ਹੱਬਕੂਕ 3:1-19
3 ਹੱਬਕੂਕ ਨਬੀ ਦੀ ਵਿਰਲਾਪ ਭਰੀ ਪ੍ਰਾਰਥਨਾ:*
2 “ਹੇ ਯਹੋਵਾਹ, ਮੈਂ ਤੇਰੇ ਬਾਰੇ ਸੁਣਿਆ ਹੈ।
ਹੇ ਯਹੋਵਾਹ, ਮੈਂ ਤੇਰੇ ਕੰਮਾਂ ਤੋਂ ਡਰਦਾ ਹਾਂ।
ਸਮਾਂ ਆਉਣ ਤੇ* ਇਹ ਕੰਮ ਦੁਬਾਰਾ ਕਰੀਂ!
ਸਮਾਂ ਆਉਣ ਤੇ* ਇਨ੍ਹਾਂ ਨੂੰ ਜ਼ਾਹਰ ਕਰੀਂ।
ਕਹਿਰ ਢਾਹੁਣ ਵੇਲੇ ਦਇਆ ਕਰਨੀ ਨਾ ਭੁੱਲੀਂ।+
3 ਪਰਮੇਸ਼ੁਰ ਤੇਮਾਨ ਤੋਂ ਆਇਆ,ਪਵਿੱਤਰ ਪਰਮੇਸ਼ੁਰ ਪਾਰਾਨ ਪਰਬਤ ਤੋਂ।+ (ਸਲਹ)*
ਉਸ ਦੀ ਸ਼ਾਨੋ-ਸ਼ੌਕਤ ਆਕਾਸ਼ ’ਤੇ ਛਾਈ ਹੋਈ ਸੀ;+ਧਰਤੀ ਉਸ ਦੀ ਵਡਿਆਈ ਨਾਲ ਭਰੀ ਹੋਈ ਸੀ।
4 ਉਸ ਦੀ ਚਮਕ ਚਾਨਣ ਵਾਂਗ ਸੀ।+
ਉਸ ਦੇ ਹੱਥ ਵਿੱਚੋਂ ਦੋ ਕਿਰਨਾਂ ਨਿਕਲੀਆਂਜਿਸ ਵਿਚ ਉਸ ਦੀ ਤਾਕਤ ਲੁਕੀ ਹੋਈ ਸੀ।
5 ਮਹਾਂਮਾਰੀ ਉਸ ਦੇ ਅੱਗੇ-ਅੱਗੇ ਗਈ+ਅਤੇ ਤੇਜ਼ ਬੁਖ਼ਾਰ ਉਸ ਦੇ ਪਿੱਛੇ-ਪਿੱਛੇ।
6 ਉਸ ਦੇ ਖੜ੍ਹਨ ਕਰਕੇ ਧਰਤੀ ਹਿਲ ਗਈ।+
ਉਸ ਦੀ ਇਕ ਘੂਰੀ ਨਾਲ ਕੌਮਾਂ ਕੰਬ ਉੱਠੀਆਂ।+
ਯੁਗਾਂ-ਯੁਗਾਂ ਤੋਂ ਖੜ੍ਹੇ ਪਹਾੜ ਚੂਰ-ਚੂਰ ਹੋ ਗਏ,ਪੁਰਾਣੀਆਂ ਪਹਾੜੀਆਂ ਝੁਕ ਗਈਆਂ।+
ਪੁਰਾਣੇ ਸਮਿਆਂ ਤੋਂ ਉਸ ਦਾ ਇਹੀ ਰਾਹ ਹੈ।
7 ਮੈਂ ਕੂਸ਼ੀਆਂ ਦੇ ਤੰਬੂਆਂ ਵਿਚ ਗੜਬੜੀ ਮਚੀ ਦੇਖੀ।
ਮਿਦਿਆਨ ਦੇਸ਼ ਦੇ ਤੰਬੂ ਕੰਬ ਰਹੇ ਸਨ।+
8 ਹੇ ਯਹੋਵਾਹ, ਕੀ ਤੂੰ ਦਰਿਆਵਾਂ ਉੱਤੇ,ਹਾਂ, ਦਰਿਆਵਾਂ ’ਤੇ ਆਪਣਾ ਗੁੱਸਾ ਕੱਢ ਰਿਹਾ ਹੈਂ?
