HULYO 26, 2019
CANADA
Toronto, Canada—2019 ‘Say Aro Agbalot Mangangga’! Internasyonal a Kombension
Petsa: Hulyo 19-21, 2019
Lugar: Exhibition Place, Toronto, Ontario, Canada
Lenguahe na Programa: English, Portuguese, Spanish
Inmatendi: 46,183
Abautismoan: 317
Bilang na Imbitadon Delegate: 5,000
Imbitadon Branch: Brazil, Britain, Central America, Finland, India, Japan, Korea, Philippines, Ukraine, United States
Eksperiensya: “Amin ya imbaga na convention committee na [Saray Tasi nen Jehova] ya awiten da ed pasen ya pankombensionan—saray gunggona ya niiter da ed sayan pasen—et tinoor da,” so imbaga nen Laura Purdy, say general manager na sales and events na Exhibition Place. “Nan-research kami met ya mismo tan kinatongtong mi ray arum ya pasen ya inusar la parad kombension na saray Tasi, tan diad tua, pareho met so naeksperiensya da ed saray nagagawa ed sikami natan.” Onia ni intuloy nen Ms. Purdy: “Balibali liknaan ed limog na saray inmatendi tan naliknam ya welcome ka. Talagan irekomendak ed anggan siopan organizer na saray pasen ya pankombensionan ya abuloyan dan mankombension iray Tasi diad syudad da.”
Saray agagi diad airport ya manwe-welcome na saray delegate ya onsasabi ed Toronto
Malikeliket ya saniba ed ministeryo iray agagin tagad Toronto tan saray delegate
Saray Bethelite ya mantotogtog na musika parad saray delegate ya ompapasyar ed Canada branch
Si Brother Geoffrey Jackson, sakey a membro na Mananguley ya Ulop, diad sampot ya paliwawa ed Biernes
Manpapabautismo so sakey ed saray 317 ya balon agagi tayo diad Sabado
Saray agagi ya mannonota legan na programa
Manaakar iray misionero tan arum nin walad special full-time diad arap na auditorium legan iran titipakan na saray audience pian ipanengneng so apresasyon ed maabig iran agawaan da
Iyaakto na limaran sister so sakey a radio broadcast nen dekada 1920 na istasyon ya CKCX, ya datin walad Toronto, Canada. Kasabi 1926, Saray Estudyante na Biblia (say tawag ed Saray Tasi nen Jehova nensaman) et wala lay sarili dan istasyon na radyo diad apatiran syudad na Canada; importante itan ya kabiangan na history na Saray Tasi nen Jehova diad Canada
Idadaulo na sakey a brother so grupo na saray kabataan ya mangakansion legan na sakey ed saray dakdakel ya espisyal a programa parad saray delegate
Ompan Nagustoan Mo Met
NIPAAKAR ED SIKAMI
Onatendi ed 2024 a Kombension—“Iyabawag so Maong a Balita!”
Imbitaan mi kan onatendi ed taloran agew ya kombension na Saray Tasi nen Jehova.
