ਹੋਸ਼ੇਆ 6:1-11
6 “ਆਓ ਆਪਾਂ ਯਹੋਵਾਹ ਕੋਲ ਵਾਪਸ ਜਾਈਏਕਿਉਂਕਿ ਉਸ ਨੇ ਹੀ ਸਾਡੇ ਟੋਟੇ-ਟੋਟੇ ਕੀਤੇ ਹਨ+ ਅਤੇ ਉਹੀ ਸਾਨੂੰ ਚੰਗਾ ਕਰੇਗਾ।
ਉਸ ਨੇ ਹੀ ਸਾਨੂੰ ਜ਼ਖ਼ਮੀ ਕੀਤਾ ਹੈ ਅਤੇ ਉਹੀ ਸਾਡੇ ਜ਼ਖ਼ਮਾਂ ’ਤੇ ਪੱਟੀ ਬੰਨ੍ਹੇਗਾ।
2 ਉਹ ਦੋ ਦਿਨਾਂ ਬਾਅਦ ਸਾਡੇ ਵਿਚ ਜਾਨ ਪਾਵੇਗਾ।
ਉਹ ਤੀਸਰੇ ਦਿਨ ਸਾਨੂੰ ਜੀਉਂਦਾ ਕਰੇਗਾਅਤੇ ਅਸੀਂ ਉਸ ਦੀ ਹਜ਼ੂਰੀ ਵਿਚ ਜੀਉਂਦੇ ਰਹਾਂਗੇ।
3 ਅਸੀਂ ਯਹੋਵਾਹ ਨੂੰ ਜਾਣਾਂਗੇ, ਹਾਂ, ਅਸੀਂ ਪੂਰੇ ਦਿਲ ਨਾਲ ਉਸ ਨੂੰ ਜਾਣਨ ਦੀ ਕੋਸ਼ਿਸ਼ ਕਰਾਂਗੇ।
ਜਿਵੇਂ ਰੋਜ਼ ਸੂਰਜ ਨਿਕਲਦਾ ਹੈ, ਉਸੇ ਤਰ੍ਹਾਂ ਉਹ ਜ਼ਰੂਰ ਸਾਡੇ ਕੋਲ ਆਵੇਗਾ;ਉਹ ਤੇਜ਼ ਮੀਂਹ ਵਾਂਗ ਸਾਡੇ ਕੋਲ ਆਵੇਗਾ,ਹਾਂ, ਬਸੰਤ ਰੁੱਤ ਵਿਚ ਪੈਂਦੇ ਮੀਂਹ ਵਾਂਗ ਜੋ ਧਰਤੀ ਨੂੰ ਸਿੰਜਦਾ ਹੈ।”
4 “ਹੇ ਇਫ਼ਰਾਈਮ, ਮੈਂ ਤੇਰੇ ਨਾਲ ਕੀ ਕਰਾਂ?
ਹੇ ਯਹੂਦਾਹ, ਮੈਂ ਤੇਰੇ ਨਾਲ ਕੀ ਕਰਾਂ?
