ਯਸਾਯਾਹ 16:1-14
-
ਮੋਆਬ ਖ਼ਿਲਾਫ਼ ਸੰਦੇਸ਼ ਜਾਰੀ (1-14)
16 ਦੇਸ਼ ਦੇ ਹਾਕਮ ਲਈ ਇਕ ਭੇਡੂ ਭੇਜੋ,ਸੀਲਾ ਤੋਂ ਉਜਾੜ ਥਾਣੀਂਸੀਓਨ ਦੀ ਧੀ ਦੇ ਪਹਾੜ ਉੱਤੇ ਭੇਜੋ।
2 ਜਿਵੇਂ ਇਕ ਪੰਛੀ ਨੂੰ ਉਸ ਦੇ ਆਲ੍ਹਣੇ ਤੋਂ ਭਜਾ ਦਿੱਤਾ ਜਾਂਦਾ ਹੈ,+ਉਸੇ ਤਰ੍ਹਾਂ ਮੋਆਬ ਦੀਆਂ ਧੀਆਂ ਅਰਨੋਨ ਦੇ ਘਾਟਾਂ ’ਤੇ ਹੋਣਗੀਆਂ।+
3 “ਸਲਾਹ ਦਿਓ, ਫ਼ੈਸਲੇ ਮੁਤਾਬਕ ਕਰੋ।
ਸਿਖਰ ਦੁਪਹਿਰੇ ਆਪਣੀ ਛਾਂ ਰਾਤ ਵਰਗੀ ਬਣਾਓ।
ਖਿੰਡੇ ਹੋਇਆਂ ਨੂੰ ਲੁਕਾਓ ਅਤੇ ਭੱਜਣ ਵਾਲਿਆਂ ਨੂੰ ਨਾ ਫੜਾਓ।
4 ਹੇ ਮੋਆਬ, ਮੇਰੇ ਖਿੰਡੇ ਹੋਇਆਂ ਨੂੰ ਆਪਣੇ ਵਿਚ ਵੱਸਣ ਦੇ।
ਨਾਸ਼ ਕਰਨ ਵਾਲੇ ਤੋਂ ਉਨ੍ਹਾਂ ਲਈ ਲੁਕਣ ਦੀ ਥਾਂ ਬਣ।+
ਜ਼ਾਲਮ ਮੁੱਕ ਜਾਵੇਗਾ,ਤਬਾਹੀ ਖ਼ਤਮ ਹੋ ਜਾਵੇਗੀਅਤੇ ਦੂਜਿਆਂ ਨੂੰ ਮਿੱਧਣ ਵਾਲੇ ਧਰਤੀ ਤੋਂ ਮਿਟ ਜਾਣਗੇ।
5 ਫਿਰ ਅਟੱਲ ਪਿਆਰ ਦੀ ਬੁਨਿਆਦ ’ਤੇ ਇਕ ਰਾਜ-ਗੱਦੀ ਮਜ਼ਬੂਤੀ ਨਾਲ ਕਾਇਮ ਕੀਤੀ ਜਾਵੇਗੀ।
ਦਾਊਦ ਦੇ ਤੰਬੂ ਵਿਚ ਇਸ ਉੱਤੇ ਬੈਠਣ ਵਾਲਾ ਵਫ਼ਾਦਾਰ ਹੋਵੇਗਾ;+ਉਹ ਬਿਨਾਂ ਪੱਖਪਾਤ ਕੀਤਿਆਂ ਨਿਆਂ ਕਰੇਗਾ ਅਤੇ ਸਹੀ ਕੰਮ ਕਰਨ ਵਿਚ ਦੇਰ ਨਾ ਕਰੇਗਾ।”+
6 ਅਸੀਂ ਮੋਆਬ ਦੇ ਘਮੰਡ ਬਾਰੇ ਸੁਣਿਆ ਹੈ ਕਿ ਉਹ ਬਹੁਤ ਹੰਕਾਰੀ ਹੈ,+ਹਾਂ, ਉਸ ਦੇ ਹੰਕਾਰ, ਉਸ ਦੀ ਆਕੜ ਅਤੇ ਉਸ ਦੇ ਕ੍ਰੋਧ ਬਾਰੇ;+ਪਰ ਉਸ ਦੀਆਂ ਖੋਖਲੀਆਂ ਗੱਲਾਂ ਬੇਕਾਰ ਸਾਬਤ ਹੋਣਗੀਆਂ।
