HUNYO 3, 2021
DEMOCRATIC REPUBLIC OF THE CONGO
Diad Congo, In-release so Balon Mundo a Patalos na Griegon Kasulatan ed Lenguahen Alur
Nen Mayo 30, 2021, in-release so Balon Mundo a Patalos na Griegon Kasulatan ed lenguahen Alur. Si Brother Hugues Kabitshwa, membro na Congo (Kinshasa) Branch Committee, so angi-release na digital format diad programa ya akauna lan in-record.
Importantin Impormasyon Nipaakar ed Proyekto
Say Alur et sakey a lenguahe ed Central Africa, diad bandad northeast ya parte na Democratic Republic of the Congo tan say kaabay ton Uganda
Manga 1,735,000 so mansasalita na Alur
Masulok ya 1,500 a manangipalapag so manlilingkor ed 48 ya kongregasyon tan grupo ya mansasalitay Alur
Diad tulong na 6 ya managpatalos et asumpal itan ed loob na 12 bulan
Oniay imbaga nen Brother Christian Belotti, sakey a membro na Congo (Kinshasa) Branch Committee: “Seguradon na-enjoy na saray manangipalapag ya mansasalitay Alur so pambasa ed sayan Biblia. Makatulong iya pian naipaliwawa dan maong so Kasulatan tan natulongan day arum ya natalosan a maong tan naapresya so Salita na Dios.”—Lucas 24:32.
Seguradon natulongan na sayan agano nin ni-release ya Biblia iray agagi tayo pian tuloytuloy dan niyabawag so “andi-anggaan a maong a balita.”—Apocalipsis 14:6.
Ompan Nagustoan Mo Met
MABETBET YA ITETEPET
Kasin Walay Sarilin Biblia na Saray Tasi nen Jehova?
No mangusar kay nanduruman patalos na Biblia, mas napaaligwas moy panaral moy Biblia. Walay taloran importantin punto no akin ya makagunggona no usaren mo met so Balon Mundo a Patalos na Masanton Kasulatan no manaaral ka.
SARAY PANGUUSARAN NA DONASYON YO
No Panon ya Napapawala so Libron Sankaimportantian ed Amin
Aliwan basta-basta so pangipatalos, pangimprinta, tan pan-bind na Balon Mundo a Patalos.