ਅਸੀਂ ਕਿੰਨੇ ਹੀ ਖ਼ੁਸ਼ ਹਾਂ ਕਿ ਹੁਣ ਸਾਡੇ ਕੋਲ ਬਾਈਬਲ ਸਟੱਡੀ ਕਰਾਉਣ ਲਈ ਇਕ ਨਵਾਂ ਬਰੋਸ਼ਰ ਤੇ ਕਿਤਾਬ ਹੈ! ਅਸੀਂ ਯਹੋਵਾਹ ਨੂੰ ਪ੍ਰਾਰਥਨਾ ਕਰਦੇ ਹਾਂ ਕਿ ਉਹ ਜ਼ਿਆਦਾ ਤੋਂ ਜ਼ਿਆਦਾ ਚੇਲੇ ਬਣਾਉਣ ਦੀਆਂ ਸਾਡੀਆਂ ਕੋਸ਼ਿਸ਼ਾਂ ’ਤੇ ਬਰਕਤ ਪਾਵੇ। (ਮੱਤੀ 28:18-20; 1 ਕੁਰਿੰ 3:6-9) ਅਸੀਂ ਇਨ੍ਹਾਂ ਨਵੇਂ ਪ੍ਰਕਾਸ਼ਨਾਂ ਨੂੰ ਕਿਵੇਂ ਇਸਤੇਮਾਲ ਕਰ ਸਕਦੇ ਹਾਂ?

ਖ਼ੁਸ਼ੀ-ਖ਼ੁਸ਼ੀ ਹਮੇਸ਼ਾ ਲਈ ਜੀਓ! ਬਰੋਸ਼ਰ ਵਿਚ ਸਿਖਾਉਣ ਦਾ ਨਵਾਂ ਤਰੀਕਾ ਦੱਸਿਆ ਗਿਆ ਹੈ ਜਿਸ ਨਾਲ ਵਿਦਿਆਰਥੀ ਨੂੰ ਚਰਚਾ ਵਿਚ ਸ਼ਾਮਲ ਕੀਤਾ ਜਾ ਸਕਦਾ ਹੈ। ਬਾਈਬਲ ਸਟੱਡੀ ਦੀ ਤਿਆਰੀ ਕਰਦੇ ਵੇਲੇ ਅਤੇ ਸਟੱਡੀ ਕਰਾਉਂਦੇ ਵੇਲੇ ਅੱਗੇ ਦੱਸੀਆਂ ਗੱਲਾਂ ਮੁਤਾਬਕ ਚੱਲੋ। *

• ਪਾਠ ਨੂੰ ਪੜ੍ਹੋ ਅਤੇ ਸਵਾਲਾਂ ’ਤੇ ਚਰਚਾ ਕਰੋ

• “ਪੜ੍ਹੋ” ਵਾਲੀਆਂ ਆਇਤਾਂ ਨੂੰ ਪੜ੍ਹੋ ਅਤੇ ਵਿਦਿਆਰਥੀ ਦੀ ਇਹ ਸਮਝਣ ਵਿਚ ਮਦਦ ਕਰੋ ਕਿ ਉਹ ਇਨ੍ਹਾਂ ਆਇਤਾਂ ਨੂੰ ਕਿਵੇਂ ਲਾਗੂ ਕਰ ਸਕਦਾ ਹੈ

