HUNYO 17, 2021
BALITA ED INTERON MUNDO
Say Virtual Release na Balon Mundo a Patalos ed Lenguahen Tajiki
Nen Hunyo 13, 2021, in-release nen Brother Mark Sanderson, membro na Mananguley ya Ulop, so Balon Mundo a Patalos na Masanton Kasulatan ed lenguahen Tajiki. In-release so digital format na Biblia diad programa ya akauna lan in-record.
Importantin Impormasyon Nipaakar ed Proyekto
Manga 14 milyon ya totoo so mansasalitay Tajiki tan manga 5 milyon ed sikara so manaayam ed Tajikistan
Nanlapud nanduruman bansa iray managpatalos ya tinmulong pian nasumpal itan ed loob na manga 4 taon
Imbaga na sakey ya managpatalos: “Lapud Balon Mundo a Patalos ed salitan Tajiki, natalosan lan tampol na saray manbabasa so labay ya ibaga na Biblia tan no panon dan iyaplika itan. Seguradon natulongan na satan so amin ya onapit ed Jehova, say Autor na Biblia.”—Santiago 4:8.
Ompan Nagustoan Mo Met
MABETBET YA ITETEPET
Kasin Walay Sarilin Biblia na Saray Tasi nen Jehova?
No mangusar kay nanduruman patalos na Biblia, mas napaaligwas moy panaral moy Biblia. Walay taloran importantin punto no akin ya makagunggona no usaren mo met so Balon Mundo a Patalos na Masanton Kasulatan no manaaral ka.
SARAY PANGUUSARAN NA DONASYON YO
No Panon ya Napapawala so Libron Sankaimportantian ed Amin
Aliwan basta-basta so pangipatalos, pangimprinta, tan pan-bind na Balon Mundo a Patalos.