Nen Marso 2019, apoolan so 128 ya abung ed syudad na Calbayog diad isla na Samar. Antis na saman a bulan, walay agawan pool ed syudad na Taguig, diad Metro Manila. Ami-amin, pitoran abung na Saray Tasi nen Jehova so apoolan. Saray apektadon agagi tayo et temporaryon miaayam ed abung na arum ya Tasi.

Maples ya inmaksion so branch office kanian naikdan ya tampol na panangan, danum, tan kawes iray biktima. Pinasyar tan pinabiskeg met na saray elder iray apektadon agagi, tan angiter iray praktikal ya tulong. Diad tulong na Local Design/Construction, duaran Disaster Relief Committee so inorganisa pian ipaalagey lamet so abung na saray agagi.

Matalek tayo ya tuloytuloy a magmaliw ya proteksion si Jehova ed saray agagi tayo ya naapektoan na pool.​—Salmo 62:8.