ਸ੍ਰੇਸ਼ਟ ਗੀਤ 1:1-17
1 ਸੁਲੇਮਾਨ ਦਾ ਸਭ ਤੋਂ ਵਧੀਆ ਗੀਤ:+
2 “ਉਹ ਆਪਣੇ ਮੂੰਹ ਦੇ ਚੁੰਮਣਾਂ ਨਾਲ ਮੈਨੂੰ ਚੁੰਮੇਕਿਉਂਕਿ ਤੇਰੇ ਪਿਆਰ ਦੇ ਇਜ਼ਹਾਰ ਦਾਖਰਸ ਨਾਲੋਂ ਕਿਤੇ ਚੰਗੇ ਹਨ।+
3 ਤੇਰੇ ਖ਼ੁਸ਼ਬੂਦਾਰ ਤੇਲਾਂ ਦੀ ਮਹਿਕ ਕਿੰਨੀ ਮਿੱਠੀ ਹੈ!+
ਤੇਰਾ ਨਾਂ ਸੁਗੰਧਿਤ ਤੇਲ ਵਰਗਾ ਹੈ ਜੋ ਸਿਰ ’ਤੇ ਡੋਲ੍ਹਿਆ ਗਿਆ ਹੋਵੇ।+
ਇਸੇ ਲਈ ਕੁੜੀਆਂ ਤੇਰੇ ’ਤੇ ਫਿਦਾ ਹਨ।
4 ਮੈਨੂੰ ਆਪਣੇ ਨਾਲ ਲੈ ਜਾ;* ਚੱਲ ਆਪਾਂ ਭੱਜ ਚੱਲੀਏ।
ਰਾਜਾ ਮੈਨੂੰ ਆਪਣੀਆਂ ਕੋਠੜੀਆਂ ਵਿਚ ਲੈ ਆਇਆ ਹੈ!
ਆ ਆਪਾਂ ਖ਼ੁਸ਼ੀਆਂ ਮਨਾਈਏ ਤੇ ਆਨੰਦ ਕਰੀਏ,ਤੇਰੇ ਪਿਆਰ ਦੇ ਇਜ਼ਹਾਰ ਦੀਆਂ ਗੱਲਾਂ ਕਰੀਏ,* ਉਹ ਪਿਆਰ ਜੋ ਦਾਖਰਸ ਨਾਲੋਂ ਵੀ ਚੰਗਾ ਹੈ।
ਇਸੇ ਲਈ ਉਹ* ਤੇਰੇ ’ਤੇ ਫਿਦਾ ਹਨ।
5 ਹੇ ਯਰੂਸ਼ਲਮ ਦੀਓ ਧੀਓ, ਮੈਂ ਸਾਂਵਲੀ* ਹਾਂ, ਪਰ ਸੋਹਣੀ ਹਾਂ,ਕੇਦਾਰ ਦੇ ਤੰਬੂਆਂ+ ਵਰਗੀ, ਸੁਲੇਮਾਨ ਦੇ ਤੰਬੂ ਦੇ ਕੱਪੜਿਆਂ+ ਵਰਗੀ।
6 ਸਾਂਵਲੀ ਹੋਣ ਕਰਕੇ ਮੈਨੂੰ ਘੂਰੋ ਨਾਕਿਉਂਕਿ ਸੂਰਜ ਨੇ ਮੇਰੇ ਉੱਤੇ ਟਿਕਟਿਕੀ ਲਾ ਰੱਖੀ ਹੈ।
ਮੇਰੀ ਮਾਤਾ ਦੇ ਪੁੱਤਰ ਮੇਰੇ ਨਾਲ ਗੁੱਸੇ ਸਨ;ਉਨ੍ਹਾਂ ਨੇ ਮੈਨੂੰ ਅੰਗੂਰੀ ਬਾਗ਼ਾਂ ਦੀ ਰਾਖੀ ਕਰਨ ਲਾ ਦਿੱਤਾ,ਪਰ ਮੈਂ ਆਪਣੇ ਅੰਗੂਰੀ ਬਾਗ਼ ਦੀ ਰਾਖੀ ਨਾ ਕੀਤੀ।
7 ਹੇ ਮੇਰੇ ਪ੍ਰੀਤਮ, ਮੈਨੂੰ ਦੱਸਤੂੰ ਆਪਣਾ ਇੱਜੜ ਕਿੱਥੇ ਚਾਰਦਾ ਹੈਂ,+ਤੂੰ ਸਿਖਰ ਦੁਪਹਿਰੇ ਉਨ੍ਹਾਂ ਨੂੰ ਕਿੱਥੇ ਬਿਠਾਉਂਦਾ ਹੈਂ?
ਮੈਂ ਕਿਉਂ ਤੇਰੇ ਸਾਥੀਆਂ ਦੇ ਇੱਜੜਾਂ ਵਿਚਘੁੰਡ* ਕੱਢੀ ਔਰਤ ਵਾਂਗ ਘੁੰਮਦੀ ਫਿਰਾਂ?”
