Impaamta na Mananguley ya Ulop na Saray Tasi nen Jehova ya wala ray pinili ya branch ya salien da lay face-to-face ya pantitipon. Manpili so branch na saray Kingdom Hall diad lugar ya dakel lay abakunaan tan daiset labat lay kaso na COVID-19. Siempre, gawaen labat iya base ed saray instruksion na lokal ya gobierno nipaakar ed pantitipon ed loob na saray pasilidad. Impakabat iyan anunsio diad saray pamilyan Bethel ed interon mundo nen Biernes, Oktubre 15, 2021.

Antokaman so resulta na sayan uksoyan, atan so pangibasian ed pamili na arum nin kongregasyon ya naaprobaan parad face-to-face ya pantitipon. Binitla met ed sayan anunsio ya parad karaklan mansiansia nin suspendido iray face-to-face ya aktibidad na organisasyon anggad Enero 1, 2022.

Misalsalamat tayo ed pangaasikaso na Mananguley ya Ulop ed sikatayon sanaagi ed interon mundo tan ed makabat ya panagdesisyon da nipaakar ed pangipawil ed saray kimey na organisasyon tayo. Ipangasin ipikasi yo so tuloytuloy ya panangigiya tan panamendisyon nen Jehova ed sarayan uksoyan.—Proverbio 14:16.