ਹੋਸ਼ੇਆ 13:1-16
13 “ਜਦੋਂ ਇਫ਼ਰਾਈਮ ਬੋਲਦਾ ਸੀ, ਤਾਂ ਲੋਕ ਥਰ-ਥਰ ਕੰਬਦੇ ਸਨ;ਉਹ ਇਜ਼ਰਾਈਲ ਵਿਚ ਮੰਨਿਆ-ਪ੍ਰਮੰਨਿਆ ਸੀ।+
ਪਰ ਬਆਲ ਦੀ ਪੂਜਾ ਕਰਨ ਕਰਕੇ ਉਹ ਦੋਸ਼ੀ ਬਣਿਆ+ ਅਤੇ ਮਰ ਗਿਆ।
2 ਹੁਣ ਉਹ ਪਾਪ ’ਤੇ ਪਾਪ ਕਰਦੇ ਹਨਅਤੇ ਆਪਣੀ ਚਾਂਦੀ ਨਾਲ ਮੂਰਤੀਆਂ ਬਣਾਉਂਦੇ ਹਨ;+ਉਹ ਬੜੀ ਮੁਹਾਰਤ ਨਾਲ ਬੁੱਤ ਘੜਦੇ ਹਨ ਜੋ ਕਾਰੀਗਰ ਦੇ ਹੱਥਾਂ ਦਾ ਕੰਮ ਹਨ।
ਉਹ ਉਨ੍ਹਾਂ ਨੂੰ ਕਹਿੰਦੇ ਹਨ, ‘ਬਲ਼ੀਆਂ ਚੜ੍ਹਾਉਣ ਵਾਲਿਓ, ਵੱਛਿਆਂ ਨੂੰ ਚੁੰਮੋ।’+
3 ਇਸ ਲਈ ਉਹ ਸਵੇਰ ਦੇ ਬੱਦਲਾਂ ਵਰਗੇ ਹੋਣਗੇ,ਉਹ ਤ੍ਰੇਲ ਵਰਗੇ ਹੋਣਗੇ ਜੋ ਝੱਟ ਗਾਇਬ ਹੋ ਜਾਂਦੀ ਹੈ,ਉਹ ਪਿੜ* ਵਿਚ ਪਈ ਤੂੜੀ ਵਰਗੇ ਹੋਣਗੇ ਜਿਸ ਨੂੰ ਹਨੇਰੀ ਉਡਾ ਕੇ ਲੈ ਜਾਂਦੀ ਹੈਅਤੇ ਧੂੰਏਂ ਵਰਗੇ ਹੋਣਗੇ ਜੋ ਚਿਮਨੀ ਵਿੱਚੋਂ ਦੀ ਨਿਕਲ ਜਾਂਦਾ ਹੈ।
4 ਪਰ ਮੈਂ ਯਹੋਵਾਹ ਮਿਸਰ ਤੋਂ ਤੇਰਾ ਪਰਮੇਸ਼ੁਰ ਹਾਂ;+ਤੂੰ ਮੇਰੇ ਤੋਂ ਸਿਵਾਇ ਹੋਰ ਕਿਸੇ ਪਰਮੇਸ਼ੁਰ ਨੂੰ ਨਹੀਂ ਜਾਣਦਾ ਸੀਅਤੇ ਮੇਰੇ ਤੋਂ ਇਲਾਵਾ ਹੋਰ ਕੋਈ ਮੁਕਤੀਦਾਤਾ ਨਹੀਂ।+
5 ਮੈਂ ਉਜਾੜ ਵਿਚ, ਹਾਂ, ਸੋਕੇ ਦੇ ਇਲਾਕੇ ਵਿਚ ਤੇਰੇ ਵੱਲ ਧਿਆਨ ਦਿੱਤਾ।+
6 ਉਨ੍ਹਾਂ ਨੇ ਆਪਣੀਆਂ ਚਰਾਂਦਾਂ ਵਿਚ ਢਿੱਡ ਭਰ ਕੇ ਖਾਧਾ,+ਉਹ ਰੱਜ ਗਏ ਅਤੇ ਉਨ੍ਹਾਂ ਦੇ ਦਿਲਾਂ ਵਿਚ ਘਮੰਡ ਪੈਦਾ ਹੋ ਗਿਆ।
ਇਸ ਕਰਕੇ ਉਹ ਮੈਨੂੰ ਭੁੱਲ ਗਏ।+
7 ਮੈਂ ਉਨ੍ਹਾਂ ਲਈ ਜਵਾਨ ਸ਼ੇਰ ਵਰਗਾ+ਅਤੇ ਰਾਹ ਵਿਚ ਲੁਕੇ ਚੀਤੇ ਵਰਗਾ ਬਣਾਂਗਾ।
8 ਮੈਂ ਇਕ ਰਿੱਛਣੀ ਵਾਂਗ ਉਨ੍ਹਾਂ ’ਤੇ ਹਮਲਾ ਕਰਾਂਗਾ ਜਿਸ ਦੇ ਬੱਚੇ ਗੁਆਚ ਗਏ ਹਨਅਤੇ ਮੈਂ ਉਨ੍ਹਾਂ ਦੇ ਸੀਨੇ ਪਾੜ ਦਿਆਂਗਾ।
ਮੈਂ ਸ਼ੇਰ ਵਾਂਗ ਉਨ੍ਹਾਂ ਨੂੰ ਉੱਥੇ ਹੀ ਖਾ ਜਾਵਾਂਗਾ;ਇਕ ਜੰਗਲੀ ਜਾਨਵਰ ਉਨ੍ਹਾਂ ਦੀ ਬੋਟੀ-ਬੋਟੀ ਕਰ ਦੇਵੇਗਾ।