7 ਇਸ ਲਈ ਮੋਆਬ ਲਈ ਮੋਆਬ ਵੈਣ ਪਾਵੇਗਾ;ਉਹ ਸਾਰੇ ਦੇ ਸਾਰੇ ਕੀਰਨੇ ਪਾਉਣਗੇ।+
ਮਾਰ ਖਾਣ ਵਾਲੇ ਕੀਰ-ਹਰਾਸਥ ਦੀਆਂ ਸੌਗੀਆਂ ਦੀਆਂ ਟਿੱਕੀਆਂ ਲਈ ਆਹਾਂ ਭਰਨਗੇ।+
8 ਹਸ਼ਬੋਨ+ ਦੇ ਪੌੜੀਦਾਰ ਖੇਤ ਸੁੱਕ ਗਏ ਹਨ,ਨਾਲੇ ਸਿਬਮਾਹ+ ਦੀ ਅੰਗੂਰੀ ਵੇਲ;ਕੌਮਾਂ ਦੇ ਹਾਕਮਾਂ ਨੇ ਇਸ ਦੀਆਂ ਸੁਰਖ਼ ਲਾਲ ਟਾਹਣੀਆਂ* ਨੂੰ ਮਿੱਧ ਸੁੱਟਿਆ ਹੈ;ਉਹ ਯਾਜ਼ੇਰ ਤਕ ਪਹੁੰਚ ਗਈਆਂ ਸਨ;+ਉਹ ਉਜਾੜ ਤਕ ਚਲੀਆਂ ਗਈਆਂ ਸਨ।
ਇਸ ਵੇਲ ਦੀਆਂ ਸ਼ਾਖ਼ਾਂ ਫੈਲ ਗਈਆਂ ਅਤੇ ਸਮੁੰਦਰ ਤਕ ਜਾ ਪਹੁੰਚੀਆਂ ਸਨ।
9 ਇਸੇ ਕਰਕੇ ਮੈਂ ਸਿਬਮਾਹ ਦੀ ਅੰਗੂਰੀ ਵੇਲ ਲਈ ਵੀ ਉਸੇ ਤਰ੍ਹਾਂ ਰੋਵਾਂਗਾ ਜਿਵੇਂ ਮੈਂ ਯਾਜ਼ਰ ਲਈ ਰੋਂਦਾ ਹਾਂ।
ਹੇ ਹਸ਼ਬੋਨ ਅਤੇ ਅਲਾਲੇਹ, ਮੈਂ ਤੁਹਾਨੂੰ ਆਪਣੇ ਹੰਝੂਆਂ ਨਾਲ ਭਿਓਂ ਦਿਆਂਗਾ+ਕਿਉਂਕਿ ਤੁਹਾਡੇ ਗਰਮੀ ਦੇ ਫਲਾਂ ਅਤੇ ਫ਼ਸਲ ਦੀ ਵਾਢੀ ਕਰਕੇ ਹੁੰਦਾ ਸ਼ੋਰ ਬੰਦ ਹੋ ਗਿਆ ਹੈ।*
10 ਫਲਾਂ ਦੇ ਬਾਗ਼ ਤੋਂ ਖ਼ੁਸ਼ੀਆਂ-ਖੇੜੇ ਖੋਹ ਲਏ ਗਏ ਹਨਅਤੇ ਅੰਗੂਰੀ ਬਾਗ਼ਾਂ ਵਿਚ ਹੁਣ ਨਾ ਖ਼ੁਸ਼ੀਆਂ ਦੇ ਗੀਤ ਗਾਏ ਜਾਂਦੇ ਹਨ ਅਤੇ ਨਾ ਹੀ ਉੱਥੇ ਕੋਈ ਸ਼ੋਰ ਹੈ।+
