ਹੋਸ਼ੇਆ 12:1-14
12 “ਇਫ਼ਰਾਈਮ ਹਵਾ ਖਾਂਦਾ ਹੈ।
ਉਹ ਸਾਰਾ ਦਿਨ ਪੂਰਬ ਵੱਲੋਂ ਵਗਦੀ ਹਵਾ ਪਿੱਛੇ ਭੱਜਦਾ ਹੈ।
ਉਹ ਝੂਠ ਬੋਲਣ ਅਤੇ ਖ਼ੂਨ-ਖ਼ਰਾਬਾ ਕਰਨ ਵਿਚ ਲੱਗਾ ਰਹਿੰਦਾ ਹੈ।
ਉਹ ਅੱਸ਼ੂਰ ਨਾਲ ਇਕਰਾਰ ਕਰਦੇ ਹਨ+ ਅਤੇ ਮਿਸਰ ਨੂੰ ਤੇਲ ਲੈ ਕੇ ਜਾਂਦੇ ਹਨ।+
2 ਯਹੋਵਾਹ ਨੇ ਯਹੂਦਾਹ ਦੇ ਖ਼ਿਲਾਫ਼ ਮੁਕੱਦਮਾ ਕੀਤਾ ਹੈ;+ਉਹ ਯਾਕੂਬ ਤੋਂ ਉਸ ਦੇ ਸਾਰੇ ਕੰਮਾਂ ਦਾ ਲੇਖਾ ਲਵੇਗਾਅਤੇ ਉਸ ਨੂੰ ਉਸ ਦੇ ਕੰਮਾਂ ਦਾ ਬਦਲਾ ਦੇਵੇਗਾ।+
3 ਉਸ ਨੇ ਆਪਣੀ ਮਾਂ ਦੀ ਕੁੱਖ ਵਿਚ ਆਪਣੇ ਭਰਾ ਦੀ ਅੱਡੀ ਫੜੀ ਸੀ+ਅਤੇ ਉਹ ਪੂਰਾ ਜ਼ੋਰ ਲਾ ਕੇ ਪਰਮੇਸ਼ੁਰ ਦੇ ਨਾਲ ਘੁਲ਼ਿਆ ਸੀ।+
4 ਉਹ ਇਕ ਦੂਤ ਨਾਲ ਘੁਲ਼ਦਾ ਰਿਹਾ ਅਤੇ ਜਿੱਤ ਗਿਆ।
ਉਸ ਨੇ ਰੋ-ਰੋ ਕੇ ਤਰਲੇ ਕੀਤੇ ਕਿ ਉਹ ਉਸ ਨੂੰ ਆਪਣੀ ਮਿਹਰ ਬਖ਼ਸ਼ੇ।”+
ਪਰਮੇਸ਼ੁਰ ਉਸ ਨੂੰ ਬੈਤੇਲ ਵਿਚ ਮਿਲਿਆ ਅਤੇ ਉੱਥੇ ਉਸ ਨੇ ਸਾਡੇ ਨਾਲ ਗੱਲ ਕੀਤੀ,+
5 ਯਹੋਵਾਹ ਜੋ ਸੈਨਾਵਾਂ ਦਾ ਪਰਮੇਸ਼ੁਰ ਹੈ,+ਯਹੋਵਾਹ ਉਸ ਦਾ ਨਾਂ ਹੈ ਜਿਸ ਤੋਂ ਉਸ ਨੂੰ ਯਾਦ ਕੀਤਾ ਜਾਂਦਾ ਹੈ।+
6 “ਇਸ ਲਈ ਆਪਣੇ ਪਰਮੇਸ਼ੁਰ ਕੋਲ ਵਾਪਸ ਆ,+ਅਟੱਲ ਪਿਆਰ ਅਤੇ ਨਿਆਂ ਨੂੰ ਬਰਕਰਾਰ ਰੱਖ+ਅਤੇ ਆਪਣੇ ਪਰਮੇਸ਼ੁਰ ਉੱਤੇ ਹਮੇਸ਼ਾ ਉਮੀਦ ਲਾਈ ਰੱਖ।
7 ਪਰ ਵਪਾਰੀ ਦੇ ਹੱਥ ਵਿਚ ਬੇਈਮਾਨੀ ਦੀ ਤੱਕੜੀ ਹੈ;ਉਸ ਨੂੰ ਠੱਗੀ ਮਾਰਨੀ ਬਹੁਤ ਚੰਗੀ ਲੱਗਦੀ ਹੈ।+
8 ਇਫ਼ਰਾਈਮ ਕਹਿੰਦਾ ਰਹਿੰਦਾ ਹੈ, ‘ਮੈਂ ਅਮੀਰ ਹੋ ਗਿਆ ਹਾਂ;+ਮੈਨੂੰ ਧਨ-ਦੌਲਤ ਮਿਲੀ ਹੈ।+