9 ਹੇ ਇਜ਼ਰਾਈਲ, ਇਹ ਤੈਨੂੰ ਤਬਾਹ ਕਰ ਦੇਵੇਗਾਕਿਉਂਕਿ ਤੂੰ ਮੇਰੇ, ਹਾਂ, ਆਪਣੇ ਮਦਦਗਾਰ ਦੇ ਖ਼ਿਲਾਫ਼ ਹੋ ਗਿਆ ਹੈਂ।
10 ਹੁਣ ਕਿੱਥੇ ਹੈ ਤੇਰਾ ਰਾਜਾ ਜੋ ਤੇਰੇ ਸਾਰੇ ਸ਼ਹਿਰਾਂ ਵਿਚ ਤੈਨੂੰ ਬਚਾਵੇ+ਅਤੇ ਕਿੱਥੇ ਹਨ ਤੇਰੇ ਹਾਕਮ* ਜਿਨ੍ਹਾਂ ਬਾਰੇ ਤੂੰ ਕਿਹਾ ਸੀ,‘ਮੇਰੇ ’ਤੇ ਇਕ ਰਾਜਾ ਅਤੇ ਆਗੂਆਂ ਨੂੰ ਨਿਯੁਕਤ ਕਰ’?+
11 ਮੈਂ ਗੁੱਸੇ ਵਿਚ ਤੁਹਾਡੇ ਲਈ ਇਕ ਰਾਜਾ ਨਿਯੁਕਤ ਕੀਤਾ+ਅਤੇ ਮੈਂ ਕ੍ਰੋਧ ਵਿਚ ਆ ਕੇ ਉਸ ਨੂੰ ਹਟਾ ਦਿਆਂਗਾ।+
12 ਇਫ਼ਰਾਈਮ ਦੇ ਅਪਰਾਧ ਨੂੰ ਲਪੇਟ ਕੇ ਰੱਖਿਆ ਗਿਆ ਹੈ;ਉਸ ਦੇ ਪਾਪ ਨੂੰ ਸਾਂਭ ਕੇ ਰੱਖਿਆ ਗਿਆ ਹੈ।
13 ਉਸ ਨੂੰ ਜਣਨ-ਪੀੜਾਂ ਲੱਗਣਗੀਆਂ।
ਪਰ ਉਹ ਇਕ ਮੂਰਖ ਬੱਚਾ ਹੈ;ਉਹ ਜਨਮ ਲੈਣ ਦੇ ਸਮੇਂ ਬਾਹਰ ਆਉਣ ਲਈ ਤਿਆਰ ਨਹੀਂ ਹੁੰਦਾ।
14 ਮੈਂ ਉਨ੍ਹਾਂ ਨੂੰ ਕਬਰ* ਦੇ ਮੂੰਹ ਵਿੱਚੋਂ ਕੱਢਾਂਗਾ;ਮੈਂ ਉਨ੍ਹਾਂ ਨੂੰ ਮੌਤ ਦੇ ਪੰਜੇ ਤੋਂ ਛੁਡਾਵਾਂਗਾ।+
ਹੇ ਮੌਤ, ਕਿੱਥੇ ਹਨ ਤੇਰੇ ਡੰਗ?+
ਹੇ ਕਬਰ, ਤੇਰੀ ਵਿਨਾਸ਼ ਕਰਨ ਦੀ ਤਾਕਤ ਕਿੱਥੇ ਹੈ?+
ਮੇਰੀਆਂ ਨਜ਼ਰਾਂ ਰਹਿਮ ਨਹੀਂ ਕਰਨਗੀਆਂ
15 ਭਾਵੇਂ ਉਹ ਕਾਨਿਆਂ ਵਿਚਕਾਰ ਵਧੇ-ਫੁੱਲੇ,ਪੂਰਬ ਵੱਲੋਂ ਹਵਾ, ਹਾਂ, ਯਹੋਵਾਹ ਦੀ ਹਵਾ ਵਗੇਗੀ,ਇਹ ਰੇਗਿਸਤਾਨ ਵੱਲੋਂ ਆਵੇਗੀ ਅਤੇ ਉਸ ਦੇ ਖੂਹ ਅਤੇ ਚਸ਼ਮੇ ਨੂੰ ਸੁੱਕਾ ਦੇਵੇਗੀ।
ਉਸ ਦੀਆਂ ਸਾਰੀਆਂ ਬੇਸ਼ਕੀਮਤੀ ਚੀਜ਼ਾਂ ਦਾ ਖ਼ਜ਼ਾਨਾ ਲੁੱਟ ਲਿਆ ਜਾਵੇਗਾ।+
16 ਸਾਮਰਿਯਾ ਨੂੰ ਦੋਸ਼ੀ ਠਹਿਰਾਇਆ ਜਾਵੇਗਾ+ ਕਿਉਂਕਿ ਉਸ ਨੇ ਆਪਣੇ ਪਰਮੇਸ਼ੁਰ ਦੇ ਵਿਰੁੱਧ ਬਗਾਵਤ ਕੀਤੀ ਹੈ।+
ਉਹ ਤਲਵਾਰ ਨਾਲ ਵੱਢੇ ਜਾਣਗੇ,+ਉਨ੍ਹਾਂ ਦੇ ਬੱਚਿਆਂ ਨੂੰ ਪਟਕਾ-ਪਟਕਾ ਕੇ ਮਾਰਿਆ ਜਾਵੇਗਾਅਤੇ ਉਨ੍ਹਾਂ ਦੀਆਂ ਗਰਭਵਤੀ ਔਰਤਾਂ ਦੇ ਢਿੱਡ ਚੀਰੇ ਜਾਣਗੇ।”
