Manlapu la nen Oktubre 16, 2019, nantutumbokan iray maksil ya yegyeg diad bandad abalaten na Pilipinas. Lapud satan et 21 so inatey, 400 so arisgo, tan 35,000 so nan-evacuate. Manga talora ed saratan ya yegyeg so walaay kakasil a masulok ya 6.0 magnitude. Tuloytuloy ni iray aftershock ed saratan ya lugar. Anggapoy agagi tayon inatey, pero walay sakey a sister ya asakitan balet aliwan grabe.

Apatiran Kingdom Hall tan 195 ya abung na saray agagi tayo so aderal ya maong; 9 ya Kingdom Hall tan 351 ya abung so medyo aderal. Dakel ed saray agagi tayo so manaayam ed tolda lapud delikado no wala ra ed dalem na abung da.

Anuro so branch office ed Pilipinas na duaran Disaster Relief Committee ya mangasikaso ed panggaway relief work. Anemiran representative na branch, kaiba lay taloran membro na Branch Committee, so binmisita ed apektadon lugar pian mangiter na ligliwa tan panamaseseg ya manlalapud Biblia.

Ipipikasi tayon tuloytuloy ya tulongan nen Jehova iray agagi tayon apektado na saratan ya yegyeg.​—Salmo 70:5.