ਪਾਠਕਾਂ ਵੱਲੋਂ ਸਵਾਲ

“ਆਪ ਵਿੱਚ ਜੀਉਣ” ਹੋਣ ਦਾ ਕੀ ਮਤਲਬ ਹੈ?

ਬਾਈਬਲ ਵਿਚ ਯਿਸੂ ਮਸੀਹ “ਵਿੱਚ ਜੀਉਣ” ਹੋਣ ਅਤੇ ਉਸ ਦੇ ਪੈਰੋਕਾਰਾਂ “ਵਿੱਚ ਜੀਉਣ” ਹੋਣ ਦੀ ਗੱਲ ਕੀਤੀ ਗਈ ਹੈ। (ਯੂਹੰਨਾ 5:26; 6:53) ਪਰ ਇਨ੍ਹਾਂ ਦੋਵੇਂ ਆਇਤਾਂ ਦਾ ਮਤਲਬ ਵੱਖਰਾ ਹੈ।

ਯਿਸੂ ਨੇ ਕਿਹਾ ਸੀ: “ਜਿਵੇਂ ਪਿਤਾ ਆਪ ਵਿੱਚ ਜੀਉਣ ਰੱਖਦਾ ਹੈ ਤਿਵੇਂ ਉਹ ਨੇ ਪੁੱਤ੍ਰ ਨੂੰ ਵੀ ਬਖ਼ਸ਼ਿਆ ਜੋ ਆਪ ਵਿੱਚ ਜੀਉਣ ਰੱਖੇ।” ਇਹ ਅਹਿਮ ਗੱਲ ਕਹਿਣ ਤੋਂ ਪਹਿਲਾਂ ਯਿਸੂ ਨੇ ਕਿਹਾ ਸੀ: “ਮੈਂ ਤੁਹਾਨੂੰ ਸੱਚ ਸੱਚ ਆਖਦਾ ਹਾਂ ਕਿ ਜੋ ਮੇਰਾ ਬਚਨ ਸੁਣਦਾ ਅਤੇ ਉਹ ਦੀ ਪਰਤੀਤ ਕਰਦਾ ਹੈ ਜਿਨ੍ਹ ਮੈਨੂੰ ਘੱਲਿਆ ਸਦੀਪਕ ਜੀਉਣ ਉਹ ਦਾ ਹੈ . . . ਉਹ ਸਮਾ ਆਉਂਦਾ ਹੈ ਸਗੋਂ ਹੁਣੇ ਹੈ ਕਿ ਮੁਰਦੇ ਪਰਮੇਸ਼ੁਰ ਦੇ ਪੁੱਤ੍ਰ ਦੀ ਅਵਾਜ਼ ਸੁਣਨਗੇ ਅਤੇ ਸੁਣ ਕੇ ਜੀਉਣਗੇ।” ਇੱਥੇ ਯਿਸੂ ਦੱਸ ਰਿਹਾ ਸੀ ਕਿ ਉਸ ਦੇ ਪਿਤਾ ਨੇ ਉਸ ਨੂੰ ਇਕ ਖ਼ਾਸ ਸ਼ਕਤੀ ਦਿੱਤੀ ਹੈ—ਪਰਮੇਸ਼ੁਰ ਦੀਆਂ ਨਜ਼ਰਾਂ ਵਿਚ ਇਨਸਾਨਾਂ ਨੂੰ ਧਰਮੀ ਠਹਿਰਾਉਣ ਦੀ ਯੋਗਤਾ। ਇਸ ਤੋਂ ਇਲਾਵਾ ਯਿਸੂ ਮੁਰਦਿਆਂ ਨੂੰ ਦੁਬਾਰਾ ਜੀਉਂਦਾ ਕਰ ਸਕਦਾ ਹੈ। ਯਿਸੂ ਲਈ “ਆਪ ਵਿੱਚ ਜੀਉਣ” ਹੋਣ ਦਾ ਮਤਲਬ ਹੈ ਕਿ ਉਸ ਕੋਲ ਇਹ ਸ਼ਕਤੀਆਂ ਹਨ। ਆਪਣੇ ਪਿਤਾ ਵਾਂਗ ਉਸ ਕੋਲ ਵੀ ਦੂਜਿਆਂ ਨੂੰ ਜੀਵਨ ਦੇਣ ਦੀ ਯੋਗਤਾ ਹੈ। (ਯੂਹੰਨਾ 5:24-26) ਉਸ ਦੇ ਪੈਰੋਕਾਰਾਂ ਬਾਰੇ ਕੀ?