ਤੇਰਾ ਅਟੱਲ ਪਿਆਰ ਸਵੇਰ ਦੇ ਬੱਦਲਾਂ ਵਰਗਾ ਹੈ,ਨਾਲੇ ਤ੍ਰੇਲ ਵਰਗਾ ਜੋ ਝੱਟ ਗਾਇਬ ਹੋ ਜਾਂਦੀ ਹੈ।
5 ਇਸੇ ਕਰਕੇ ਮੈਂ ਤੈਨੂੰ ਨਬੀਆਂ ਦੇ ਰਾਹੀਂ ਵੱਢ ਦਿਆਂਗਾ;+ਮੈਂ ਤੈਨੂੰ ਆਪਣੇ ਮੂੰਹ ਦੇ ਬਚਨਾਂ ਨਾਲ ਜਾਨੋਂ ਮਾਰ ਦਿਆਂਗਾ।+
ਤੇਰੇ ਉੱਤੇ ਸਜ਼ਾ ਦੇ ਫ਼ੈਸਲੇ ਚਾਨਣ ਵਾਂਗ ਚਮਕਣਗੇ।+
6 ਮੈਨੂੰ ਅਟੱਲ ਪਿਆਰ* ਤੋਂ ਖ਼ੁਸ਼ੀ ਹੁੰਦੀ ਹੈ, ਨਾ ਕਿ ਬਲ਼ੀਆਂ ਤੋਂਅਤੇ ਪਰਮੇਸ਼ੁਰ ਦੇ ਗਿਆਨ ਤੋਂ ਖ਼ੁਸ਼ੀ ਹੁੰਦੀ ਹੈ, ਨਾ ਕਿ ਹੋਮ-ਬਲ਼ੀਆਂ ਤੋਂ।+
7 ਪਰ ਮੇਰੇ ਲੋਕਾਂ ਨੇ ਮਾਮੂਲੀ ਇਨਸਾਨਾਂ ਵਾਂਗ ਇਕਰਾਰ ਨੂੰ ਤੋੜਿਆ ਹੈ।+
ਉਨ੍ਹਾਂ ਨੇ ਮੈਨੂੰ ਆਪਣੇ ਦੇਸ਼ ਵਿਚ ਧੋਖਾ ਦਿੱਤਾ ਹੈ।
8 ਗਿਲਆਦ ਬੁਰੇ ਕੰਮ ਕਰਨ ਵਾਲਿਆਂ ਦਾ ਸ਼ਹਿਰ ਹੈ,+ਇਹ ਸ਼ਹਿਰ ਖ਼ੂਨ ਨਾਲ ਲਿਬੜਿਆ ਹੋਇਆ ਹੈ।+
9 ਪੁਜਾਰੀਆਂ ਦਾ ਦਲ ਲੁਟੇਰਿਆਂ ਦੇ ਗਿਰੋਹਾਂ ਵਰਗਾ ਹੈ ਜੋ ਕਤਲ ਕਰਨ ਲਈ ਘਾਤ ਲਾ ਕੇ ਬੈਠਦੇ ਹਨ।
ਉਹ ਸ਼ਕਮ ਵਿਚ ਸੜਕ ’ਤੇ ਕਤਲ ਕਰਦੇ ਹਨ,+ਉਨ੍ਹਾਂ ਦਾ ਚਾਲ-ਚਲਣ ਬੇਸ਼ਰਮੀ ਭਰਿਆ ਹੈ।
10 ਮੈਂ ਇਜ਼ਰਾਈਲ ਦੇ ਘਰਾਣੇ ਵਿਚ ਇਕ ਘਿਣਾਉਣੀ ਚੀਜ਼ ਦੇਖੀ ਹੈ।
ਉੱਥੇ ਇਫ਼ਰਾਈਮ ਵੇਸਵਾਗਿਰੀ ਕਰਦਾ ਹੈ;+ਇਜ਼ਰਾਈਲ ਨੇ ਆਪਣੇ ਆਪ ਨੂੰ ਭ੍ਰਿਸ਼ਟ ਕੀਤਾ ਹੈ।+
11 ਇਸ ਤੋਂ ਇਲਾਵਾ, ਹੇ ਯਹੂਦਾਹ, ਵਾਢੀ ਦੇ ਸਮੇਂ ਵਾਂਗ ਤੈਨੂੰ ਇਕੱਠਾ ਕੀਤੇ ਜਾਣ ਦਾ ਸਮਾਂ ਮਿਥਿਆ ਗਿਆ ਹੈ,ਜਦੋਂ ਮੈਂ ਆਪਣੇ ਲੋਕਾਂ ਨੂੰ ਗ਼ੁਲਾਮੀ ਵਿੱਚੋਂ ਕੱਢ ਕੇ ਵਾਪਸ ਲਿਆਵਾਂਗਾ।”+
ਫੁਟਨੋਟ
^ ਜਾਂ, “ਦਇਆ।”
