏ।”
^ ਇਬ, “ਦੀ ਰਹਿਣ ਵਾਲੀ।”
^ ਇਬ, “ਦੀਆਂ ਰਹਿਣ ਵਾਲੀਆਂ।”
^ ਇਬ, “ਦੀ ਰਹਿਣ ਵਾਲੀਏ।”
^ ਇਬ, “ਦੀ ਰਹਿਣ ਵਾਲੀਏ।”
^ ਜਾਂ, “ਕਬਜ਼ਾ ਕਰਨ ਵਾਲੇ।”