• ਵੀਡੀਓ ਦਿਖਾਓ ਅਤੇ ਦਿੱਤੇ ਗਏ ਸਵਾਲਾਂ ’ਤੇ ਚਰਚਾ ਕਰੋ

• ਇੱਕੋ ਵਾਰ ਵਿਚ ਇਕ ਪਾਠ ’ਤੇ ਚਰਚਾ ਕਰਨ ਦੀ ਕੋਸ਼ਿਸ਼ ਕਰੋ

ਪ੍ਰਚਾਰ ਕਰਦੇ ਵੇਲੇ ਵਿਅਕਤੀ ਨੂੰ ਪਹਿਲਾਂ ਬਰੋਸ਼ਰ ਦਿਓ ਅਤੇ ਦੇਖੋ ਕਿ ਉਸ ਨੂੰ ਦਿਲਚਸਪੀ ਹੈ ਕਿ ਨਹੀਂ। (“ ਪਹਿਲੀ ਮੁਲਾਕਾਤ ਵਿਚ ਖ਼ੁਸ਼ੀ-ਖ਼ੁਸ਼ੀ ਹਮੇਸ਼ਾ ਲਈ ਜੀਓ! ਬਰੋਸ਼ਰ ਕਿਵੇਂ ਪੇਸ਼ ਕਰੀਏ” ਨਾਂ ਦੀ ਡੱਬੀ ਦੇਖੋ।) ਜੇ ਬਰੋਸ਼ਰ ਤੋਂ ਸਟੱਡੀ ਖ਼ਤਮ ਹੋ ਜਾਵੇ ਅਤੇ ਵਿਦਿਆਰਥੀ ਹੋਰ ਸਿੱਖਣਾ ਚਾਹੇ, ਤਾਂ ਤੁਸੀਂ ਉਸ ਨੂੰ ਕਿਤਾਬ ਦਿਓ ਅਤੇ ਚੌਥੇ ਪਾਠ ਤੋਂ ਸਟੱਡੀ ਸ਼ੁਰੂ ਕਰੋ। ਜੇ ਤੁਸੀਂ ਪਹਿਲਾਂ ਹੀ ਕਿਸੇ ਨੂੰ ਬਾਈਬਲ ਕੀ ਸਿਖਾਉਂਦੀ ਹੈ? ਜਾਂ ਪਰਮੇਸ਼ੁਰ ਨਾਲ ਪਿਆਰ ਬਰਕਰਾਰ ਰੱਖੋ ਕਿਤਾਬ ਤੋਂ ਸਟੱਡੀ ਕਰਾ ਰਹੇ ਹੋ, ਤਾਂ ਉਸ ਕਿਤਾਬ ਤੋਂ ਸਟੱਡੀ ਬੰਦ ਕਰਾ ਕੇ ਖ਼ੁਸ਼ੀ-ਖ਼ੁਸ਼ੀ ਹਮੇਸ਼ਾ ਲਈ ਜੀਓ! ਕਿਤਾਬ ਤੋਂ ਸਟੱਡੀ ਸ਼ੁਰੂ ਕਰੋ। ਤੁਸੀਂ ਆਪ ਇਹ ਫ਼ੈਸਲਾ ਕਰ ਸਕਦੇ ਹੋ ਕਿ ਕਿਹੜੇ ਪਾਠ ਤੋਂ ਸਟੱਡੀ ਸ਼ੁਰੂ ਕਰਨੀ ਵਧੀਆ ਹੋਵੇਗੀ।

ਆਓ ਬਾਈਬਲ ਤੋਂ ਸਿੱਖੀਏ ਨਾਂ ਦੀ ਵੀਡੀਓ ਦਿਖਾਓ ਅਤੇ ਫਿਰ ਹੇਠਾਂ ਦਿੱਤੇ ਸਵਾਲ ਪੁੱਛੋ:

• ਵਿਦਿਆਰਥੀ ਨਵੀਂ ਕਿਤਾਬ ਤੋਂ ਕੀ ਸਿੱਖਣਗੇ?

• ਤੁਹਾਨੂੰ ਆਪਣੇ ਨਵੇਂ ਵਿਦਿਆਰਥੀਆਂ ਨੂੰ ਇਹ ਵੀਡੀਓ ਕਿਉਂ ਦਿਖਾਉਣੀ ਚਾਹੀਦੀ ਹੈ?

• ਤੁਹਾਨੂੰ ਆਪਣੇ ਵਿਦਿਆਰਥੀਆਂ ਨੂੰ ਹੌਲੀ-ਹੌਲੀ ਕਿਹੜੇ ਟੀਚੇ ਹਾਸਲ ਕਰਨ ਦੀ ਹੱਲਾਸ਼ੇਰੀ ਦੇਣੀ ਚਾਹੀਦੀ ਹੈ?​—“ ਹਰ ਭਾਗ ਦੀਆਂ ਮੁੱਖ ਗੱਲਾਂ ਅਤੇ ਟੀਚੇ” ਨਾਂ ਦਾ ਚਾਰਟ ਦੇਖੋ।