Diad Agosto 4, 2021, et 75 taon la manlapu nen agawa so “Glad Nations” Theocratic Assembly, say sankaunaan ya baleg ya internasyonal a kombension na Saray Tasi nen Jehova. Agawa so kombension nen Agosto 4-11, 1946, diad Cleveland, Ohio, U.S.A., diad istadyum na munisipyo tan diad kaabay ton auditoryum.

Kayari na World War II, angorganisa iray agagi tayo na kombension ya kabaliktaran na agawan gulo na saray militar ya amairap ed saray totoo ed interon mundo. Mareen ya nantitipon ed satan ya kombension so nilibon agagi ya nanlapud nanduruman bansa. Maliket ya nanuulop iray totoo ya nandurumay lahi tan kipapasen da ed bilay anggano diad saman ya panaon et kaslakan nin ibibiig iray andeket ed saray amputi diad United States.

Diad “Glad Nations” ya kombension, first time ya nantitipon iray 80,000 ya Tasi ed saksakey ya pasen. Malikeliket iray agagi ya makapanulop la ra lamet kayari iran nisian ed sakey tan sakey lapud guerra. Diad kombension, walay 302 ya delegado ya nanlapud 32 ya bansa. Impaliwawa nen Brother Nathan H. Knorr so teman “The Prince of Peace” diad sampot ya Simba na kombension.

Balibali kombension balet wala ra met so aberya. Diad unonan agew na kombension, walay problema na saray agagin angorganisa. Napno lay auditoryum na munisipyo pero dakel ni onsasabi. Kanian kaukolan ya usaren so kaabay ton istadyum pian makayurong so amin ya onatendi ed sesyon ed labi, ya onggapod 7:45 p.m. Balet walay aka-eskedyul ya duaran galaw na baseball diad istadyum anggad 6:30 p.m.

Diad samay komaduan galaw, inmuran na maksil insan mankarol tan mankirmat kanian inmalis lan tampol iramay manbabantay na galaw. Kayari na satan, inmagew lamet kanian akaloob ed istadyum so 50,000 ya Tasi ya inmatendi ed sesyon ed labi.

Diad “Glad Nations” a kombension, in-release so balon magasin ya Awake! tan sakey a libro ya usaren ed panaral na Biblia, say “Let God Be True.” Inyanunsio met nen Brother Knorr so plano ya paawangen so printery diad Brooklyn, New York, U.S.A. tan saray branch office ed anemira nin bansa.

Say sakey nin makapaliket ya agawa et abautismoan so 2,602 ya totoo—903 ya brother tan 1,699 ya sister—diad Lake Erie ya asingger diman. Say arum nin importantin agawa et indemostra so Panag-aral na Panag-bantayan tan say Teokratikon Eskuelaan Parad Ministeryo, ontan met, saray musika et tinogtog na orchestra ya walay 160 a musikero.

Sayan kombension et nagmaliw ya pangaligan parad saray kombension ed arapen. Singa bilang, abuo iray nanduruman departamento parad kombension singa say Attendants, say Chairman’s Office, First Aid, Installation, tan Lost and Found.

Si Brother Ron Little, sakey ya elder ed McKeesport Congregation diad Pennsylvania, U.S.A. et 11 taon to ni labat nen inmatendi ed kombension kaibay tatay tan agi ton laki. Naugip iran talo diad truck nen tatay to diad waloran agew na inyatendi da ed kombension.

Nanonotan ni nen Brother Little so impan-release ed magasin ya Awake! “Nen in-release so Awake!, manbagtik kami ya sankabembenan mi itan,” so kuan to. “No anggapo ni kopyam, seguradon walay mangiderew ed sika.”

Nanonotan met nen Brother Little ya mantaon la natan na 86, ya pandinayewan toy karakel na saray Tasi ya saniiban nantitipon. “Nanonotan ko ni ya say pakaliknak et agko labay ya nasumpal itan,” so kuan to. “Balibali.”

Misalsalamat tayon maong ed si Jehova ed pamebendisyon to ed “masanto iran pandaragup” tayo.—Levitico 23:2.