Nan-landfall so Bagyon Rai (ya tinawag ya Odette diad Pilipinas) ed nanduruman pasen ed Pilipinas nen Disyembre 16 anggad 18, 2021. Inmabot ed 195 kilometro kada oras so kakasil na dagem to nen inmunan dinmapo ed Siargao Island, Pilipinas. Dakdakel so aderal diad saray probinsya ed Northern Mindanao, Southern Luzon, tan Visayas.

• Makapaermen ta 4 ya manangipalapag so inatey

• 1 ya manangipalapag so nababalang ni

• 12 ya agagi so asugatan

• Tinaynan na masulok ya 2,000 ya manangipalapag so kaabungan da

• 246 ya abung so ageray

• 327 ya abung so aderal ya maong

• 1,174 ya abung so medyo aderal

• 43 ya Kingdom Hall so medyo aderal

• 6 ya Disaster Relief Committee so tinuro ya mangasikaso ed pangiter na tulong

• Liligliwaen tan papastolan na saray elder iray apektado, pati saray inateyan

• Seseguroen na amin ya agagin ontutulong ya natutumbok da iray COVID-19 safety protocol

Diad panangidaulo na saray elder, saray agagin walad saray agnaapektoan ya lugar et mandodonasyon na naakan tan kawes ed saramay apektado na bagyo. Imbunog ya tampol iray aka-pack ya naakan ya nanlapud Davao City ed saray pamilyan mankaukolan diad Surigao City.

Maermen tayon naamtaan ya wala ray pinabli tayon agagi ya inatey ed sayan kalamidad. Legan tayon aanosan irayan “mapeligro tan mair-irap a panaon,” komon ta tuloytuloy tayon manmatalek ed si Jehova ya manligliwa tan manpabiskeg ed sikatayo.—2 Timoteo 3:1.