NOBYEMBRE 13, 2019
BALITA ED INTERON MUNDO
Kaiba ed 2019 Serbisyon Taon ya Report so Sankarakelan ya Bilang na Saray Abautismoan ed Loob na 20 Taon
Malikeliket min ipaamta ya legan na 2019 serbisyon taon et masulok ya 300,000 so nampabautismo bilang Tasi nen Jehova. Manlapu la nen 1999, first time ya linmampas ed 300,000 so bilang na abautismoan. Idayew tayoy Jehova lapud benendisyonan toy interon puso ya panagpulong tan panagbangat a kimey tayo!
Kaiba met ed 2019 ya serbisyon taon so arum nin agnalinglingwanan iran agawa: saray internasyonal a kombension, impan-release na Biblia, tan say panangaro ya impanengneng na saray agagi tayo panamegley na relief work. Nia ray kabuoan ya bilang manlapud saray report ed interon mundo. *
Bilang na Saray Bansan Nanreport: 240
Inmatendi ed Memoryal Diad Interon Mundo: 20,919,041
Sankatageyan a Bilang na Saray Manangipalapag: 8,683,117
Bilang na Abautismoan: 303,866
Napapaseseg itayo ed onia ran maabig ya report ya unoren so bilin na Katawan tayon Jesus ya nabasa ed teksto ed taon 2020: “Onla kayo sirin tan ibangat yo iray totoo . . . pian magmaliw iran disipulok, a bautismoan yo ra.”—Mateo 28:19.
^ Nanengneng so kompleton 2019 Serbisyon Taon ya Report na Saray Tasi nen Jehova ed jw.org tan diad JW Library app.
Ompan Nagustoan Mo Met
MABETBET YA ITETEPET
Pigara so Tasi nen Jehova ed Interon Mundo?
Amtaen no panon min bibilangen iray Tasi.
MABETBET YA ITETEPET
Siopay Manpupundod Kimey na Saray Tasi nen Jehova?
Agmi uusaren iray paraan na dakel ya relihyon pian nawalaan na pundo.