ਤਕਰੀਬਨ ਇਕ ਸਾਲ ਬਾਅਦ ਯਿਸੂ ਨੇ ਆਪਣੇ ਸਰੋਤਿਆਂ ਨੂੰ ਕਿਹਾ ਸੀ: “ਮੈਂ ਤੁਹਾਨੂੰ ਸੱਚ ਸੱਚ ਆਖਦਾ ਹਾਂ ਜੇ ਤੁਸੀਂ ਮਨੁੱਖ ਦੇ ਪੁੱਤ੍ਰ ਦਾ ਮਾਸ ਨਾ ਖਾਓ ਅਤੇ ਉਹ ਦਾ ਲਹੂ ਨਾ ਪੀਓ ਤਾਂ ਤੁਹਾਡੇ ਵਿੱਚ ਜੀਉਣ ਨਹੀਂ ਹੈ। ਜੋ ਕੋਈ ਮੇਰਾ ਮਾਸ ਖਾਂਦਾ ਅਤੇ ਮੇਰਾ ਲਹੂ ਪੀਂਦਾ ਹੈ ਸਦੀਪਕ ਜੀਉਣ ਉਸੇ ਦਾ ਹੈ ਅਤੇ ਮੈਂ ਅੰਤ ਦੇ ਦਿਨ ਉਹ ਨੂੰ ਜੀਉਂਦਾ ਉਠਾਵਾਂਗਾ।” (ਯੂਹੰਨਾ 6:53, 54) ਇੱਥੇ ਯਿਸੂ “ਤੁਹਾਡੇ ਵਿੱਚ ਜੀਉਣ” ਦੀ ਤੁਲਨਾ “ਸਦੀਪਕ ਜੀਉਣ” ਨਾਲ ਕਰਦਾ ਹੈ। ਯੂਨਾਨੀ ਸ਼ਾਸਤਰ ਵਿਚ “ਤੁਹਾਡੇ ਵਿੱਚ ਜੀਉਣ” ਵਰਗੇ ਹੋਰ ਵੀ ਕਈ ਵਾਕਾਂਸ਼ ਹਨ। ਉਦਾਹਰਣ ਲਈ, “ਆਪਣੇ ਵਿੱਚ ਲੂਣ ਰੱਖੋ” ਅਤੇ ‘ਆਪਣੇ ਆਪ ਵਿੱਚ ਫਲ ਭੋਗਿਆ।’ (ਮਰਕੁਸ 9:50; ਰੋਮੀਆਂ 1:27) ਇਨ੍ਹਾਂ ਉਦਾਹਰਣਾਂ ਵਿਚ ਕਿਸੇ ਨੂੰ ਲੂਣ ਦੇਣ ਜਾਂ ਕਿਸੇ ਨੂੰ ਸਜ਼ਾ ਦੇਣ ਦੀ ਸ਼ਕਤੀ ਬਾਰੇ ਗੱਲ ਨਹੀਂ ਕੀਤੀ ਗਈ ਹੈ। ਇਸ ਦੀ ਬਜਾਇ ਇਹ ਅੰਦਰੂਨੀ ਸੰਪੂਰਣਤਾ ਜਾਂ ਭਰਪੂਰਤਾ ਨੂੰ ਸੰਕੇਤ ਕਰਦੇ ਹਨ। ਇਸ ਲਈ ਯੂਹੰਨਾ 6:53 ਵਿਚ “ਤੁਹਾਡੇ ਵਿੱਚ ਜੀਉਣ” ਦਾ ਮਤਲਬ ਸਿਰਫ਼ ਇਹ ਹੈ ਕਿ ਯਿਸੂ ਦੇ ਚੇਲੇ ਸੰਪੂਰਣ ਜ਼ਿੰਦਗੀ ਪ੍ਰਾਪਤ ਕਰ ਸਕਦੇ ਹਨ।

