Nen Setyembre 6, 2018, walay agawan yegyeg ya 6.7 so magnitude to diad Hokkaido, say isla ya walad bandad norte na Japan. Lapud satan ya yegyeg et 41 so inatey tan maawang ya lugar so naandian na koryenti, kanian limitadoy transportasyon tan komunikasyon ed isla.

Inreport na branch office ed Japan ya anggapoy kaagian tayo ya inatey, balet walay pitoran asugatan lapud yegyeg. Aderal so 100 kaabungan na Saray Tasi tan 4 Kingdom Hall da.

Kayari na yegyeg, diad panangiwanwan na branch office, saray manangipalapag et angiyakar na naakan, danum tan arum nin pankaukolan na saray agagi ed apektadon lugar. Wala met so inorganisa ya Disaster Relief Committee a mangasikaso ed tuloytuloy ya pangitarya na tulong.

Ipipikasi tayo ya saray agagi tayon naapektoan na yegyeg et tuloytuloy ya ikdan nen Jehova na deen na nonot tan puso.—Filipos 4:6, 7.