ਮਿੱਧਣ ਵਾਲਾ ਹੁਣ ਦਾਖਰਸ ਲਈ ਚੁਬੱਚਿਆਂ ਵਿਚ ਅੰਗੂਰਾਂ ਨੂੰ ਨਹੀਂ ਮਿੱਧਦਾਕਿਉਂਕਿ ਮੈਂ ਸ਼ੋਰ-ਸ਼ਰਾਬਾ ਬੰਦ ਕਰਾ ਦਿੱਤਾ ਹੈ।+
11 ਇਸੇ ਕਰਕੇ ਮੇਰਾ ਦਿਲ ਮੋਆਬ ਲਈ ਤੜਫ ਰਿਹਾ ਹੈ,+ਜਿਵੇਂ ਕਿਸੇ ਨੇ ਰਬਾਬ ਦੀਆਂ ਤਾਰਾਂ ਨੂੰ ਛੇੜ ਦਿੱਤਾ ਹੋਵੇਅਤੇ ਮੈਂ ਧੁਰ ਅੰਦਰੋਂ ਕੀਰ-ਹਰਾਸਥ ਲਈ ਤੜਫ ਰਿਹਾ ਹਾਂ।+
12 ਜੇ ਮੋਆਬ ਉੱਚੀ ਜਗ੍ਹਾ ਜਾ ਕੇ ਆਪਣੇ ਆਪ ਨੂੰ ਥਕਾ ਵੀ ਲਵੇ ਅਤੇ ਪ੍ਰਾਰਥਨਾ ਕਰਨ ਲਈ ਆਪਣੇ ਪਵਿੱਤਰ ਸਥਾਨ ਵਿਚ ਜਾਵੇ, ਤਾਂ ਵੀ ਉਸ ਦੇ ਪੱਲੇ ਕੁਝ ਨਹੀਂ ਪੈਣਾ।+
13 ਯਹੋਵਾਹ ਨੇ ਮੋਆਬ ਬਾਰੇ ਇਹ ਪਹਿਲਾਂ ਹੀ ਦੱਸ ਦਿੱਤਾ ਸੀ।
14 ਹੁਣ ਯਹੋਵਾਹ ਕਹਿੰਦਾ ਹੈ: “ਮਜ਼ਦੂਰ ਦੇ ਵਰ੍ਹਿਆਂ ਵਾਂਗ ਤਿੰਨ ਸਾਲਾਂ ਦੇ ਅੰਦਰ-ਅੰਦਰ* ਹਰ ਤਰ੍ਹਾਂ ਦੀ ਗੜਬੜੀ ਨਾਲ ਮੋਆਬ ਦੀ ਸ਼ਾਨ ਮਿੱਟੀ ਵਿਚ ਮਿਲ ਜਾਵੇਗੀ ਅਤੇ ਬਚਣ ਵਾਲੇ ਬਹੁਤ ਥੋੜ੍ਹੇ ਅਤੇ ਕਮਜ਼ੋਰ ਹੋਣਗੇ।”+
ਫੁਟਨੋਟ
^ ਜਾਂ, “ਇਸ ਦੀਆਂ ਲਾਲ ਅੰਗੂਰਾਂ ਨਾਲ ਲੱਦੀਆਂ ਟਾਹਣੀਆਂ।”
^ ਜਾਂ ਸੰਭਵ ਹੈ, “ਕਿਉਂਕਿ ਤੁਹਾਡੇ ਗਰਮੀ ਦੇ ਫਲਾਂ ਅਤੇ ਫ਼ਸਲ ਦੀ ਵਾਢੀ ਵੇਲੇ ਯੁੱਧ ਦਾ ਹੋਕਾ ਸੁਣਾਈ ਦੇ ਰਿਹਾ ਹੈ।”
^ ਜਾਂ, “ਬੜੇ ਧਿਆਨ ਨਾਲ ਗਿਣੇ ਸਾਲਾਂ ਦੇ ਅੰਦਰ-ਅੰਦਰ, ਜਿਵੇਂ ਮਜ਼ਦੂਰ ਗਿਣਦਾ ਹੈ”; ਯਾਨੀ, ਪੂਰੇ ਤਿੰਨ ਸਾਲ।