ਜਾਂ ਕੀ ਤੇਰਾ ਕ੍ਰੋਧ ਸਮੁੰਦਰ ਉੱਤੇ ਭੜਕਿਆ ਹੈ?+
ਕਿਉਂਕਿ ਤੂੰ ਆਪਣੇ ਘੋੜਿਆਂ ਉੱਤੇ ਸਵਾਰ ਸੀ;+ਤੇਰੇ ਰਥ ਜਿੱਤ ਗਏ ਸਨ।*+
9 ਤੂੰ ਆਪਣੀ ਕਮਾਨ ਕੱਢ ਲਈ ਹੈ ਤੇ ਤੀਰ ਚਲਾਉਣ ਲਈ ਤਿਆਰ ਹੈਂ।
ਡੰਡਿਆਂ* ਨੂੰ ਸਹੁੰ ਖੁਆਈ ਗਈ ਹੈ।* (ਸਲਹ)
ਤੂੰ ਧਰਤੀ ਨੂੰ ਦਰਿਆਵਾਂ ਨਾਲ ਚੀਰ ਦਿੱਤਾ।
10 ਤੈਨੂੰ ਦੇਖ ਕੇ ਪਹਾੜ ਦਰਦ ਨਾਲ ਤੜਫੇ।+
ਜ਼ੋਰ-ਜ਼ੋਰ ਨਾਲ ਮੀਂਹ ਪਿਆ।
ਡੂੰਘੇ ਪਾਣੀ ਗਰਜੇ।+
ਉਨ੍ਹਾਂ ਨੇ ਆਪਣੇ ਹੱਥ ਉੱਪਰ ਚੁੱਕੇ।
11 ਸੂਰਜ ਅਤੇ ਚੰਦ ਆਕਾਸ਼ ਵਿਚ ਖੜ੍ਹੇ ਰਹੇ।+
ਤੇਰੇ ਲਿਸ਼ਕਦੇ ਹੋਏ ਤੀਰ ਨਿਕਲੇ।+
ਤੇਰੇ ਬਰਛੇ ਦੀ ਚਮਕ ਬਹੁਤ ਤੇਜ਼ ਸੀ।
12 ਤੂੰ ਗੁੱਸੇ ਨਾਲ ਧਰਤੀ ਵਿੱਚੋਂ ਦੀ ਲੰਘਿਆ।
ਤੂੰ ਕ੍ਰੋਧ ਵਿਚ ਆ ਕੇ ਕੌਮਾਂ ਨੂੰ ਆਪਣੇ ਪੈਰਾਂ ਹੇਠ ਮਿੱਧਿਆ।*
13 ਤੂੰ ਆਪਣੇ ਲੋਕਾਂ ਨੂੰ ਛੁਡਾਉਣ, ਹਾਂ, ਆਪਣੇ ਚੁਣੇ ਹੋਏ ਨੂੰ ਬਚਾਉਣ ਲਈ ਨਿਕਲਿਆ।
ਤੂੰ ਦੁਸ਼ਟ ਦੇ ਘਰਾਣੇ ਦੇ ਆਗੂ* ਨੂੰ ਖ਼ਤਮ ਕਰ ਦਿੱਤਾ।
ਇਸ ਨੂੰ ਉੱਪਰੋਂ* ਲੈ ਕੇ ਨੀਂਹ ਤਕ ਢਾਹ ਦਿੱਤਾ ਗਿਆ। (ਸਲਹ)
14 ਉਸ ਦੇ ਯੋਧਿਆਂ ਨੇ ਮੈਨੂੰ ਖਿੰਡਾਉਣ ਲਈ ਹਨੇਰੀ ਵਾਂਗ ਹਮਲਾ ਕੀਤਾਪਰ ਤੂੰ ਉਸ ਦੇ ਯੋਧਿਆਂ ਦੇ ਸਿਰ ਉਸ ਦੇ ਹੀ ਹਥਿਆਰਾਂ* ਨਾਲ ਵਿੰਨ੍ਹ ਸੁੱਟੇ।
ਉਹ ਚੋਰੀ-ਛਿਪੇ ਦੁਖੀ ਨੂੰ ਨਿਗਲ਼ ਕੇ ਬਹੁਤ ਖ਼ੁਸ਼ ਹੋਏ।
15 ਤੂੰ ਆਪਣੇ ਘੋੜਿਆਂ ’ਤੇ ਸਵਾਰ ਹੋ ਕੇ ਸਮੁੰਦਰ ਵਿੱਚੋਂ,ਠਾਠਾਂ ਮਾਰਦੇ ਪਾਣੀ ਵਿੱਚੋਂ ਦੀ ਲੰਘਿਆ।