ਮੇਰੀ ਮਿਹਨਤ ਦੀ ਕਮਾਈ ਵਿਚ ਉਨ੍ਹਾਂ ਨੂੰ ਕੋਈ ਦੋਸ਼ ਜਾਂ ਪਾਪ ਨਜ਼ਰ ਨਹੀਂ ਆਵੇਗਾ।’
9 ਪਰ ਮੈਂ ਯਹੋਵਾਹ ਮਿਸਰ ਤੋਂ ਹੀ ਤੇਰਾ ਪਰਮੇਸ਼ੁਰ ਹਾਂ।+
ਮੈਂ ਦੁਬਾਰਾ ਤੈਨੂੰ ਤੰਬੂਆਂ ਵਿਚ ਵਸਾਵਾਂਗਾਜਿਵੇਂ ਤੂੰ ਤਿਉਹਾਰ ਦੇ ਦਿਨਾਂ* ਵਿਚ ਵੱਸਦਾ ਸੀ।
10 ਮੈਂ ਨਬੀਆਂ ਨਾਲ ਗੱਲ ਕੀਤੀ,+ਮੈਂ ਉਨ੍ਹਾਂ ਨੂੰ ਬਹੁਤ ਸਾਰੇ ਦਰਸ਼ਣ ਦਿਖਾਏਅਤੇ ਮੈਂ ਨਬੀਆਂ ਦੇ ਰਾਹੀਂ ਮਿਸਾਲਾਂ ਦਿੱਤੀਆਂ।
11 ਗਿਲਆਦ ਵਿਚ ਧੋਖੇਬਾਜ਼ੀ*+ ਅਤੇ ਝੂਠ ਹੈ।
ਉਨ੍ਹਾਂ ਨੇ ਗਿਲਗਾਲ ਵਿਚ ਬਲਦਾਂ ਦੀਆਂ ਬਲ਼ੀਆਂ ਦਿੱਤੀਆਂ+ਅਤੇ ਉਨ੍ਹਾਂ ਦੀਆਂ ਵੇਦੀਆਂ ਵਾਹੇ ਹੋਏ ਖੇਤ ਵਿਚ ਪੱਥਰਾਂ ਦੇ ਢੇਰਾਂ ਵਰਗੀਆਂ ਹਨ।+
12 ਯਾਕੂਬ ਭੱਜ ਕੇ ਅਰਾਮ* ਦੇ ਇਲਾਕੇ* ਨੂੰ ਚਲਾ ਗਿਆ;+ਉੱਥੇ ਇਜ਼ਰਾਈਲ+ ਨੇ ਇਕ ਪਤਨੀ ਲਈ ਮਜ਼ਦੂਰੀ ਕੀਤੀ+ਅਤੇ ਉਸ ਨੇ ਇਕ ਪਤਨੀ ਲਈ ਭੇਡਾਂ ਦੀ ਰਾਖੀ ਕੀਤੀ।+
13 ਇਕ ਨਬੀ ਰਾਹੀਂ ਯਹੋਵਾਹ ਇਜ਼ਰਾਈਲ ਨੂੰ ਮਿਸਰ ਵਿੱਚੋਂ ਕੱਢ ਲਿਆਇਆ+ਅਤੇ ਇਕ ਨਬੀ ਰਾਹੀਂ ਉਸ ਦੀ ਰਖਵਾਲੀ ਕੀਤੀ।+
14 ਇਫ਼ਰਾਈਮ ਨੇ ਪਰਮੇਸ਼ੁਰ ਨੂੰ ਬਹੁਤ ਗੁੱਸਾ ਚੜ੍ਹਾਇਆ ਹੈ;+ਉਹ ਖ਼ੂਨ ਦਾ ਦੋਸ਼ੀ ਰਹੇਗਾ;ਆਪਣੇ ਪ੍ਰਭੂ ਦੀ ਬੇਇੱਜ਼ਤੀ ਕਰਨ ਕਰਕੇ ਉਸ ਦੇ ਹੱਥੋਂ ਉਸ ਨੂੰ ਸਜ਼ਾ ਮਿਲੇਗੀ।”+
ਫੁਟਨੋਟ
^ ਇਬ, “ਮਿਥੇ ਹੋਏ ਸਮੇਂ ਦੇ ਦਿਨਾਂ ਦੌਰਾਨ।”
^ ਜਾਂ, “ਤੰਤਰ-ਮੰਤਰ; ਜਾਦੂ-ਟੂਣਾ।”
^ ਜਾਂ, “ਸੀਰੀਆ।”
^ ਇਬ, “ਖੇਤ।”