8 “ਹੇ ਸਾਰੀਆਂ ਔਰਤਾਂ ਵਿੱਚੋਂ ਸੋਹਣੀਏ, ਜੇ ਤੂੰ ਨਹੀਂ ਜਾਣਦੀ,ਤਾਂ ਇੱਜੜ ਦੇ ਖੁਰਾਂ ਦੇ ਨਿਸ਼ਾਨਾਂ ਦੇ ਪਿੱਛੇ-ਪਿੱਛੇ ਜਾਹਅਤੇ ਚਰਵਾਹਿਆਂ ਦੇ ਤੰਬੂਆਂ ਦੇ ਲਾਗੇ ਆਪਣੀਆਂ ਮੇਮਣੀਆਂ ਚਾਰ।”
9 “ਹੇ ਮੇਰੀ ਜਾਨ, ਤੂੰ ਫ਼ਿਰਊਨ ਦੇ ਰਥਾਂ ਅੱਗੇ ਜੋੜੀ ਗਈ ਘੋੜੀ* ਵਰਗੀ ਹੈਂ।+
10 ਤੇਰੀਆਂ ਗੱਲ੍ਹਾਂ ਗਹਿਣਿਆਂ ਨਾਲ* ਕਿੰਨੀਆਂ ਸੋਹਣੀਆਂ ਲੱਗਦੀਆਂ ਹਨ,ਤੇਰੀ ਗਰਦਨ ਮੋਤੀਆਂ ਦੀ ਮਾਲਾ ਨਾਲ ਕਿੰਨੀ ਖ਼ੂਬਸੂਰਤ ਲੱਗਦੀ ਹੈ।
11 ਅਸੀਂ ਤੇਰੇ ਲਈ ਸੋਨੇ ਦੇ ਗਹਿਣੇ*ਚਾਂਦੀ ਨਾਲ ਮੜ੍ਹ ਕੇ ਬਣਾਵਾਂਗੇ।”
12 “ਜਦ ਤਕ ਰਾਜਾ ਆਪਣੇ ਮੇਜ਼ ’ਤੇ ਬੈਠਾ ਰਿਹਾ,ਮੇਰੇ ਅਤਰ*+ ਦੀ ਖ਼ੁਸ਼ਬੂ ਉੱਡਦੀ ਰਹੀ।
13 ਮੇਰਾ ਮਹਿਬੂਬ ਮੇਰੇ ਲਈ ਗੰਧਰਸ ਦੀ ਪੁੜੀ ਜਿਹਾ ਹੈ+ਜੋ ਮੇਰੀਆਂ ਛਾਤੀਆਂ ਵਿਚਕਾਰ ਰਾਤ ਕੱਟਦਾ ਹੈ।
14 ਮੇਰਾ ਸਾਜਨ ਮੇਰੇ ਲਈ ਮਹਿੰਦੀ ਦੇ ਗੁੱਛੇ ਵਰਗਾ ਹੈ+ਜੋ ਏਨ-ਗਦੀ+ ਦੇ ਅੰਗੂਰੀ ਬਾਗ਼ਾਂ ਵਿਚ ਹੈ।”
15 “ਹੇ ਮੇਰੀ ਜਾਨ, ਤੂੰ ਕਿੰਨੀ ਹਸੀਨ ਹੈਂ!
ਤੂੰ ਬਹੁਤ ਖ਼ੂਬਸੂਰਤ ਹੈਂ। ਤੇਰੀਆਂ ਅੱਖਾਂ ਘੁੱਗੀ ਦੀਆਂ ਅੱਖਾਂ ਵਰਗੀਆਂ ਹਨ।”+
16 “ਹੇ ਮੇਰੇ ਮਹਿਬੂਬ, ਤੂੰ ਵੀ ਬਹੁਤ ਸੋਹਣਾ ਤੇ ਮਨਮੋਹਣਾ ਹੈਂ।+
ਹਰਾ-ਹਰਾ ਘਾਹ ਸਾਡੀ ਸੇਜ ਹੈ।
17 ਦਿਆਰ ਸਾਡੇ ਘਰ* ਦੇ ਸ਼ਤੀਰ ਹਨਅਤੇ ਸਨੋਬਰ ਦੇ ਦਰਖ਼ਤ ਉਸ ਦੇ ਬਾਲੇ।
ਫੁਟਨੋਟ
^ ਇਬ, “ਮੈਨੂੰ ਖਿੱਚ ਲੈ।”
^ ਜਾਂ, “ਦੀ ਤਾਰੀਫ਼ ਕਰੀਏ।”
^ ਯਾਨੀ, ਕੁੜੀਆਂ।
^ ਇਬ, “ਕਾਲੀ।”
^ ਜਾਂ, “ਮਾਤਮ ਦਾ ਘੁੰਡ।”
^ ਜਾਂ, “ਮੇਰੀ ਘੋੜੀ।”
^ ਜਾਂ ਸੰਭਵ ਹੈ, “ਵਾਲ਼ਾਂ ਦੀਆਂ ਲਟਾਂ ਵਿਚ।”
^ ਜਾਂ, “ਤਾਜ।”
^ ਇਬ, “ਜਟਾਮਾਸੀ।”
^ ਜਾਂ, “ਆਲੀਸ਼ਾਨ ਘਰ।”
