Nen bandad sampot na Hulyo 2024, abuo so Bagyon Carina a ed Pacific Ocean. Anggano agkinmena ed dalin na Pilipinas so sentro na sayan makmaksil ya bagyo, pinaloor toy nepnep kanian pinasyay uran, dinmelap, tan wala ray agawan landslide ed Manila tan diad kakaabay iran probinsya. Base ed tantiya, manga 4.8 milyon ya totoo so apektado. Masulok ya 600,000 so apilitan ya man-evacuate. Makapaermen ta ag-onabeba ed 39 ya totoo so inatey.

• Anggapoy agagin inatey o asugatan

• 155 ya agagi so nan-evacuate, balet maslak et akapawil la ed kaabungan da

• 2 ya abung so agaygay tan kinmusbo

• 11 ya abung so adera-deral

• 42 ya abung so aderal na daiset

• 11 ya Kingdom Hall so aderal na daiset

• 6 ya Disaster Relief Committee so binuo pian mangasikaso ed pangiter na saray relief

• Angiter na espiritual tan praktikal ya tulong iray elder tan manangasikaso na sirkito ed saramay apektado na delap

Itultuloy tayo komon ya ipikasi iramay aperwisyo na sayan bagyo. Misatsalamat tayo ed si Jehova, say “lapuay inkaligen” ya tuloytuloy ya manusuporta tan mangaasikaso ed saray agagi tayo.—Isaias 33:6.