 ਆਪਣੇ ਪੈਰੋਕਾਰਾਂ ਵਿਚ ਜੀਵਨ ਹੋਣ ਦੇ ਸੰਬੰਧ ਵਿਚ ਯਿਸੂ ਨੇ ਆਪਣੇ ਮਾਸ ਅਤੇ ਲਹੂ ਦਾ ਜ਼ਿਕਰ ਕੀਤਾ ਸੀ। ਇਕ ਸਾਲ ਬਾਅਦ ਪ੍ਰਭੂ ਦੇ ਸ਼ਾਮ ਦੇ ਭੋਜਨ ਸਮਾਰੋਹ ਦੀ ਸ਼ੁਰੂਆਤ ਕਰਨ ਵੇਲੇ ਯਿਸੂ ਨੇ ਦੁਬਾਰਾ ਆਪਣੇ ਮਾਸ ਅਤੇ ਲਹੂ ਦੀ ਗੱਲ ਕੀਤੀ ਸੀ ਅਤੇ ਨਵੇਂ ਨੇਮ ਵਿਚ ਸ਼ਾਮਲ ਹੋਣ ਵਾਲੇ ਆਪਣੇ ਚੇਲਿਆਂ ਨੂੰ ਕਿਹਾ ਸੀ ਕਿ ਉਹ ਅਖ਼ਮੀਰੀ ਰੋਟੀ ਖਾਣ ਤੇ ਦਾਖ-ਰਸ ਪੀਣ ਜੋ ਉਸ ਦੇ ਮਾਸ ਅਤੇ ਲਹੂ ਦੇ ਪ੍ਰਤੀਕ ਸਨ। ਕੀ ਇਸ ਦਾ ਇਹ ਮਤਲਬ ਹੈ ਕਿ ਸਿਰਫ਼ ਮਸਹ ਕੀਤੇ ਹੋਏ ਮਸੀਹੀ ਹੀ, ਜੋ ਯਹੋਵਾਹ ਪਰਮੇਸ਼ੁਰ ਨਾਲ ਨਵੇਂ ਨੇਮ ਵਿਚ ਬੱਝੇ ਹੋਏ ਹਨ, ਸੰਪੂਰਣ ਜ਼ਿੰਦਗੀ ਪ੍ਰਾਪਤ ਕਰਨਗੇ? ਨਹੀਂ। ਯਾਦ ਰੱਖੋ ਕਿ ਯਿਸੂ ਨੇ ਇਹ ਗੱਲਾਂ ਦੋ ਵੱਖਰੇ ਸਮਿਆਂ ਤੇ ਕਹੀਆਂ ਸਨ। ਇਸ ਲਈ ਯੂਹੰਨਾ 6:53, 54 ਵਿਚ ਦਰਜ ਯਿਸੂ ਦੇ ਸ਼ਬਦਾਂ ਨੂੰ ਸੁਣਨ ਵਾਲੇ ਲੋਕਾਂ ਨੂੰ ਯਿਸੂ ਦੇ ਮਾਸ ਤੇ ਲਹੂ ਦੇ ਪ੍ਰਤੀਕਾਂ ਨੂੰ ਵਰਤ ਕੇ ਮਨਾਏ ਜਾਣ ਵਾਲੇ ਸਾਲਾਨਾ ਸਮਾਰੋਹ ਬਾਰੇ ਬਿਲਕੁਲ ਵੀ ਪਤਾ ਨਹੀਂ ਸੀ।