16 ਮੈਂ ਸੁਣਿਆ ਅਤੇ ਅੰਦਰੋਂ ਡਰ ਗਿਆ;*ਆਵਾਜ਼ ਸੁਣ ਕੇ ਮੇਰੇ ਬੁੱਲ੍ਹ ਕੰਬਣ ਲੱਗੇ।
ਮੇਰੀਆਂ ਹੱਡੀਆਂ ਗਲ਼ ਗਈਆਂ;+ਮੇਰੀਆਂ ਲੱਤਾਂ ਨੂੰ ਕਾਂਬਾ ਛਿੜ ਗਿਆ।
ਪਰ ਮੈਂ ਚੁੱਪ-ਚਾਪ ਕਸ਼ਟ ਦੇ ਦਿਨ ਦੀ ਉਡੀਕ ਕਰਦਾ ਹਾਂ+ਕਿਉਂਕਿ ਇਹ ਦਿਨ ਸਾਡੇ ’ਤੇ ਹਮਲਾ ਕਰਨ ਵਾਲਿਆਂ ’ਤੇ ਆਵੇਗਾ।
17 ਭਾਵੇਂ ਅੰਜੀਰ ਦੇ ਦਰਖ਼ਤ ਨੂੰ ਫੁੱਲ ਨਾ ਲੱਗਣਅਤੇ ਅੰਗੂਰੀ ਵੇਲ ਨੂੰ ਅੰਗੂਰ ਨਾ ਲੱਗਣ;ਭਾਵੇਂ ਜ਼ੈਤੂਨ ਦੇ ਦਰਖ਼ਤ ਨੂੰ ਜ਼ੈਤੂਨ ਨਾ ਲੱਗਣਅਤੇ ਖੇਤਾਂ ਵਿਚ ਫ਼ਸਲ ਨਾ ਹੋਵੇ;ਭਾਵੇਂ ਵਾੜਿਆਂ ਵਿੱਚੋਂ ਭੇਡਾਂ-ਬੱਕਰੀਆਂ ਗਾਇਬ ਹੋ ਜਾਣਅਤੇ ਤਬੇਲਿਆਂ ਵਿਚ ਡੰਗਰ ਨਾ ਹੋਣ;
18 ਫਿਰ ਵੀ ਮੈਂ ਯਹੋਵਾਹ ਕਰਕੇ ਖ਼ੁਸ਼ੀ ਮਨਾਵਾਂਗਾ;ਮੈਂ ਆਪਣੇ ਮੁਕਤੀਦਾਤੇ ਪਰਮੇਸ਼ੁਰ ਕਰਕੇ ਬਾਗ਼-ਬਾਗ਼ ਹੋਵਾਂਗਾ।+
19 ਸਾਰੇ ਜਹਾਨ ਦਾ ਮਾਲਕ ਯਹੋਵਾਹ ਮੇਰੀ ਤਾਕਤ ਹੈ;+ਉਹ ਮੇਰੇ ਪੈਰਾਂ ਨੂੰ ਹਿਰਨ ਦੇ ਪੈਰਾਂ ਵਰਗਾ ਬਣਾਵੇਗਾਤਾਂਕਿ ਮੈਂ ਉੱਚੀਆਂ ਥਾਵਾਂ ’ਤੇ ਜਾ ਸਕਾਂ।+
ਫੁਟਨੋਟ
^ ਜਾਂ, “ਮਾਤਮ ਦੇ ਗੀਤ।”
^ ਜਾਂ ਸੰਭਵ ਹੈ, “ਸਾਡੇ ਸਮੇਂ ਵਿਚ।” ਇਬ, “ਇਨ੍ਹਾਂ ਸਾਲਾਂ ਦੌਰਾਨ।”
^ ਜਾਂ ਸੰਭਵ ਹੈ, “ਸਾਡੇ ਸਮੇਂ ਵਿਚ।” ਇਬ, “ਇਨ੍ਹਾਂ ਸਾਲਾਂ ਦੌਰਾਨ।”
^ ਜਾਂ, “ਰੱਥਾਂ ਨੇ ਛੁਟਕਾਰਾ ਦਿਵਾਇਆ ਸੀ।”
^ ਜਾਂ ਸੰਭਵ ਹੈ, “ਤੀਰਾਂ।”
^ ਜਾਂ ਸੰਭਵ ਹੈ, “ਗੋਤਾਂ ਨੇ ਸਹੁੰ ਖਾਧੀ ਹੈ।”
^ ਜਾਂ, “ਦਾਣਿਆਂ ਵਾਂਗ ਦਰੜਿਆ।”
^ ਇਬ, “ਮੁਖੀ।”
^ ਇਬ, “ਧੌਣ ਤੋਂ।”
^ ਇਬ, “ਉਸ ਦੇ ਡੰਡਿਆਂ।”
^ ਇਬ, “ਮੇਰਾ ਢਿੱਡ ਕੰਬ ਗਿਆ।”