Nen Oktubre 21, 2024 dakel so dineral na bagyon Kristine a diad Pilipinas. Kinmasil so bagyo diad bandad norte na bansa tan inmabot ed 160 kilometro kada oras so kapeles na dagem to. Makmaksil so dagem tan pinasya met so uran kanian dakdakel so lugar ya adelap tan nan-landslide. Lapud satan et dakel so aderal ya kaabungan tan karsada, tan naandi kuryente tan danum. Masulok ya 6 milyon ya totoo so manaayam ed saray apektadon lugar, tan manga 1 milyon so apilitan ya man-evacuate. Tan manga 126 ya totoo so inatey.

• Makapaermen ta inatey so sakey ya sister

• 747 ya agagi so nan-evacuate

• 7 ya abung so ageray

• 24 ya abung so aderal ya maong

• 128 ya abung so aderal na daiset

• 8 ya Kingdom Hall so aderal na daiset

• Likud ed espiritual ya panamaseseg tan suporta na saray manangasikaso na sirkito tan saray elder ed saray apektadon lugar, indaulo da met so pangiter na praktikal ya tulong ed saray apektado na bagyo

• 5 ya Disaster Relief Committee so binuo pian mangasikaso ed pangiter na saray relief

Maermen tayo ta wala ray inatey tan aderal lapud sayan maksil ya bagyo. Pero naliligliwa itayo tan naiikdan itayo na ilalo ed samay ibabaga na Biblia ya onsabi panaon et naandi la iratan ya anggad angga.—Isaias 25:8.