ਯੂਹੰਨਾ ਦੇ 6ਵੇਂ ਅਧਿਆਇ ਵਿਚ ਯਿਸੂ ਨੇ ਪਹਿਲਾਂ ਆਪਣੇ ਮਾਸ ਦੀ ਤੁਲਨਾ ਮੰਨ ਨਾਲ ਕਰਦੇ ਹੋਏ ਕਿਹਾ: “ਤੁਹਾਡਿਆਂ ਪਿਉ ਦਾਦਿਆਂ ਨੇ ਉਜਾੜ ਵਿੱਚ ਮੰਨ ਖਾਧਾ ਅਤੇ ਮਰ ਗਏ। ਜਿਹੜੀ ਰੋਟੀ ਸੁਰਗੋਂ ਉੱਤਰਦੀ ਹੈ ਭਈ ਮਨੁੱਖ ਉਸ ਵਿੱਚੋਂ ਖਾ ਕੇ ਨਾ ਮਰੇ ਸੋ ਇਹੋ ਹੈ। ਉਹ ਜੀਉਂਦੀ ਰੋਟੀ ਜੋ ਸੁਰਗੋਂ ਉਤਰੀ ਸੋ ਮੈਂ ਹਾਂ। ਜੇ ਕੋਈ ਇਸ ਰੋਟੀਓਂ ਕੁਝ ਖਾਵੇ ਤਾਂ ਉਹ ਸਦਾ ਤੀਕੁ ਜੀਉਂਦਾ ਰਹੇਗਾ।” ਯਿਸੂ ਦਾ ਮਾਸ ਤੇ ਲਹੂ ਇਸ ਮੰਨ ਨਾਲੋਂ ਜ਼ਿਆਦਾ ਫ਼ਾਇਦੇਮੰਦ ਸੀ। ਕਿੱਦਾਂ? ਉਸ ਦਾ ਮਾਸ “ਜਗਤ ਦੇ ਜੀਉਣ ਲਈ” ਦਿੱਤਾ ਗਿਆ ਜਿਸ ਨਾਲ ਸਦਾ ਦੀ ਜ਼ਿੰਦਗੀ ਮਿਲਣੀ ਸੰਭਵ ਹੋਈ। * ਇਸ ਲਈ ਯੂਹੰਨਾ 6:53 ਵਿਚ “ਤੁਹਾਡੇ ਵਿੱਚ ਜੀਉਣ” ਦੀ ਗੱਲ ਉਨ੍ਹਾਂ ਸਾਰਿਆਂ ਤੇ ਲਾਗੂ ਹੁੰਦੀ ਹੈ ਜੋ ਸਵਰਗ ਵਿਚ ਜਾਂ ਧਰਤੀ ਉੱਤੇ ਸਦਾ ਦੀ ਜ਼ਿੰਦਗੀ ਪਾਉਣਗੇ।—ਯੂਹੰਨਾ 6:48-51.

ਮਸੀਹ ਦੇ ਪੈਰੋਕਾਰ ਆਪਣੇ “ਵਿੱਚ ਜੀਉਣ” ਜਾਂ ਸੰਪੂਰਣ ਜੀਵਨ ਕਦੋਂ ਪ੍ਰਾਪਤ ਕਰਨਗੇ? ਰਾਜ ਦੇ ਮਸਹ ਕੀਤੇ ਹੋਏ ਵਾਰਸਾਂ ਨੂੰ ਜਦੋਂ ਅਮਰ ਆਤਮਿਕ ਪ੍ਰਾਣੀਆਂ ਦੇ ਤੌਰ ਤੇ ਸਵਰਗ ਵਿਚ ਰਹਿਣ ਲਈ ਦੁਬਾਰਾ ਜੀਉਂਦਾ ਕੀਤਾ ਜਾਂਦਾ ਹੈ, ਤਾਂ ਉਨ੍ਹਾਂ ਨੂੰ ਉਸ ਵੇਲੇ ਸੰਪੂਰਣ ਜੀਵਨ ਮਿਲਦਾ ਹੈ। (1 ਕੁਰਿੰਥੀਆਂ 15:52, 53; 1 ਯੂਹੰਨਾ 3:2) ਯਿਸੂ ਦੀਆਂ ‘ਹੋਰ ਭੇਡਾਂ’ ਨੂੰ ਉਸ ਦੇ ਹਜ਼ਾਰ ਸਾਲ ਦੇ ਰਾਜ ਦੇ ਅੰਤ ਵਿਚ ਸੰਪੂਰਣ ਜੀਵਨ ਮਿਲੇਗਾ। ਉਸ ਵੇਲੇ ਤਕ ਯਿਸੂ ਉਨ੍ਹਾਂ ਨੂੰ ਪਰਖ ਲਵੇਗਾ ਤੇ ਵਫ਼ਾਦਾਰ ਦੇਖ ਕੇ ਉਨ੍ਹਾਂ ਨੂੰ ਫਿਰਦੌਸ ਵਿਚ ਸਦਾ ਦੀ ਜ਼ਿੰਦਗੀ ਪ੍ਰਾਪਤ ਕਰਨ ਦੇ ਯੋਗ ਠਹਿਰਾਏਗਾ।—ਯੂਹੰਨਾ 10:16; ਪਰਕਾਸ਼ ਦੀ ਪੋਥੀ 20:5, 7-10.

[ਸਫ਼ੇ 31 ਉੱਤੇ ਤਸਵੀਰਾਂ]

ਸਾਰੇ ਸੱਚੇ ਮਸੀਹੀਆਂ “ਵਿੱਚ ਜੀਉਣ” ਹੋ ਸਕਦਾ ਹੈ

[ਫੁਟਨੋਟ]