ਪਤਵੰਤੀ ਇਸਤਰੀ ਦਾ ਉਸ ਦੇ ਪਤੀ ’ਤੇ ਚੰਗਾ ਅਸਰ ਪੈਂਦਾ ਹੈ। ਰਾਜਾ ਲਮੂਏਲ ਦੇ ਜ਼ਮਾਨੇ ਵਿਚ ਪਤਵੰਤੀ ਤੀਵੀਂ ਦਾ ਪਤੀ “ਫ਼ਾਟਕ ਵਿੱਚ ਮੰਨਿਆ ਦੰਨਿਆ” ਹੁੰਦਾ ਸੀ। (ਕਹਾ 31:23) ਅੱਜ ਆਦਰਯੋਗ ਆਦਮੀ ਬਜ਼ੁਰਗਾਂ ਅਤੇ ਸਹਾਇਕ ਸੇਵਕਾਂ ਵਜੋਂ ਸੇਵਾ ਕਰਦੇ ਹਨ। ਜੇ ਉਹ ਵਿਆਹੇ ਹਨ, ਤਾਂ ਇਹ ਸੇਵਾ ਕਰਨ ਲਈ ਜ਼ਰੂਰੀ ਹੈ ਕਿ ਉਨ੍ਹਾਂ ਦੀਆਂ ਪਤਨੀਆਂ ਦਾ ਚਾਲ-ਚਲਣ ਚੰਗਾ ਹੋਵੇ ਅਤੇ ਉਹ ਉਨ੍ਹਾਂ ਦਾ ਸਾਥ ਦੇਣ। (1 ਤਿਮੋ 3:4, 11) ਇੱਦਾਂ ਦੀਆਂ ਪਤਨੀਆਂ ਦੀ ਨਾ ਸਿਰਫ਼ ਉਨ੍ਹਾਂ ਦੇ ਪਤੀ, ਸਗੋਂ ਮੰਡਲੀ ਦੇ ਭੈਣ-ਭਰਾ ਵੀ ਕਦਰ ਕਰਦੇ ਹਨ।

• ਉਸ ਦਾ ਚੰਗੇ ਬਚਨਾਂ ਨਾਲ ਹੌਸਲਾ ਵਧਾਉਂਦੀ ਹੈ।—ਕਹਾ 31:26

• ਖ਼ੁਸ਼ੀ-ਖ਼ੁਸ਼ੀ ਮੰਡਲੀ ਦੇ ਕੰਮਾਂ ਵਿਚ ਉਸ ਨੂੰ ਹਿੱਸਾ ਲੈਣ ਦਿੰਦੀ ਹੈ।—1 ਥੱਸ 2:7, 8

• ਸਾਦੀ ਜ਼ਿੰਦਗੀ ਜੀਉਂਦੀ ਹੈ।—1 ਤਿਮੋ 6:8

• ਉਸ ਨੂੰ ਮੰਡਲੀ ਦੇ ਗੁਪਤ ਮਾਮਲਿਆਂ ਬਾਰੇ ਨਹੀਂ ਪੁੱਛਦੀ।—1 ਤਿਮੋ 2:11, 12; 1 ਪਤ 4:15