Apilitan ya man-evacuate so dakel a totoo ya tagad saray probinsya na Canada ya New Brunswick, Ontario, tan Quebec lapud delap. Diad probinsya ni labat na Quebec et manga 9,000 ya totoo so inmalis ed abung da.

Ibabaga na branch report na Canada ya aderal so 44 ya abung na agagi ed Quebec. Anggaman anggapo so aderal ya abung na agagi diad New Brunswick tan Ontario, siansia nin onaatagey so delap.

Saray manangasikaso na sirkito et mitutulongan ed saray elder pian nabisita tan napabiskeg iray agagi ya manaayam ed saray apektadon lugar ed Quebec. Ontan met, pinmasyar so sakey a representative na Bethel pian pasesegen iray agagi ya apektadon maong na delap. Diad rehyon na Beauce, asumpal lan nilinisan tan inekal na agagi so pitek ed 20 ya kaabungan na saray agagi. Inorganisa so sakey a Disaster Relief Committee diad Sainte-Marthe-sur-le-Lac pian tulongan iramay aderal so abung da.

Ipipikasi tayo iray agagi ya naapektoan na delap. Komon ta itultuloy da so manmatalek ed si Jehova, say “kasil tan biskeg” da.​—Exodo 15:2.